قصيده في المقدم الشيخ / غازي بن عفاس بن محيا

[ابن زقيع]

السلام عليكم ورحمة الله وبركاته


هذه القصيده للشاعر المعروف / سهل بن مناحي الحزيمي

في المقدم الشيخ/ عازي بن عفاس بن عقاب بن محيا
وال محيا هم شيوخ طلحه من الروقه ولايستغرب عليهم وفائهم لقبيلتهم ومواقفهم المشرفه

الشيخ المقدم / غازي بن عفاس بن عقاب بن محيا

عسى الله يبيض وجه غازي ولد عفاس=بياضٍ على روس النوايف يشوفونه
وقِف معي راعي الطيب بالماقف الحساس=وفك القفل قدام بابه يصكونه
انا كيف ابجزا راعي الطيب يامحماس=ملكني وروحي للمعاريف مرهونه
هذا راس من روسٍ لهم بالثريا راس=هل الشيخه اللي شمل طلحه يكفونه
هذولا هل الحردا هذولا هل النوماس =شِمخ مجدهم كل القبايل يعرفونه
الا ياذوي عفاس ياطيبين الساس=ترا وكركم مافيه تِبعٍ يعدونه
نوادر زمنكم فرقكم عن جميع الناس=لياقلتوا ابشر كفو والقول تحمونه
سلايل شيوخٍ باللقا تورد العباس=هل الهندي اللي ينسف الراس ومتونه
الا ياهل الماهود والدرع واهل الطاس=كما النايف اللي يقصر اللاش من دونه
صحيح الندا يندا وعرق الندا دساس=توارثتوا امجادٍ من الاجداد مسنونه
وانا لانصيت انصا واعرف الرجال اجناس=نصيت الذي في حزة الضيق ينخونه
اعرف الصديق الصادق الماهر النبراس=بطل فزعته قدام لاجيه مضمونه
ضرب له مثل قدامنا هندي بن غراس=يقول الثمر من خضر الاغصان يجنونه
ترا الجوهره باقصى البحر تتعب الغطاس=بحرها عميقٍ يغرق اللي يغوصونه

تحيتي لكل من مر من هنا

[عبدالعزيز الدلبحي]

لا هنت والله يابن زقيع


قصيدة وافيه من شاعر مبدع وغني عن التعريف

وقيلت في اللي يستاهل ..


المحايا واللي مثلهم يرفعون الشعر مهوب اللي يرفعهم


لا هنت

[محمد العتيبي]

بيض الله وجهك يابن زقيع على النقل الرائع ..


وصح لسان الشاعر الحزيمي


ويستاهلون المدح المحيا ..


تحيتي
..

التوقيع

للتواصل عبر twitter تويتر al_bargawy@

[السراح الروقي]

لاهنت يا بن زقيع وبيض الله وجهك ....... صح لسان الشاعر الفذ : سهل الحزيمي . قصيده كفو في شيخ من شيوخنا المحايا ..... هيهات هيهات رجال يشهد لهم التاريخ (هل الحـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــردا) .

[ابن زقيع]

المشاركة الأصلية كتبت بواسطة عبدالعزيز الدلبحي

لا هنت والله يابن زقيع


قصيدة وافيه من شاعر مبدع وغني عن التعريف

وقيلت في اللي يستاهل ..


المحايا واللي مثلهم يرفعون الشعر مهوب اللي يرفعهم


لا هنت

مرحبا ياعبدالعزيز

لاهنت على مرورك الكريم

وبالفعل الشاعر مبدع والشيخ يستاهل

تحيتي لك

[مشاري الحبردي]

صح لسان الشاعر ...

وبستاهلون المحيا كل علم غانم

وهم من اشهر شيوخ العرب

آخر تعديل مشاري الحبردي يوم 14-Aug-2010 في 03:14 PM.

[ابن رازن]

صح لسان سهل

ويستااهل ابن محيا

[ابن العود]

احسنت يامن نقلت للشاعر سهل هذه القصيدة وصح لسان الشاعر
اما غازي فشهادتي فيه مجروحه فلقد خاويته ثلاث سنوات فهو نعم الرجل صادق صبور شهم ولاتجد منه الا كل علم غانم فله مني التحيه