( عجيبه يافيافي نجد تدحمك الحيود السود ) محاورة نارية مع معيوف الدوسري

[محمد بن حمدان المالكي]

جرت هذه المحاورة ما بيني وبين الشاعر معيوف الدوسري ، وذلك في مدينة الخرج ١٦/ ٣ /١٤٣١



محمد بن حمدان المالكي

سلامي فيه تولة ورد بغدادي وتولة عود
تكرم به لحى قروم الدواسر حي والفاني
عجيبه يا فيافي نجد تدحمك الحيود السود
وانا خابر جبالك بيض يانجد البريحاني



معيوف بن مبارك الدوسري

هلا يا مرحبا ترحيبة ناصل بها المقصود
ونعطي صاحبي مما عطا كاش وسفطاني
ترى ما فيه ضباط ياصاحبنا بدون جنود
على قول المثل ما فيه نار بدون دخاني



يدوم الطيب يامعيوف ما هبت هبوب النود
ولكن رد ما يشفي سوالات ابن حمداني
غريبه ما نشوفه يابن دوسر في نتاج الذود
لقيت انتاج بطن وظهر مير اشكال والواني




شهادتكم عزيزه والشهاده جت بدون شهود
وانا بالعز الاول ماتحرا تزكيت ثاني
حكومتنا الرشيده تعرف ان حكامها آل سعود
وبني مالك من آبنا الشعب ورد ابيض وريحاني




ترى نقطة حبر زرقا تعكر لون كاس اليود
وياكثر الحبر مبثوث في ثوب العريباني
تبرى من يمينك بعد ما شبت لك البارود
وربعي من بجيله ما بها بوذي وسيلاني



بياض وجيهنا من فعلناوالصادرات ورود
ليا قام يتفاخر في بلد جيزان جيزاني
يا ابو عين كفيفه والمعرفه حبلها ممدود
ولدنا اللي خذا معشوقته بالسيف شاماني




كفو يا لابة متسلطنه ما تارد المنقود
وانا ماني مفرق يابن دوسر بين الاخواني
وأنا ماني عما حكمه ولكن ما عليكم زود
خطوط الطيب فيكم حطها ربي بميزاني

[محمد ابن رووق]

محاووره ممتازه بعيده عن المهاترات

[الباااسل]

مرحبا يالدكتور محمد نسعد بوجودك هنا

[الجوراسي]

صح لسانك يالمالكي

ولا هان الدوسري

[رائد الكيرعاني القحطاني]

اثرك قوي في المحاوره يابن حمدان


صح لسانك ولسان قبيلك


غريبه ما نشوفه يابن دوسر في نتاج الذود
لقيت انتاج بطن وظهر مير اشكال والواني



حكومتنا الرشيده تعرف ان حكامها آل سعود
وبني مالك من آبنا الشعب ورد ابيض وريحاني


الله الله الله


مروري