الامير نايف بن محمد بن هندي بن حميد

[خلف القثامي]

رحم الله الشجاع بن الشجاع بن الشجاع

نايف بن محمد بن هندي بن حميد



اللي سمعته من كبار السن بان الامير / نايف بن محمد بن هندي بن حميد

كان ذو شخصيه قويه ورجل صارم وتزوج من قبيلة شمر العريقه وعاش في الشمال


وكذلك في حفر العتش ومرورا بالصمان وباتجاه الشمال

كان يقيم في مرابعها وكانوا اهالي الديار يطلبون الاذن منه للسماح بالارتواء من العدود الموجوده

هناك خاصه حفر العتش

رحم الله يابن محمد بن هندي بن حميد


والشيخ / بندر بن نايف بن محمد بن هندي اكتسب من والده الخصال الحميده

محبة عتيبه الهيلا والشخصيه القياديه في ضبط الامور بحكمه وعزيمه

[أبن مكرز]

هذي قصيدها قالها الشاعر عيّاد بن عالي الهاراني المقاطي في الشيخ نايف بن محمد بن هندي سأورد بعض منها :
يقول ابن عالي بدا في العلالي = في راس مرقاب تهيض في مبداه
وهيضني المرقاب يالاد غلاب = وكل بدع قوله على قد معناه
يوم البطيني ولعرب غافليني = سيرت في العارض وسافل قراياه
سر يا نديبي فوق زين الوديني = طويلة السمحوق حمراء مثنداه
تنطح ابن حميد ذخر الاجاويد = ابن محمد كم ضعيف تنجاه
جانا يبا الاسلام والدرب قدام = وانا احمد الله يوم ربي عطاناه
صقري شهر مشهور من ماقع صقور = ولا ادري متى صقري يعود لمجناه
عقبه طمع فينا وحنا ودينا = الذيب هون والحصيني توطاه
من لاله اكبار على الغبن صبار = واحوالنا بعد أمرانا مغشواه
هم اهل الاقوال ماضين الافعال= شيوخ نجد اللي على القوس ترعاه

[أبن مكرز]

هذه القصيده للشاعر زبن بن عمير الثبيتي الروقي وهو من اكبر شعراء عتيبه في وقته ،،
قال هذه القصيده في الأمير نايف بن محمد بن هندي ،،
وذكر فيها صفاته وبعض من تاريخ ابيه محمد بن هندي شيخ عتيبه




تبدّيت ذكر الله على كل ماطرا = أبا العفو من عافي عن أم الكباير
عسى الله ينظرني بعينه إليا نظر = في ماقفٍ تكشف عليها السراير
واسأل الله التوفيق في كل حاجه = وعساني من التوفيق عنده ذخاير
تهيّضت الي بأبيات قولٍ غريبه = على قد ماني بونسه بالضماير
ولاأحدٍ يقول ألاّ على قد مابه = ولابه حد"ن" يشكي على غير صاير
وأميّز وأبرّق بالليالي وغيرها = وأطالع بأهل وقتي وأدير الفكاير
وهم يحسبون إنيّ عن القول غافل = وأنا أمشي على ممشى زماني وأساير
وإن بان لي في شيخ قوم"ن" روابع = وصلته برجلي قبل رأي المخاير
وأبديت له شكوى الحشا من لساني = من الرأس أبيّن له جميع السراير
كما جيت للشيخ القدير ابن هندي = تعرف اسمه بوسطى وسبع الجزاير
ولد من ترجّى شمّخ النيّب عدّته = وتفرح بمركاظه سهاف العشاير
إليا ضيّعت سحق العشاير عيالها = وأصبح ولدها بين الأقطاع خاير
تبشّر بلاما ولدها عقب فردها = من ضرب مركاظٍ يشوق النواير
مركاظ من لاهو بـ عنها بينثني = قد ذاق بالمركاظ طرح العثاير
واليا أوحت الخيل المناحير عزوته = كلّن مسحها بقدم الرجل ناير
ومن لامجه بالعمر لو ربع ساعه = يموت مادرهم على الكسب غاير
ياماكسر من عظمٍ أصلب من الصفا = وأمسى وصلب عظام ساقه كساير
من عقب مايمشي على رايد الفضا = قاموا عليه يفصّلون الجباير
وياماطرح من سابقٍ عن نويّها = وأمست عشا عقب أكلها للبراير
وحامن عكفان الدناقير فوقها = وخلّن لحمها بالمخالب مزاير
وياماطرح من شيخ قومٍ من العدا = وقاموا عليه يقربون الحظاير
وأمسن حريمه يزعجن النوايح = وعيونهن تنثر عليه العباير
ثم أصبحت قومه تشامت برايها = يقولون هذي ماجرت بالسواير
يقولون لاعادت عليهم طماعه = وحياتهم راحت عليهم خساير
وأمست عيون عداه في حزن سهرها = كنّه يقالبها من الهزم عاير
وكبودهم مايبرد الماء لهيبها = ... عليها حطوا السم حاير
وأبشّرهم إن اللي بقى مثل مامضى = يبا يسقي أتلاهم شراب المراير
وماغاب من نجمٍ تبيّن مكانه = نجمٍ يلحّق منهم أتلى العشاير
وهو نايف بن محمدٍ بن هندي = يغور البحر والفعل ماهوب غاير
لو إنه وراء موج البحر نلتجيبه = وبغربته نعطي عليه البشاير
ونرجيه رجو المدهرين إلرجا الحيا = لو مايجينا ألا على الحول داير
حيث إن همّال الحيا يحيي الملأ = وتنبت به الأرض وتعيش القصاير
نباه عن صكّات بقعا ذر"ن" لنا = إليا جاء عقيد القوم للقوم زاير
ياما يدق إلهم ويسحن من الدواء = يومن عليه يدورون الدواير
وإن جاء نهارٍ غاطن الشمس عجّه = وضاعت مروّات العرب والبصاير
فهو مثل أبازيد الهلالي سلامه = تلجّأ به الفرسان عن كل جاير
وستر العتيبية إليا طار سترها = إليا فرّعن منقّضات الجماير
ودرعٍ لطرّاف القبيله معلّق = لين إن راع الدين يندب بثاير
وليا تنادوا بالقضا يااهل القضا = نبّب على الهيلا وداس الخطاير
يقدا جموع"ن" كنّها ساير الدّبا = ليا جاء مع الخد السّناوي زفاير
بذنب العدد ولاّ بالأفعال صاقعه = إليا حوّل قضّت صليب الصخاير
صواقع مناياً للعدا بأجرد النقا = والله مسلّطهم على كل باير
وإن ذادهم ذوّادهم يمّت العدا = راحت وحوش البر منهم فراير
وأومالهم بالرجم ثمّ "ن" تفيّحوا = كن إن بدا السيل الثياب الشهاير
وكن الجنايز في مصادير وردهم = هشيم الخشب طرح الرجال العزاير
ولهم على نشر الحفيف ارتعاصه = وكم حلّةٍ خلّوا عمدها نثاير
وكم ذود مصلاحٍ غدو به نهابه = وأمست يدينه من غناته فقاير
وتبجّحوا بالفيد من شمّخ الذرا = حم الشعاف اللي وبرها غفاير
ودرهم عليهم شيخهم واقهروا له = وحوّل يعزّل دقّها والفطاير
وأغنى كبودٍ يابسه عقب فقرها = وظبّط غزايزها الرجال النداير
وصوّت على باق العرب ينهبونها = ماقال أبا عقّب لعمري ذخاير
ولاشاور الحاسد ونمّامت القفا = ولااخذ من أرياهم علاها شواير
وليا عطى له مدّتٍ ماحسب لها = ألاّ بقولت جعلها الله وداير
وأبوه قبله قد عطى من نهاره = خمس وثلاثين معنونه ظهاير
قلعه نهار الكون في رقّة الرحا = من بين عكفان السيوف الطراير
مامنهن اللي حط فيها مثاني = ولا قال فيها لي رجاء فلو ناير
وأفعالهم ماني بمحص"ن" عدودها = كود إنيّ أحصي عدْ رمل الزباير
تمّت ومن بعد الصلاة على النبي = بعداد مافازت زهور النواير

آخر تعديل أبن مكرز يوم 12-Jul-2011 في 03:55 AM.

[سعيفان الهيلا]

تسلم يا غشام
واشكر أبن مكرز على الاضافة الطيبه
بارك الله فيكما
ورحم الله الشيخ نايف بن محمد

[متعب الند]

نخيت خالي يومهن اقبلني .........ودمع من عيني على حجرها سال



الله يرحم الشيوخنا ومصنعت التاريخ ............امين من لامني في حبهم تجيه الملامه...........


و

السب مايهفي للاجواجد ميزان................ والمدح مايرفع ايدينن قصيره............

و

موجاة اخذناهن ومبلش ذبحناه.........والملعبي راع البكار المغاتير....

وذباح اخو شملا لكلله ذبحناه...................وداجن عليه معسكرات المسامير





الله يرحم شيوخ اعتيبه .............................................


البيات هذي للحمده ...عن مناحي جبرين عليثه الهميصه