اللّي من اول مايعرف البشت///يطمر على المرقاب والساحه!!

[عيضه الثبيتي]

السلام عليكم ورحمة الله وبركاته

وكل عام وانتم بخير


والمعذره على طول الغياب


كيبورديه هجينيه تتحدث عن نفسها

لا عشت ياوقت العجب لا عشت=أهل البشوت اليوم مرتاحه
واللّي من أول مايعرف البشت=يطمر على(المرقاب)و(الساحه)
ويقول أنا فوق العرب كوّشت=بشتي عليه عطور فوّاحه
وعلى الشيوخ الباقيه همّشت=ماشفتوا(الأقشر) ومسباحه
وألقيت لي كلمة وأنا ما أرمشت=وأعجبني الجمهور بصياحه
وأخذت.. وأعطيت ..وبعد ناقشت=أنحط فالحفلات مرجاحه!!
نعنشتهم بالحيل ..وأتنعنشت=وصفّقت بالرّاحه على الرّاحه
ويقول أنا اللّي قمت واللّي ششت=ما يدري أنَها طاحت الطاحه
لا والله ..ألاّ بيّضت في طشت=للي من أول ..نعرف إمراحه؟؟
ياراعي الأغنام ياما حشت=وكلابك الطوقان.. نبّاحه
خيّشك وقتك صح وأتخيّشت=مير الليال السود فضّاحه
تحمّد النعمه بعد كرّشت=وأخذ لك من (سليب)طُرّاحه
أنته من مدوح العرب وش نشت=لا يغرّك الكذّاب بأمداحه!!
أبلشت عمرك يأجودي وأبلشت=حتى بني زهران فالباحه!!
العام لن جوك الضيوف أنحشت=ياكبر قفلك..كيف مفتاحه؟؟
واليوم صاير شيخ لابس بشت=وتموت فالمرقاب والساحه!!

اخوكمـ /عيضه الثبيتي
29/8م1431هــ

التوقيع

البارحه كان اللقاء مابينا كله حلو=احلا من السكر وكلّك يابعد عمري حلا!! من يوم ماقلتي ياروحي يابعد عمري:(الو)=وأنا بخير وعافيه قدام لا اقلّك :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131

[محمد العتيبي]

حجز المقعد الاول ..

التوقيع

للتواصل عبر twitter تويتر al_bargawy@

[محمد العتيبي]

الله الله الله


صح لسااانك يابو فيصل ..


ولا عدمناك يالغالي
..

[احمد منير الواصل]

السلام عليكم ورحمة الله وبركاته

الله لا يهينك ياعيضه وقصيده رائعه وتألق جميل
العام لن جوك الضيوف أنحشـت
ياكبـر قفلك..كيـف مفتاحـه؟؟
واليوم صاير شيخ لابس بشـت
وتموت فالمرقـاب والساحـه!!

[برررق الحيا]

صح السانك راعي هالهجينية الشاعر عيضة

قصيدة جميلة بغض النظر عن هدفها وسبب خروجها وهذا لايعنينا

ومايعنينا هو شاعرها وجزالته ومعانيه وشبكه وحبكه

لاهنت وكل هام وأنت بخير ومبارك عينا وعليكم الشهر

لا والله ..ألاّ بيّضت في طشـت
للي من أول ..نعرف إمراحـه؟؟
ياراعي الأغنـام يامـا حشـت
وكلابـك الطوقـان.. نبّـاحـه

جعلها ماتصير في صديق هالقصيدة خخخخخخ

[عبدالله الجـــذع]

حياك الله يابو فيصل

ومبروك عليك وعلى الجميع الشهر

وصح لسانك ووالله انك ماعديت الا الصدق

وننتظر قصايدك

محبك

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[محمد النخيش]

أبو فيصل


يعلم الله انك مبدع مبدع مبدع


صح لسانك صح لسانك صح لسانك حتى ترضى


ولاتحرمنا جديدك ولاعاد تطول الغيبه

التوقيع

اطلـق سـراح الفكـر وابـعـد مجـالـه حتى تصيد الشرد وتطـوع الشـرد واتعب على الكلمه وشعر الجزاله واللـي يجمـل للعـرب تسـرده سـرد فالشعر يبقـى شعـر راع الاصالـه اللـي بشعـره منـفـرد بالـجـزل فــرد تويتر: alnkhish@

[أبو مرحبا]

ابداااااااااااع ياابوفيصل

صح السانك مدد بلا عدد

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[سلطان الفجري]

اشكر اخي الشاعر عيضه الثبيتي على هذاي القصيدة الوووووقعية

[سمي الجد]

لله درك على هذه الجزله تقبل تقديري