الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > المنتديات الأدبية > الشعر الشعبي

« آخـــر الـــمـــشـــاركــــات »
         :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)       :: الشيخ عبدالله ابن جزعاء العازمي جمع غير الفروسيه الحكمه والفكر السياسي وبعد النظر (آخر رد :متعب الوحيدب)      

 
 
أدوات الموضوع انواع عرض الموضوع
غير مقروء 11-Aug-2008, 01:11 PM رقم المشاركة : 1
معلومات العضو
بدرالهبيري
شـــاعــر

الصورة الرمزية بدرالهبيري

إحصائية العضو






التوقيت


بدرالهبيري غير متواجد حالياً

افتراضي ( المعجزه ) هي قصيدة الشاعر الكبير : عبدالله بن زويبن الحربي ...

السلام عليكم ورحمة الله وبركاته ..


الشاعر عبدالله بن زويبن المعمري شاعر علم ويعتبر
من عمالقة الشعر واعني عمالقه بكل معنى الكلمه
له من القصائد مايبهر المستمع والقارئ ..
شاعر جمع بين جيلين يجيد فن التصوير والوصف
كما يجيد جميع اغراض الشعر وطرقها بكل تمكن ..


اطلقت على قصيدته هذه اسم ( المعجزه ) لااعلم هل
ستروق له هذه التسميه ام لا ..
على كل حال .. اترككم معها ..






سمعت لي كلمة(ن) مدري ويش أقصاها =حزّت بصدري وأنا ماني بهارجها
لو كل كلمة اليا جتنا طردناها =بعنا الثمينة بسعر ما يخارجها
لو مرت السمع ما كنا سمعناها =ونقفّل الراس عنها لا يبرمجها
ومن يم هذا لهذا ما نقلناها =والناس واجد وتلقى من يروجها
من جابها بين خلق الله ووداها =لو به مراجل ترى نفسه يسمجها
من عامل الناس في سابق خطاياها =يقعد بدار(ن) خلا ما داج دايجها
في كنّة(ن) تشوي الجربوع رمضاها =تيبس غصون الشجر من حر واهجها
والناس بالحق حكم الشيخ ما ارضاها =ما ترضي الناس لو إنك تحججها
يا اللي تبا الطيبه خذها وعطناها =وخل الطريفه طرية لا تثلجها
واقضب طريق الاوادم وامش ممشاها =اتبع دروب العرب وادرج مدارجها
وارسم لنفسك حدود ولا تعداها =من حط نفسه بدرب الضيق يحرجها
وإن كان نفسك هواها قام ينحاها =حط الاعنّة برووس الخيل واسرجها
وفكّر بمنكافها قدام مغزاها =واضرب حساباتها وتشوف ناتجها
وكل(ن) بعضده يموح الدلو برشاها =وتلقى كبود الضوامي من يبرهجها
وإن كان توْك على صدرك تهجاها =حنا ترانا ندرس في مناهجها
من يم مصباحها نبعد معشاها =اليا قعد راعي الضلع يدرجّها
لو هي صعيبه اليا انعاجت عدلناها =واللي تجي مستقيمه ما نعروجها
نهتم في وزنها وابرام معناها =ومن الكرستال واللولو نتوجها
مثل الجواهر ليا منا نضمناها =وسلوكها من جديد الزري ننسجها
مخايل(ن) ترتدم والصدر منشاها =إن دك بالبال داكوك(ن) يهيجها
واليا امطرت ضاقت الوديان في ماها =تاخذ اليا الحول ما يبست مدالجها
ان صدت الناس عنا ما اعترضناها =ما تقفي الناس عنا ونتولجها
وان جاتنا الطيبه بالطيب زدناها =الطيبه بالعسل والسمن نمزجها
وان جاتنا الثانية نصبر ونرفاها =يمكن اليا فاق راعيها يعالجها
وإن عادها عودة(ن) ما عاد ينساها =من حربة(ن) في صميم الصدر نولجها
مسمومة(ن) يبلش الدكتور بدواها =ما يقنع العيْ لين انه يلامجها





اخيرا ً ..
أتمنى أن هذه القصيده نالت على الاعجاب ..

رغم شهرتها احببت طرحها عل وعسى ان يجدها
من يبحث عنها ..

تحياتي وتقديري .. بدرعيد ..















رد مع اقتباس
 

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »03:39 PM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي