حيث يقول فيم ابن سويط شيخ الظفير يخاطب اباالعلا ويشتكي له من تنكر الاصحاب
ان جيتهم يا اباالعلاء اذكر لهم شلفا سنين =عقب الموده والغلا ياماحلا كسر الخدين
وقال الشيخ جزاء ابالعلا أحديته :
ياطارش منا لابن فهيـد=قله ترا له موقـف خـلاه
وعيد والله مابقي وعيـد=الجمع يزبر والجمل سقناه
اما شرابدهـم تعـدى فيـد=ولا شعيب الحمض خليناه
خيال صبحـا والجبـل=وقرين عفرا والنفـود
ارعي مهاوية الجمـل=وانا علي الشقرا الهبود
وغزاه الشيخ جزاء اباالعلا واخذ مهاويت الجمل وقال احديته:
ياسربت صارت فشـل=عقب التعزوي بالحيود
وخذت مهاوية الجمـل=وانته على الشقرا تحود
وكان كل ماذهب للغزو يرجع لوالده وهو قد قلع الكثير من الخيل ويوزعها قبل ان يصل لوالده وفي
أحد المرات قلع 12 مما دعا والده ان يتمثل فيه
حر جذبته من عاليات المراقيب =ياسرع ماجاني والقلايع تباريه
وقد نسب له بعض الأبيات
لا والله الا سنـدن المظاهيـر=عقب الربيع وعقب راضة مهنا
واحيسفي ياجـل ذود مغاتيـر=ياليتنا عنـد البواضـا طعنـا
وله ايضا
لوهي بملكي زينة الحجبان=شقرا مع الصانـع هبـود
لتيه الفاطر مـع الغـزلان=مع درب بـراق الرعـود
والقصه انه أستجار أحد البقوم بسعيد بن مقنزع من الحمارين من العصمه بوسيله تسمي العلقه.
وبعد مده سافر البقمي فلقيه جماعه وأخذو مامعه فعاد الي جار سعيد بن مقنزع وأثار
نخوته بهذه الأبيات
يافاطري حني ونـادي الحماريـن=وابدي لهم في كـل راس يبينـي
ان سندو وان جوك من فرع منحين=وان واردوك الما مـع الواردينـي
خصي بها صايل نحـاز المعاديـن=لادرهمـن مسرعـات القريـنـي
ثم أنخي الشفعان هم لـه مواليـن=هم ولحقاهـم كانهـم جازعينـي
وانخي لشجعان علي الحق قاسين=اباالعـلا وربـوعـه الطيبيـنـي
خصي جزا حامي عقـاب المتليـن=ليـا رفعـوا لقطيهـا بالمديـنـي
يا لاد عاصـم يالرمـاه المتاقيـن=ياما ايتمن ايمانكـم مـن جنينـي
ياعنك ما انتم عن مثاره بمزريـن=ولا ترانـا نـعـذر العاجزيـنـي
انشد الشاعر الخراف الغزلي ينخا الاد عاصم وبنخا الشيخ جزا اباالعلا
واربعي اللي ذاهنيـن وجهـال=خمسة عشر من ناقلين الفتيلـه
باقوهم العدوان شينين الافعـال=الله يبوق الـي يبـوق بعميلـه
يالاد عاصم بان للحرب مدهـال=ولايستليـم الا اليديـن الكليلـه
نبي عليهم روحة عقب مقيـال=في راي منهو للركايـب دليلـه
جزا عسى عمره لطالات الامهال=مضراب رمحه ماوقف راس ميله
وذكرها الشاعر الكبير كديميس العصيمي عندما رد علي شعراء قبيلة حرب
وابن الحريش اللي علي الخيل مذرب=علي حصـان لـه عـزوم هذوبـي
عاقه جزا بمشلـش يلقـط الحـب=خيـال طافحـت الـذراع الذنوبـي
خلي خلاف الخيـل طايـح ومنكـب=الرجل ميـت والحصـان معطوبـي
وقال فيها الفارس شويمان ابالجلاد ا من الجلاه من العصمه في مناخ الرشاويه
وادي الرشا مهوب ورث من قديم=الا لمن ساق الجمل ثم احتمـاه
خلوه من عقب القسا بني مضيم=نطرد شرايدهم لصبحا والحصاه
عنه الدويش محدرينه للقصيـم=ماهوب حربي نف ذربـه يبـاه
الحر الأشفر نتفوريشه عصيـم=ذبحت شيوخه يوم ربي ماهـداه
المقصود ساق الجمل الشيخ سلطان عند ما ساق عطفة العصمه في ذالك المناخ وذبحت
شيوخه عندما قتل نايف بن جزا ابوعبيد الدويش
كذالك قال شويمان في الرشاويه
ولشويمان احديه ذكرها تركي القداح في كتابه (احديات والقاب من قبيلة عتيبه ص 61) وهي:
كلنا دوله علي سلطاني=والهنيدي يوم قام اوزانه
ارجحو بالعلم للحمراني=والشفيعي راجح ميزانه
قال الشيخ سلطان اباالعلا شيخ العصمه
نرعي من الخله الي النشنـاش=فيـهـا منـازلـنـا تـبـيـن
رد الخبـر يالمـاش الـطـراش=يـوم الشمايـل سنـدو مقفيـن
نركب علي اللي ركضهن شوباش=تـبـرا لجـرعـات الحنـيـن
ومن القصائد التي قيلت فيه
يقول فيه الشاعر محمد بن دخيل ابو خطمه الشيباني:
سلطان وان جات المحاضير جزار=اليا اقبلت ثم ادبـرت بالمناعيـر
تلقى على جنبه من الهند صـرار=ياما نثربه من دما الضـد تنثيـر
وقال الشاعر شعيفان بن بطي العصيمي في سلطان اباالعلاء قصيده طويله منها:
ياسلام الله على حماي الاطرافي =شيخنا وان جات قاله يسويهـا
والله انا درعه الضامن الضافي=عين نفرحها وعيـن نبكيهـا
وقال الشاعرالجعيداني العصيمي قصيدة طويله منها في مناخ الرشاويه :
سلام مـن بالـي بـردان السـلام=ياميرنـا يـوم القدايـم والسلـوم
ياميرنـا يـوم الملاقـا والـزحـام=يوم العطف سيقت على الدوشان قوم
قاد الجمـل قـدام ربعـه بالخطـام=عليه جوزاء عزوة القـوم القـروم
ورثاه قبلان بن سعيده العصيمي بعد وفاته في الدبدبه وقال:
ياونة ونيتها عقـب سلطـان=ونة كسير كـل ماشيـل ونـا
ياعين ياللي دمعها صار هتان=والها ليـال بنومهـا ماتهنـا
على الذي خلي بعد حيث ماكان=في ديرة فيـه الذيابـه عونـا
ليته قعد عنده من الربع قومان=يايحسفي والا قبر فـي وطنـا
.............وسمعتهم
وحده يقالها سماح وعلمت ساره بنت بن عزرا و قالت هالابيات:
لا عدت ياعلم لفت به سماحي=ياليت ربـي لدهـا ماسمعنـاه
يامن يسوق ضعونا للمناحـي=والمرقب الخالي ليا هيب نرعاه
عليت ياشيخ ثنى ثـم طاحـي=من دون يوم طـارت ريايـاه
وقال نهار بن عموش العصيمي في الهنيدي بن مشعان ونايف بن جزاء
ياعيال كبو الجيش ياللي تسومون=يامـن يوصلهـا ديـار الحـرابـه
روحو تتاجير مـع اللـي يبيعـون=والرزق عنـد الله ولا صـك بابـه
عقب الهنيدي عود الجيش في دون=الجيش ريح مـن حفـاه وعذابـه
وان عاش نايف عاض حي ينوحون=والكايده وان كـان سقمـه غدابـه
مجمول وان طرق مع اللي يغنـون=كفـاي حـاظ مذوبيـن الطـلابـه
اهل بيـوت شيـدت يـوم يبنـون=فـي مرقـب كـل القبايـل تهابـه
واهل احكـار بالقسـى مايشحـون=والضيف يبطي ماتحسـب وجابـه
وارسل لهم القصيدة هذة وهو في الغوص وكان راشد من ابرز رجال قبيلة العصمة اذ يقول
واللـة يانوخـذة ماشانـك بشانـي=شاني مع اللي سراة العـد يردونـة
وشان الاخر مع ( مسلط ) وسلطاني=ليا قدموا سبرهم للجيـش يقدونـة
غاروا على جيش بدو يـم فغرانـي=ولا على نشر بدو في الحمـل دونـة
ولحقوا هل البل على شبً وشيبانـي=ولهم هقاوي على ان الجيش يفضونة
والجيش دونة عيـال بـم سيلانـي=نايف ومانع ومسلط حولـوا دونـة
وليا عتزا بالعصيمـي كـل ديقانـي=راع الرديـة لــزوم ً مايخـلـون
لي لابة في نهار الضيـق ضفرانـي=كم واحدً من فعلهم خاط الحد دونـة
واليا اعتزا واحد ثـم حـول الثانـي=للـي تتنـى بمحوالـة يسـدونـة
ويالله انا طالبـك ياقضـي الشانـي=الواحد اللي جميع الخلـق يرجونـة
سلم لنـا شيخناحمـاي الاضعانـي=اللي اليا جا نهار الضيـق ينخونـة
المقصود بمسلط هو الشيخ الهنيدي ابن مشعان ابالعلا
وفيها قال ابو العويرا شاعر حرب قبل المناخ
ياواصل الكرزان مع روق وعصيم=قله ترا وادي الرشا راعيه جـاه
الحر الأشقر جاء لجنحانه وشيـم=فيصل ولد سلطان سعد اللي نخاه
فقال الفارس والشاعر شويمان ابو الجلادا بعد المناخ
وادي الرشا ماهوب ورث من قدبم=الا لمن ساق الجمل ثـم احتمـاه
الحر الاشقر نتفت ريشه عصيـم=ذبحت شيوخه يوم ربي ماهـداه
ذبحت شيوخه _ عندما قتل نايف ابوعبيد الدويش
وكان اكثر من حضر الرشاويه قبيلة العصمه وفرسانها وكانو جمبعا علي (نبوان)
وبعد المعركه قال نايف أحديته
ياوا صل عبدالعزيز=قله حمينـا دارنـا
وعبيدخلي بالمداس=داجن عليه مهارنا
(عبدالعزيز ) جلالة الملك عبالعزيز رحمه الله وكان في بداية حكمه للرياض .
-فيل فيه وذكرناه في موضع الشيخ الهنيدي
والجيش دونه عبال بم سيلاني=نايف ومسلط ومانع حولو دونه
وايضا
ان سلم نايف عاض حي ينوحون=والكايده وان كان سقمه غدابـه
مجمول وان طرق مع اللي يغنون=كفاي حاض مذوبيـن الطلابـه
أهل بيوت شيدت يـوم يبنـون=في مرقب كـل القبايـل تهابـه
ويقول شرار بن وقيان بن برقا بعد مارحلوا البراقين عن العلوات وبقوا العلوات في
الهضب:
امس الضحى فارق ضعنهم ضعنى=وانا على ربعي كثيـر الحسايـف
خليت نايف فـي عمـود يونـى=ماشالـه الانابـيـات الـردايـف
ياربعنـا مايقبـل العـذر مـنـى=وش عذرنا يالربع من رجل نايف
خيـال خلفـات ماهـوب يتونـى=وزيزوم اهل هجن عليها الكلايـف
قصيده الشاعر الكبير كديميس العصيمي يذكر فعل الشيخ والفارس نايف ابن جزاء ابالعلا في مناخ الرشاويه وقتله للشيخ ابوعبيد الدويش
و (بو عبيد ) الـي يجيـد المهـاره=لاجا اجتـوال معسكـرات المساميـر
فالمعـركـة يـقـدر يـديـر الاداره=يثني جـوادة عنـد تـال المضاهيـر
جـاة ابلجـاً يكـرة عـدوة مـراره=اليا عدى يطرح صقـور وصقاقيـر
وتواجهـو والكـل جـرب جـمـاره=وطاح ( الدويش ) بوسط ذيك العثامير
انشـد عـنـة ولا تقـفـة بـثـاره=تلقـاه فـي واد الرشـا كنـة بعيـر
متفرشـاً يمنـاه عقـب انكـسـاره=عليـة عقبـان الفريـدة مخامـيـر
وذيـب جبلـة لياخـوع اليـل زاره=والطير ياكل منـة والسايـر يسيـر
التي يقول فيها الشيخ عبدالله بن ماجد
باريت للحرشاء علي بنت عدهان=من خوف لاتجري علها الصواديف
هزع الوروك وصدرها نايفٍ بـان=وطيارٍ اذنيها سـوات الكرانيـف
ماسيرت فالسوق تشراء بالاثمـان=ولاهيب فيـدٍ للرخـوم الكلاليـف
يازينها تكسر على صوت مشعـان=في عبلة البره وهـاك النفانيـف
ويزينها تتبـع ضعايـن هميجـان=ان حدرو وان سندوا للمصاييـف
ويقول الشاعرالقحطاني :
اسلم وسلم على ابن بجاد سلطانـي=بالغطغط اللي هل التوحيـد بانينـه
واهل سنام على البـارود ظفرانـي=يمشون بسيوفهم والموت ناسينـه
وربعي هل الرين درع فوق الامتاني=درع متينٍ على الامتـان مظفينـه
--------------------------------------------------------------------------------------------------------
لاهنت بازيد بن غـــانم على النقل الذي كان يتحدث عن تاريخ امراء قبيلة العصمه الا وهم الذين اثبتوا وجودهم في نجد يوم ان كل نجدته من ذراعه العلوات الله يرحم الميت و يطيل في عمر الحي ويديم عليهم العز صحيح انهم امراء بمعنى الكلمه الاماره تثبتها الفعول في زمان مضى و في الوقت الحالي والشاهد حضورهم في ملتقى قبيلة عتيبه الهيلا لمزايين الابل وهم اصحاب المخيم رقم 1 ونعم القبيله الذين ينتمون لها قبيلة العصمه مركى عتيبه , قطمان المحازم نعم القبيله ونعم من ينتمي الى هذه القبيله المشرف فعلها في ماض الزمان و حاضره ولا يسعني الا ان اقول بيض الله و جهك ياسنايدي ولك تحيه
السلام عليكم و رحمة الله و بركاته
« آخـــر الـــمـــشـــاركــــات »
25-Nov-2010, 12:49 AM
العرض العادي
