احدي روائع ابن عون

[ابن عاصم]

قصيده لابن عون و بـــــــــــــــــــــــــــــــــــــــــــدون مقدمات


ياملّ عيـنٍ يعـلّ الجيـب ذارفـــهــــا

××××××××××× اربع وعشرين ساعه تهجل iiاهجالي

والنوم يا دحيـم عايفتـه iiوعايــفهـا

×××××××××××××دارت سنتها على سِهْـر iiوتملاّلـي

مدري على النوم عيني وش مكلّفها

××××××××××××للسِهْر في نونها ممسـى iiومقيالـي

واللي جعل نوم عيني مـا iiيوالفهـا

××××××××××××واهج لهيب الغرام اللي برى iiحالي

واحالي اللي طهوم الشوق iiناحفهـا

×××××××××××× مـــابـاقٍ الاّ عظــــامٍ جسمهـا iiبالـي

عليك ياللي غلاك الـروح متلفهـــــا

×××××××××××× يــاللي مــحلّك بوسط القلـب iiنزّالـي

غلاك نفسي عن الخفرات iiصارفها

××××××××××× لــو يجمعن لي من اولهن الى التالي

لك سيرةٍ بالمحبّه ما اقـدر اخلفهـــا

××××××××××× لــو هي سبايب سهر عيني iiوغربالي

الاّ رجا ساعةٍ ما اقضي حسايفهـا

××××××××××× والاّ علـــــى الــــسنّه السمحـا iiتهيّالـي

رجعت للسالفه واحييـت iiسالفهـا

××××××××××× الـــلـــي يقولــونها في ماض iiالاجيالـي

اللي سبب موت ضيف جديع iiماقفها

××××××××××× حــيـــث ان ذبــــّاح ضيف جديع يبرى لي


///////////////////////////////////////////////////



تحياتي

[ابو وعيل]

هلا

شاعر غني عن التعريف وقصيدته تحكي عن نفسها ..


من اي ابن عون ؟؟؟ عبدالله .. غازي .وعمومن فخذ بن عون

من الروسان فخذ مغمور بالشعراء






والف شكررررا اخوي ابن عاصم

[ابن عاصم]

هلا وغلا

ابو وعيل

القصيده قصيدة عبدالله بن عون


وصدقت اخوي ابووعيل عبدالله وغازي ابن عون شعراء اغنياء عن التعريف

[الصمصام]

واحالي اللي طهوم الشوق iiناحفهـا

×××××××××××× مـــابـاقٍ الاّ عظــــامٍ جسمهـا iiبالـي



تقبل تحياتي

الصمصـــــــــــــــــــــــــــــام

[قـلـب الأســــد]

رجعـت للســالفه و احييت سالفهــا***اللي يقولونهـا في ماض الاجيــالي


اللي سبب موت ضيـف جديع ماقفها***حيث ٍ ذباح ضيف جـــــديع يبـــرالي


إبن عاصــــــــــم ( نعم القصيده و نعـــــــــــــــم الإختيار )

الله يكثر من أصحاب الذوق الرفيع أمثالك و يقوم إبن عون بالسلامه

إخـوك / قـلـب الأســـــد

[ابوعتب]

بدون مقدمات ابن عاصم ابا قصيدة ابن عون اللي يمجد فيها فعل السبعان في عتيبه بمعركه
يوم يمدح سبيع بقتل الشيابين حتي الناس تعرف من هو ابن عون
وبدون مؤخرات رجاءا

[ابن عاصم]

هلا يالصمصام مرورك اسعدني


اخوي قلب الاسد

الله يقومه انشالله بالسلامه


وشكرا علي الاطراء الجميل بجمالك


اخوي ابوعتب

هلا وغلا

للاسف لا اعرف هذه القصيده الذي يذكر فيها ابن عون السالفه اللي تقولها

ولكن هناك قصيده لابن عون يمدح فيها ابوثنين وهو من شيوخ سبيع وذكر

مااثر لقبيلة الممدوح والذي يستاهل المدح لما له من الذكر الطيب مع الناس

ومن الطبيعي بان يستشهد ابن عون ماثر سبيع ليبين انه من قبيله عريقه ليس

بغريب علي رجالاتها الفعل الطيب والذكر الزين .

وانشالله ان وجدة هالقصيده انك لتقراها هنا يابوعتب

واذا كانك حافظ من القصيده اللي تقول عليها عطانها ولو بيت.




اخيرااااااااااااااااا

الصمصام

قلب الاسد

ابو عتب

مرووووووركم اسعدني

[ابن عاصم]

ياهل الونيت اللي عزمتوا مسيان =للشرق من قطر ايسر الغرب ناصين

تجملوا بن ياطليقين الايمان =وريضوا على شاني ولوكان عجلين

وليا كتبت ابيات شكر وعرفان =امشوا عساكم للسعادة ملقين

طريقكم يبرى لبيبات مروان =وليا وصلتوا ظلم جاكم طريقين

درب يروح يسار من دونعردان =ودرب يروح يمين يوطا الشيابين

بين العواصم عبدوه اهل الاحسان =لاهل اللزوم وللحجيج الملبين

في الدرب الايمن للمسافات نقصان =روحوا يمين اقرب لكم ياميامين

ولا من برج العاصمة قدامكم بان =تعدوا الحي الموالي للاقصين

تلفون شيخ في ربا الفخر سكان =اهل الفخر في الفاخرية مبنين

عنده قرا الضيفان من قرح الضان =يبهج كبود اللي من البعد لافين

ولا دار مايجلا ضرم كل ضرمان =مدوا جوابي للوفي يالوفيين

ولاوصلتوا المكتوب لابن شعيفان =ياهل الوفا وافين منتم بهافين

شيخ سلايل شيخ من روس شيخان=بنك الجمايل من شيوخ الجمالين

بعض الاسامي للمخاليق تبيان =قبيلة على الجمايل مسمين

ماسميوا من بدة الناس جملان =غير لسلفهم بالجمايل براهين

ولولا الخلف فعل السلف راح هموان =مير الخلف مع درب الاسلاف ماشين

ومسلط ورث جدانهم عاداتهم ورث جدان =واحيا فعول اللي بالجداث فانين

الخط يكتب له على الظرف عنوان =والفاهمين العارفين اللبيبين

يدرون بالعنوان في وجه الانسان =والجود له في وجه مسلط عناويين

اسمع فعول الشيخ مسلط بالاذان =ولا اقتنعت الا بعد شفت بالعين

ليا عنى له واحد فيه له شان =يقابله قبل القرا بالنبا الزين

من جا محله راض لوكان عجلان =وفضايله يلقونها المستحقين

لاجاه معسور من الدين غرقان =عانه وخفف عنه دين الديايين

من لابة يوم المغازي والاكوان =لديارهم بمذلق الحد حامين

مسكانهم جميع في ماضي الزمان =بين النفود وضلعها والشعيبين

من غرب حد ديارهم خرص وضعان =ويحدها من شرق دار القحاطين

وجنوبها من شهران خلدان =وشمالها ثلاث شدات من تين

حادين عنها الناس من عصر بدران =وراسين ولطلابة الدين مضحين

ويوقرون الجار كرمان شجعان =ودهاة ثقاة ثقال خفيفين

خفاف النفوس اليا لف الدار ضيفان =وان زارهم خصم لقاهم خفيفين

للصاحب احلا من لبن حم الامعان =وعلى الاعادي كايدين غثيثين

ويوم اجدبت وديانهم والدهر شان =قسم رحل منهم وقسم مقيمين

اللي قعد منهم حصون للاوطان =دون العشاير والجباير راسين

وقسم تحدر بالسبايا والاضعان =يمشون في مشهاة رثم العرانين

محوالهم مابين خنزير وذقان =وحطوا سدير يسار والعارض يمين

وفاضوا على دار عذية وجيان =وغزوا عمود البيت بين الحفيفين

مابين مطران وخوالد وعجمان =استوطنوها غصب ماهم راضين

لولا فعل خضر النمش وادهم الزان =ان كان فيها ماستقروا زمانين

خذوا لهم دار ماهلها برديان =لكن جاء الشجعان ربع شجيعين

خذوا من الحاير لنا جو ساقان =وفي الحاير الهم فيه غرس وبساتين

ساروا بها ليومه قبايل وسلفان =وهم يوم جوها من ديرهم قليلين

وسبيع قسمين اهل حرة ووديان =والقسم الاخر باسفل الدار ناجين

مبطين حنا والعلويين جيران =وبالطيب سلونا عن الربع الادنين

حنا وهم ورعان واليوم شيبان =عند الكرم مكرمين عزيزين

احسب هل الوديان مامثلهم كان =واهل الحفر ورماح عنا بعيدين

ومن شوفتي فعل بعضهم بالاعيان =اشهد بشوف العين ماهو بتخمين

به قصة مفروض ينشر لها اعلان =وتحط للقارين من بين قوسين

قصة عبيد اللي ذبح حيل سمان=والضيف داره وين ومضيفه وين

وان كان قبل العلم ماهوب وكدان =شهودها الحضار خمسة وعشرين

ولو قالو احكم بينهم صرت بحلان =بين الحدارية وبين العلويين

وازريت افضل منهم احد على الثان =بفعل الامور الطيبات متساويين

ياكثر مافيكم من الطيب سبعان =على الكرم كن الكرام متواصيين

وختامهن عداد ماهل ودان =صلوا على الهادي خيار النبيين



هذي هي قصيدة غازي بن دخيل الله بن عون اللي يمدح فيها ابو ثنين يابوعتب

ولم ياتي ذكر الشيابين والسالفه اللي تقولها اللهم انه يوصف الطريق للي يبا يوصل رسالته وانه بيمر ديرة الشيابين



واتمني يابو عتب اذا كانت القصيده اللي تقولها غير ذي

رجاء انك تذكرها

واذا كانت ذي القصيده اللي تبيها فاظن انه قد التبس عليك الموضوع وفهمتها غلط او اللي نقل لك القصيده وسببها لايفقه شيئا غير انه يحفظ ويعيد اللي يحفظه .

وللمعلوميه لم اسمع بخبر ان هناك قصيده للعونه مدحوا سبيع فيها الا في ذي القصيده
والان وبعد اتضاح الصوره

لديك يابوعتب

الايجدر بك الاعتذار .

وجل من لايسهو

يااااااابو عتب

وشكرا لك يابوعتب

فقد يكون اللبس ايضا لدى الكثيرين ولم تتوفر الجرأه الافيك لتقول ماقلته .

اخيـــــــــــــــــــــــرا

العونه من فطاحلة الشعر النبطي في العصر الحديث علي مستوي الخليج وليس في قبيلة عتابه فقط .

[ابوعتب]

مشكور يابن عاصم والقصيده مو هاذي غيرها وانا سمعتها بدوانية واحد من الربع عندنا بالكويت وحقدت صراحه حتي العتبان اللي بالدوانيه حقدو وما برد كبدنا الا الجذع اللي رد علاه ولوني حافظها كان قلتها بس والله ناسيها بس مهيب ذي لانه بمعني القصيده حقت ابن عون انهم ذبحو الشيابين
وتسلم ويسلم من شارك ودمتم

[ابن عاصم]

حياك الله

يااااابو عتب


صدقني وثق بي وانا خوك

ان القصيده اللي سمعتوها ماهي لابن عون

لانهم ناس فوق الشبهات ولايمكن بتاتا ان يبدر منهم ماقلت

لاني سألت وتقصيت لم اجد غير القصيده اللي ذكرتها لو مجرد ورود كلمة سبيع الا في القصيده اللي قلتها لك .