ربعي عتيبـه من العارض ليا الحـره...سقم المعادي ليا جا العلــم مردودي

[ابن نجد]

الشاعر فيحان الرقاص الحافي الروقي العتيبي ، هو احد شعراء عتيبه الذين لهم باع كبير في الشعر واجادة تطويع القافيه ، حصل ان سجنه ابن جلوي لسبب ما في الحسا وبعد ذلك أطلقه ثم اشترى له ذلول وعاد لقبيلته وفي الطريق اخذ يتوجد على دياره وانشد يقول :

وا هنَـي من زرفلت به فرخــة الحـره
معطي مزاليــج ولا معطـن الجـودي

لربعي عتيبـه من العارض ليا الحـره
سقم المعادي ليا جا العلــم مردودي

والعلم الاخر ليا ركبوا على الجره
ثم جاهم السبر من قدام مطرودي

والقصيدة اطول من ذلك ولم احفظ الا هذه الابيات ، ومن لديه الابيات كامله لايبخل على المنتدى بها
=================================================
وقد قال قصيدة اخرى عندما كسرت ساقة بعد احدى المعارك وقعد عند أهل الشعراء وجبروه ، وأهل الشعراء هم ابن مسعود والعريفي وقد انشد هذه القصيده عندهم يصف حاله لاميره :

راكب اللي طيَـره كفخ السفايف
وطنن للتكريب وان حرك خفيفي

سرحه من دار مجرين الضعايف
دار ابن مسعود هو ويا العريفي

نحـرَه خشم الفريَـده بالوصايف
وان غديت يسار عَـد اصفر عفيفي

قل كتب لي واحدن دمعه ذرايف
من صلايب جدكم ماهو حليفي

نرجو ان تحوز على اعجابكم قصائد فيحان الرقاص والمزيد قادم بأذن الله تعالى..
---------------------------------------------------------------
زماننا غير زمانهم وحتى نتذكر الاولين
اخوكم ابن نجد

[مطلق الشيباني]

الشاعر فيحان الرقاص الحافي الروقي العتيبي ، هو احد شعراء عتيبه الذين لهم باع كبير في الشعر واجادة تطويع القافيه ، حصل ان سجنه ابن جلوي لسبب ما في الحسا وبعد ذلك أطلقه ثم اشترى له ذلول وعاد لقبيلته وفي الطريق اخذ يتوجد على دياره وانشد يقول :

وا هنَـي من زرفلت به فرخــة الحـره
معطي مزاليــج ولا معطـن الجـودي

لربعي عتيبـه من العارض ليا الحـره
سقم المعادي ليا جا العلــم مردودي

والعلم الاخر ليا ركبوا على الجره
ثم جاهم السبر من قدام مطرودي

لي تعقيب بسيط على هالقصه ......

ان الشاعر كان مجاور الهجر (الهاجري ) والمره (المري)

وعندما اشتاق لربعه ودياره قال القصيده اما انه مسجون فاول مره اسمعها

وقال :---------

واهني من زرفلتبه فرخة الحره @@@ معطن مزاليج ولا معطن الجودي

ويقفى عن الهاجري ويقفى عن المره @@@ لوكان ما جا من الاجواد منقودي

مير ربعي عتيبه من العارض ليا الحره @@@ سقم المعادي ليا جا العلم مردودي

@
@
@
سلمت ولاهنت يابن العم على القصايد الجزله

مع تحيات :- مطلق الشيباني ................

[ابن نجد]

مشكور يا الشيباني على الرد وتوضيح الامر ، فأنا سمعت انه كان مسجون وانه قال القصيدة بعد ذلك ، وانت هنا توضح الامر اكثر بعد ان اثبت السالفة بالابيات التي اظفتها ، فأنا لااعرف كامل القصيدة وقد طلبت من لدية كامل القصيدة ان يكتبها لتوضيح الامر.

شكرا اخي مطلق والانسان غير معصوم من الخطأ
وان كنت تعرف كامل القصيدة نرجو كتابتها
اخوك ابن نجد

[ابن سقيان التوم]

مشكور يا اخي ابن نجد على طرحك لهذا الموضوع وعلى اهتمامك على احد فروع هذه القبيله الكريمه

اما مناسبة هذه القصيدة انه كان مكسور عند الهواجر والمره وكان يتطبب عندهم وكانوا في قمة الكرم معه بدليل انه اتم عندهم ما يقارب الشهرين وهم لا يعشونه الا ذبية ياكل من لحمها ويشرب مرقتها حتى اشتد عظمه وجبر وذكر ما رأى من كرمهم في قصيدته وكان في اخر ايام علاجه يتطلع الى جهة ديارة لحبه لأهله وديارهم فأبدع في وصف ديار اهله وشجاعتهم فقال

و اهـني من زرفـلت بـه بـكرة حــره
...........................................معطي مزاليج والا معطي الجــودي

مقفي عن الهاجري ومقفي عن المره

..........................................لو كان ما جاء من الأجواد منقــودي

ربعـي عتيبه من العارض الي الـحـره

.........................................سقم المعادي الى جاء العلم مردودي


فأنه ذكر الهواجر والمره بكل احترام وموده وانهم اهل كرم

فشكرا على ما طرحت ولك جزيل الأحترام


ابن سقيان

[ابن مكرز]

سلام عليكم ورحمه الله وبركاته............
الشاعر فيحان الرقاص كان ساجنه ابن جلوي واخذ وقت طويل
في السجن ولاكان يشوف الشمس........................
الرجال كان جسمه مصيبه طبعن بعد الفتره الي جلسها في السجن ضعف المهم مالكم في الطويله...........
ابن جلوي كان يكسيه ثوب واغراضا معه
الرجال يوم ضعف قام يتوجد المهم يوم جاب العبد المره هذي اخذ الثوب وكتب عليه القصيده تم صفطه وعطاه
العبد وقال علم عمك ان الثوب ماهوب قدي العبد راح وعلم ابن جلوي
المهم ابن اجلوي خابر ان الرقاص عليه جسم قام قال للعبد فل الثوب
يوم فله للقصيده مكتوبه وبعدين سمحله وعطاه البكره الحره ...........ويومنه وصل طراف الدهنا مات من الهو والشمس

هذي السالفه الي انا اعرفها



اخوكم/ابن مكرز

[ابن سقيان التوم]

تصحيح لما سبق نعم يا بن مكرز كلامك هو الصحيح انما كان مكسور عند هل الشعراء

نعم كان مسجون عند ابن جلوي وهذا الكلام سألت فيه الجماعة وقالوا هذا هو الصح

ومشكورين


ابن سقيان

[ابن نجد]

شكرا على الردود على الموضوع

ونحمدالله ان ماذكرته كان صحيح


بكم نتواصل

اخوكــــــــ ابن نجد ـــــــــــم

[الحصان]

كلكم والله أبعـد تو النجعة !!!!!!!!!!!!!!!!! ؟؟؟؟؟؟؟؟؟؟؟؟؟؟؟؟؟؟؟؟؟

[الوافي]

يا جماعه الابيات اللي ذكرتوها للرقاص سمعت انها طويله

ممكن اللي يعرفها كامله يجيبها النا ونكون شاكرين له

[وليد]

القصيده طويله اكيد لاكن انا اللي اعرفه يمكن ست ابيات بحاول اجيبها
وعن مسئلة هل كان مسجون او لا
فهو كان مسجون وله قصيده
عندما كان يلعب ابن ابن جلوي على البلكونه (ماهقوتي عندهم بلكونه ذيك الايام)
المهم كلام شيبان
وهو كان بحوش السجن
مكلبش ))
فسئل واحد من اللي معه وقال هاذا الصغير من قاله هاذا سعود ولد ابن جلوي
فقال قصيده منها :
ياشيب قلبي من الدباب && ريحة تجذ المعاليقي
ياسعودي ياحضره الغياب && انتم هل المدح في الضيقي
ياهني من عدا على المرقاب && ويشوف بيض الطواريقي
ويشوف عجزً من الشياب && اللي علينا مشافيقي
وكان ام الولد قريبه من الولد
فسمعت القصيده وقالت فكوه
وهاذا اللي عندي
واعذروني على الاستعجال )