الزعيم الهلالي ( نادي القرن )

[زيـاد الـسـمـيـري]

بسم الله الرحمن الرحيم
السلام عليكم ورحمة الله وبركاته
(اقدم لكم ابيات بمناسبه حصول نادي الهلال على لقب نادي القرن عن قاره اسيا
ولا نهظم حقوق الانديه الاخرى في قوتها ومنافستها الشريفه في شتى المجالات)هذا ماقالة الشاعر محمد مرزوق السميري وهو بتواضعه وبنضم ابياته الرائعه يقدم اقل مايستحقة نادي الهلال السعودي .. وهذه القصيده



حل الفـرح والسعـاده والمسـرات
وغنت على كل غصن اخضر حمامه
مبروك ياهلال يـاراع الصعيبـات
اخذت نوط الزعامه مـع وسامـه
انصفك الابداع في كـل المجـالات
يانـادي القـرن ياسيـد الزعامـه
زعيم كل النوادي من عصـر فـات
تاريخ مجدك علا فـوق الغمامـه
لايق عليك اللقب يزهـاك بالـذات
قرار فيفـا وصـادر مـن نظامـه
اموثقه بالورق ضمـن السجـلات
هـذي حقيقـه ولافيهـا مـلامـه
ياهلال لك ماكر ٍ فـوق الطويـلات
من فوق هامه وترقى فوق هامـه
اللون لون السما ويّـا المحيطـات
وتاخذ من البدر لونه فـي تمامـه
اخذت في آسيـا صولـه وجـولات
جبت الكـؤوس الثمينـه بنتظامـه
انشهـد انـك تسيّـدت المنصّـات
حطيت في آسيـا ختـم وعلامـه
يامدرسة فن كـوره مـع ثقافـات
فنـك كمـل بالملاعـب روزنامـه
عنـدك اداره حكيمـه للبـطـولات
في عهد امير الوفا ويّـا الشهامـه
وجهـاز فنـي واداري للمهمـات
مثلك على الماد مانرضى انهزامـه
ودفاع صامد بـلا هفـوه وثغـرات
يصعب على الخصم هزّه واقتحامـه
وعندك وسط لالعب يملك مهـارات
يعجبـك فنـه ولعبـه وانسجامـه
وهجوم ناري ويبدع لـك بهجمـات
يجيب الاهداف في مرمى خصامـه
الخصم من هيبتك تفكيـره اشتـات
والفوز مضمون وللخصم احترامـه
وراك جمهور يهتف لك بالاصـوات
جمهور وافي وصرت اغلا اهتمامه
عبّرت عن خاطري في جملة ابيات
يقوله اللي صـدوق ٍ فـي كلامـه


الشاعر :
محمد مرزوق السميري

[ولدعساف]

مبروك للهلالين وصح لسانه

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[سيف عنزه]

مبروووك للهلاااال

وصح لسان الشاعر

[زيـاد الـسـمـيـري]

المشاركة الأصلية كتبت بواسطة ولدعساف

مبروك للهلالين وصح لسانه

هلا ومرحبا ياولد عساف
الله يبارك فيك وصح بدنكـ

[زيـاد الـسـمـيـري]

المشاركة الأصلية كتبت بواسطة سيف عنزه

مبروووك للهلاااال

وصح لسان الشاعر

يامرحبا ياسيف
الله يبارك فيك ويستاهلون كل خير
صح بدنك بالنيابه عن الشاعر .