الغطرسه

[الصريح العتيبي]

سبحان العظيـم الواحـد مغيـر الأحـوال=مثبت عباده هازم ابليس وجنوده
له الأمـر فـي تقديـر الأرزاق والآجـال =ولا فضل مع فضله ولا جود مع جوده
ألا يا عزيزي صاحـب الجـاه والأمـوال=ترى الغطرسه والكبر ماهي بمحموده
لعلمك غرور النفس ينقـص مـن الرجَّـال =ترى من يطيع النفس مايعرف حدوده
تمشيـه مـع دربٍ يعافـونـه الأبـطـال =تسوقه بطوع اماره السوء وتقوده
وأنا أشره على اللي من حموله وسلك اجلال=يوم انه يشوف الماكر الشين ويروده
لعلـك تفهَّـم كلمتـي يـا وسيـع البـال=تعرف انها من مخلصاّ جاب مجهوده
يحاول يدلـك للسنـع واحسـن الأعمـال =تواضعك للي يعرفك كل مقصوده
على شان يبقى ذكر طيبـك مـع الأجيـال=ترى الذكر مثل العمر لو غابوا شهوده
نصيحة محـبٍ مـا يـدوِّر وراهـا مـال=يدور جزاها واجرها عند معبوده

[ابوبجاد الرويس]

الله الله

صح لسانكـ

وبيض الله وجهكـ

وتقبل مروري يالغاااااالي

[راجح النفيعي]

فعلاً على ما قال اخوي ابو بجاد الله الله

صح لسانك اخوي الصريح على القصيده الطيبه

[صنداح الزلامي]

أخوي الصريح بيض الله وجهك وصح لسانك على ها القصيدة

ما أجملها واجمل معانيها وما تحتويه من نصائح مفيدة ليس

هذا بغريب على شاعر مبدع مثل الصريح



تقبل مروري يالغالي

[مخلف الهقاوي]

احسنت يالصريح..درر..

بيض الله وجهك..وصح لسانك

[الصريح العتيبي]

مخلف الهقاوي
اشكر لك مرورك وتواجدك المستمر
صح بدنك ولا هنت
دمت بخير

[الصريح العتيبي]

ابو بجاد
اشكر لاخي مروره العذب فصح بدنك ولاهنت
دمت بخير

[الصريح العتيبي]

الاخ/راجح******سلمه الله
شكراّ لمرورك
ودمت بخير

[هضيباني]

صح لسانك
قصيده اكثر من رائعه

مع التحيه

[الصريح العتيبي]

الاخ/صنداح الزلامي******سلمه الله
اشكر لاخي مروره وتواجده العذب والذي اسعد به دايماّ
دمت بخير