الفخر والهيبة في فعايل عتيبة (ملحمة المجد )

[طلال بن هذال بن نشار]

عتيبة الجد وعتيبة البطولات وعتيبة التاريخ يحق لي ان أفتخر بقبيلتى ولايحق لاأحد

ان يقول لماذا تفعل ذلك التاريخ لن يحرف والحقائق مثل الشمس قبيلتى لها تاريخ

ورجال دهاة كباقى القبائل العربية دون نقصان في حق أحد او التعدى على أحد كاين

من كان قبيلة أنجبت أبن حميد وابن ربيعان وابن محيا وابن فهيد وابن عصاي والظيط

والشغار وابن تويلي والمهري وابن رازن وابن زقيع وابن جامع وابن عقيل والهيضل

والزلامي وغيرهم الكثير يحق لنا الفخر بها دون النظر لمن يدندن على وتر العصبية

ويريد أخفا ودثر الاصول !

سلطان الدين 00 الامير الفارس سلطان بن بجاد ابن حميد

داهية العرب وعتيبة 00 الامير الفارس محمد بن هندي بن حميد

التركى 00 الامير الفارس تركى بن حميد

رغوان 00 الامير الفارس جهجاة بن بجاد بن حميد

المعترض 00 الامير الفارس عبيد بن تركى بن حميد

الجنازة 00 الامير الفارس عمر بن عبيد بن تركى بن حميد

العفار 00 الامير الفارس ضيف الله بن تركى بن حميد

راعي شامان 00 الامير الفارس مسلط بن ربيعان

أبو عتيبة 00 لقب لشيوخ ال هليل من الثبته برقا بني سعد

باني البيت 00 الامير الفارس عيران بن حجاب الهيضل

دايخ الراس 00 الامير الفارس محمد بن بادي الزلامي

مسواط نجد 00 الامير الفارس هذال بن فهيد الشيباني

ذباح الاتراك 00 الامير الفارس شالح بن متاعب الظيط

فجاج النحر 00 الامير الفارس أبن تنيبيك المرشدي

قشعان 00 الامير الفارس ضيف الله بن عميرة

سبلا 00 لقب الابل الرباعين

عمهوج 00 سيف شالح الظيط

عيدة 00 شلفا الامير الفارس مناحي الهيضل

أهل الشعثا 00 لقب أبل القثمه برقا

حماية الجاني 00 لقب للمحايا من ذوي خيوط من الدعاجين

راعي العليا 00 الامير الفارس شبيب بن بادي بن حجنة

هذا الذي حصلت عليه من بحثي عن بعض القاب شيوخ عتيبة وهي كثيرة من

المستحيل أن احصيها وليعذرني من لم استطع ذكرة




حنا من العتبـان ذباحـة الحيـل
لطامة خشـوم الطغـاة المعيلـه

اللي صوانيهـم تهـد المحاميـل
وفعولهم فـي كـل يـوم ولليلـه

قبيلـة فيهـا زحـول الرياجيـل
وسيوفها علـى الاعـادي سليلـه

وشيوخها اللى يشربون الفناجيـل
وترجع جمـوع قابلتهـم ذليلـه

أليا اعتزا شيخ تجيـة المراسيـل
وأقسم برب البيـت نجـد لجيلـه

أبن حميد وصل العلـم توصيـل
سلطان نجد متعـب كـل جيلـه

وتركى غشاهم مثل صبح بعد لليل
وسطر معانـي للبطولـة جليلـه

ورغوان مع دهم الجموع الشعافيل
جهجاة زيـزوم الوفـى يالقبيلـه

ولا الجنازة لاغشاهـم تصاهيـل
كم راس شيخ من متونـة يشيلـه

ولاصاحو العفار ذئـب المقابيـل
ضيف الله بن حميد من هو بديله

ولابن هندي لاعتـزا يالمباهيـل
خيـال نمـرا باللقـى مستحيلـه

ومسلط من زحول الدهاه المشاكيل
ربيعان جدة وأنتخـى بالكحيلـه

وعمـر حـلال الازا والغرابيـل
بالليـن ولا بالليـال المحيـلـه

شيوخ روق اللى كما هادر السيل
وقفاتهـم تدمـى قلـوب عليلـه

وعفاس عفاس السعد موفى الكيل
من قابلة بالمعركـة عزتـي لـة

أبن محيا باللوغـى كنـة سهيـل
بالمعركـة ماتسمـع الا صهيلـه

وربعة هل الحردا سيوف مصاقيل
خيالهـم بالحـرب راس الفتيلـه

ولاصاح اخو سكرا بذيك الغراميل
اصل العطاوي غيث ماجف سيله

ومسواط نجد مهجد كـل عنتيـل
أبـن فهيـد معديـن يالطويـلـه

وأبو عتيبة لاغـدن المحاصيـل
فخذ الهليل مـن ثبيـت الدليلـه

ولاقيل من هو بانب البيت ومهيل
الهيضل شيـال الحمـول الثقيلـه

وابن تويلي من شيـوخ مفاتيـل
العازمي مسقى العـدا حنظليلـه

وأبو سنون معدل الخصم تعديـل
ولا السماري زيد ومـن ينتخيلـه

وأذكر بها الشغار لاصار بة عيل
مثل البرد من مزنتـن مستخيلـه

وبالعلا هداج مـن يعـدل الميـل
وقطم المحازم باللقـى ترتكيلـه

ولاجاك فجاج النحر مرهب الخيل
المرشدي تنيبيك من هـو قبيلـه

ومعشي الوركـا لاياقيـل ماقيـل
شليـل نجـم باللقسـى ينبديلـه

واذكر شجاع يدحم كنـة السيـل
مثل الدهينة كم كسب من جميلـه

وابن عقيل بالدعاجيـن حلحيـل
ناصر زبون الاولـة والاصيلـه

ولابن جامع جامع الطيب زرفيل
وربعه هل البلها سيوف صقيلـه

واذكر ابن رازن وللمجد تكميـل
أحزام من صكو عليـة الختيلـه

وأذكر ابن عصاي ذئب المداهيل
زهيان ومن هو باللقـى يعتزيلـه

والفخر مايمحاة كثـر الدعابيـل
ومسـجـل بقلوبـنـا ونعنيـلـه

فخر قديم وزاد جيل بعـد جيـل
وحرام حرم أن الفخـر ينحنيلـه

حنا هوازن لازما بـارد الحيـل
ومحرف التاريـخ أكبـر فشيلـه

لاركبو فـوق السـلاح الدرابيـل
عزي لمن قابـل جمـوع مهيلـه

سطر ابن نشار زيـن التماثيـل
طـلال بـن هـذال والله وكيلـه

[ولدعساف]

بــآرك الله فيك بحث متميز .. وشيوخ عتيبه كثر ولدي إضـآفه إن سمحتلي :

الفـآرس/ زريب الجــذع " رداد البرآء "

هو الذي رد البرآء على قحطان وكان له دور كبير في نزول قبيلة عتيبه لنجد و أخذ أكبر الغنايم ومن ضمنها نجر بن هادي "صماع" وبيته كذلك وهو الذي قال فيه الشيخ/ تركي بن حميد :

لا واحسوفي يازريب وربعه = ياليتهم يوم اللقاء حاضرينها

راع حصانٍ فالمعارك مجرب = وشلفاً يوردها ويروي سنينها

و قال بخيت العطاوي بعد مانزلت عتيبه نجد :

عينت بن هادي عقب ليل الهوايل = زريب ساقه لين عداه الحصاه

,,

الأمير و الفـآرس/ حباب بن زريبه " راع العبيه "

الذي توجد عليه شليويح العطاوي في وقعة طلآل :

ليت أبو غالب يشوف فعولنا = في نهارن عودة الدعاوي حماوي .

وقال فيه بن رشيد مقولته المشهوره :

لن ينجبن البيض مثل حبـآب


وصح لسانك و اعتلا شانك

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[مشاري الحبردي]

بيض الله وجهك يابن نشار


وصح لسانك

[طلال بن هذال بن نشار]

الاخ ولد عساف


أسعدني مرورك وبالعكس شيوخ عتيبة وفرسانها وأبطالها ليس لهم حصر ولانقدر أن نحصيهم

والذي لدية أضافة من الاخوان مؤثقة ببيت شعر أولقب لااحد أمراء عتيبة وفرسانها يضيفهم

مشكور أخي على الاضافه الرايعه بيض الله وجهك وتقبل تحياااتي وتقديري

[طلال بن هذال بن نشار]

الاخ مشاري الحبردي



صح بدنك وجهك أبيض يالحبردي ومشكور على مرورك المميز تقبل تحياااتي وتقديري

[خالد بن مورق]

الله انه يرحمهم جميع من اجمل القصائد التي قيلت في شيوخ عتيبه

[عبدالمجيد النفيعي]

سطر ابن نشار زيـن التماثيـل=طـلال بـن هـذال والله وكيلـه

كفو والله وبيّض الله وجهك وزي ماتفضلت لانستطيع إحصاء الألقاب والعزاوي المشرفه لقبيلة عتيبه ولاكن أنت لك مجهود جزل

،،

التوقيع

تذكر قول الرسول صلى الله عليه وسلم :-"المسلم من سلم المسلمون من لسانه ويده" أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا

[مقاطي سيفه صاطي]

ابن نشاااار لاهنت ولا يصح الا الصحيح
تقبل مرووووري

[البنــــــــــــــــــاخي]

لاهنت ياتركة زحول الرياجيل

ترفع لك البيضاء براس الطويله

تشكر يأبن نشار ذخر المشاكيل

عرق الأصاله فالعروق الأصيله

وفيت علمٍ يبهج الصدر لاقيل

قولٍ دواوين النشاما دليله





لاهنت ولك كامل التقدير والأحترام موضوع جميل وكلام موثق


بأدله جداً جداً الله لايهينك





[size=3]دمتم بــــــــــــــــــــــــــــــــود[/size]

[راعي هـدّامه]

لاهنت .. مجهود تشكر عليه
واسمح لي ان اصحح بعض المعلومات التي ذكرتها وهي:


مسواط بقعا 00 هو الامير الفارس هذال بن فهيد بن ضمن الشيباني

وليس مسواط نجد .. كما ذكرت


المعترض 00 هو الامير الفارس محسن بن بدر الهيضل

وليس الامير الفارس عبيد بن تركى بن حميد .. كما ذكرت



باني البيت 00 هو الامير مرزوق بن محسن الهيضل

وليس الامير عيران بن حجاب الهيضل .. كما ذكرت


هذا ما لزم التنويه عنه .. مع التحية