هل الابيات هذي لبن هندي ولا لبن حثلين - الهيـــــــــــــلا *** منتدى قبيلة عتيبة

مزحم العتيبي · 16-Sep-2010, 09:24 AM

اول شي كل عام وانتم بخير
ثانيا انا من خلال سماعي من الشيبان وقراءتي في المنتديات وجدت ابيات كنت اعرف انها لبن هندي وارسلها للشيخ مارق الظيط ولكن لفت انتباهي وجود القصيدة نفسها الا شطر واحد يتناقلها الناس باسم راكان بن حثلين حقيقة استغربت وقلت ابي انزل الموضوع ان شاء الله الاخوان في منتدى الهيلا يوضحون الامر .
الابيات اللي تنسب لمحمد بن هندي
سلام يامني وانا له = من دون الاقصى والقريب
ليا صفى جالي وجالة = عاداتنا لطم الحريب

اما الابيات اللي تنسب لراكان بن حثلين هي نفس قصيدة بن هندي لم يتغير فيها الا شطر
سلام يامني وانا له = لامن عوى ذيب لذيب
لياصفا جالي وجالة = عاداتنا لطم الحريب

الرجاء افادتي بأسرع وقت ممن لدية الجواب الاكيد
ودمتم بخير

آخر تعديل مزحم العتيبي يوم 16-Sep-2010 في 09:28 AM.

خالد بن مورق · 16-Sep-2010, 11:56 AM

هلا والله هي لبن حثلين راكان ابن حثلين واظن مذكوره في كتاب فهد المارك الخيول العربيه الصيله او حداء الخيل نسبها فهد المارك لراكان بن حثلين

مزحم العتيبي · 21-Sep-2010, 09:31 AM

اقتباس:

المشاركة الأصلية كتبت بواسطة خالد بن مورق

هلا والله هي لبن حثلين راكان ابن حثلين واظن مذكوره في كتاب فهد المارك الخيول العربيه الصيله او حداء الخيل نسبها فهد المارك لراكان بن حثلين

بيض الله وجهك يابن مورق والله لايهينك

أخو جوزا · 21-Sep-2010, 02:38 PM

هذا الابيات لمحمد بن هندي مرسلها لمارق ...

وياخالد بن مورق ماكل مايذكر فى الكتب صحيح وانا اخوك المؤلفين بشر يروون صح ويروون خطاء

ابو سعيد السميري · 30-Sep-2010, 10:32 AM

اقتباس:

المشاركة الأصلية كتبت بواسطة أخو جوزا

هذا الابيات لمحمد بن هندي مرسلها لمارق ...

وياخالد بن مورق ماكل مايذكر فى الكتب صحيح وانا اخوك المؤلفين بشر يروون صح ويروون خطاء

انا لا اعلم عنها ولكن يقربها من قول اخو جوزاء

تمعن فالابيات جيدا ومعناها

اذا كانت لبن حثلين فلمن مرسلها

ولدعساف · 30-Sep-2010, 11:01 AM

.:,؛,:.

قد يكون توارد أفكار بين الشيخين محمد بن هندي و راكان بن حثلين وقد تكون منقوله بالخطأ اي ان البيت لبن هندي والناقل نقله ظانن أن قائله بن حثلين والعكس !!

,,

دمتم بود !!