الشاعر شهيل الميموني جديد

[بدري الشيب المطيري]

السلام عليكم ورحمة الله وبركاته
اضع بين ايديكم
احدى روائع الشاعر/شهيل بن صالح الميموني
ردن على احد شعراء الحرشان من ميمون وهم من فرسان قبيلة مطير

ذابت معان القصايدمن لواهبها

قامت توقد بصدري كنها الناري

وقدام لاتحترق فضلوعي اكتبها

في جو شعرن كبير اطيب الاشعاري

هاضت بيوت الهوى وهبت هبايبها

ويتلها من الهواجس بايع وشاري

اعسف اصاعيبها واطيع وادبها

اما تجي بالرضا وللابالجباري

اشد حمل القوافي فوق غاربها

وحمولها من الذهب درهم وديناري

واكرم لحا القوافي مع شواربها

جزل المعاني لها في سر وجهاري

كل الفناجيل للقيفان شاربها

هي كيف راسي ليامنه طرى الطاري

هيضتني بالقصيده يامنجبها

هيضتني بالقصيده ياابن الاخياري

انته من ارجال مانقدر نعاتبها

حرشان ربعن لهم قيمه ومقداري

حمالت الشلف لاشبت شبايبها

لجا نهار الصهيل وثور غباري

تحكم على روس اعاديكم مضاربها

وتشلع صدور الرجال وتقضي الثاري

لاركب صنهات سوداعين يتعبها

يضرب بشلفن تخل الدم نثاري

اليا تعزوى اطش الخيل راكبها

تمرج خيول العدى من صوتها الضاري

يهوي بشلفن اليا دلت مخالبها

ماتذبح الا الشيوخ وروس الاحراري

لامدها من ذراعه يوم يجذبها

تظهر قلوب العدى من عرقها الجاري

وعفتان لامن تعزوى الخيل يرعبها

ذعار السرايا قوي الباس جباري

عفتان اخو فرجه اليا من تعزوبها

تغدي شتات الخيول سنود وحداري

كم لحيتن من ظهور السرد يتربها

من فعل فريسنا ايريغن الابصاري

في مامضى من السنين اللي نحسبها

يوم انها ضرب نمرى وضربة اسواري





الشاعر/شهيل الميموني

اختار منتدى الهيلا

لنشر قصائده في هاذا المنتدى الكبير

[ولدعساف]

صح لسان شاعرنا شهيل الميموني .. وبيض الله وجهك ع النقل وله منا الشكر والتقدير يوم خص منتدى عتيبه وحياه الله ونسعد بمشاركته بيننا !!

,,

دمت بود !!

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[سلطان فهد المطيري]

صح لسان شاعرها وبيض الله وجهك

[مشاري الحبردي]

صح لسان ابن ميمون

وسلمت يمناك

[خالد بن مورق]

صح السان الشاعر ولاهنت على نقلها

[ابو نادر الحافي]

صح لسا ن الشعر ولاهنت على النقل وشهيل شاعر ولها مستقبل

[احمد منير الواصل]

اليا تعزوى اطش الخيل راكبها

تمرج خيول العدى من صوتها الضاري

يهوي بشلفن اليا دلت مخالبها

ماتذبح الا الشيوخ وروس الاحراري

والله ونعم والله
وصح لسان الشاعر شهيل ويعطيك العافيه اخوي بدر
قصيده فيها من الجمال ومعاني الجزله والفروسيه

[بدري الشيب المطيري]

مشكورين اخواني ونتضرو مني الجديد لشاعر شهيل الميموني

وعلى راسي

[محمد العتيبي]

ياسلاااام ياسلااام



ونعم والله



وصح لساااان الميموني شهيل ..


استمتعت بقرائة القصيده ..



لاهنت يالغالي


تحيتي
..

التوقيع

للتواصل عبر twitter تويتر al_bargawy@