اول قصيدة اكتبها قبل 4سنوات - الهيـــــــــــــلا *** منتدى قبيلة عتيبة

المقاطي. · 26-Apr-2010, 11:17 PM

قال المقاطي من علومن مفصله=حتى قليل المعرفه يكتسيبها
من راس من عاشر زمانه وجربه=حتى عرف شر الليالي وطيبها
ساير زمانك لو يحدك على اللظى=وطبايع القشران لا تقتديبها
واعرف ترى دنياك لو هي صفتلك=لابد ما ترد الكدر من قليبها
والنفس لو تبقى على الحرص والحذر=سهم المنايا لازم انه يصيبها
وامنع لسانك لن بدا الضحك والزرى=اصغر عيوب الناس لا تزدريبها
كم كلمتن ردت على من حكابها=وعيوب من يضحك بهم يبتليبها
وبعض الكلام ايعاف ويذل صاحبه=معايب الاجواد ما ينحكيبها
خلك بشانك والخلايق بشانها=مالك بها الناس ربي حسيبها
وكلن ولو هو شامخن صامل الهمم=عنده عيوبن خاطره مكتفيبها
والناس في تالي زماني تلونت=ما عاد نعرف خصمها من صحيبها
رافق عزيز الجار ستٌار خلته=طلق الحجاج وخطوته ما يهيبها
لو هو بشرق الارض ولا بغربها=اطيب لنفسك من رداوة قريبها
والخاين البواق لو من قرابتك=خله لصكات الدهر يلتهيبها
تجنبه حيث الردى من طبايعه=لا نافعن غيره ونفسه معيبها
وان كانو الاصحاب قولن بلا فعل=حزت نهار الجد وش ترتجيبها
واللي رضا للنفس ذل ومهونه=الله يخيب حاجتن يرتضيبها
ومن ينطلق في حاجته لو بها العنا=يصبر على اللطمات حتى يجيبها
دوس العنا والنار والشوك والخطر=حتى المنايا لا تحسب حسيبها
قد كتبت الاقدار باللوح والقلم=والنفس مكتوبن عليها نصيبها
وختامها اطيب صلاتن على النبي=محمد الي سيرته نهتديبها

نوآف الغنامي · 27-Apr-2010, 10:40 AM

اللهم صل على محمد

وبعض الكلام ايعاف ويـذل صاحبـه
معايـب الاجـواد مــا ينحكيبـهـا

والناس فـي تالـي زمانـي تلونـت
ما عاد نعرف خصمها من صحيبهـا

والخاين البـواق لـو مـن قرابتـك
خلـه لصكـات الـدهـر يلتهيبـهـا

قد كتبـت الاقـدار باللـوح والقلـم
والنفـس مكتوبـن عليهـا نصيبهـا

صح والله لسانكـــ يالمقاطي

ابدعت ولآ هنت

ابيات جزله من راس ٍ جزل

,,,

التوقيع

تدرون ويش اكبر فخر بعد الاسلآم !! = ان النبي (طه) خواله عتيبه

خــــيال الصفـــــرا سابقاً