قصيده للشاعر/كديميس العصيمي والشاعر/سعيد ابن ودمان

[نامي]

بسم الله الرحمن الرحيم=
من العايدين وكل عام وانتم بخير=
رجعت لكم بعد غيبه بقصيدتين لهم اكثر من 40 سنه=
اتمنى ان تنال اعجا بكم =
ودمـــتــــم بـــود=
اخوكم/نـــــــــامي=
=
=
=
=
=
=
=
=
=
=
=
=
=
=
=
=
=
=
=
قصيدة الشاعر00كديميس صالح=
=
=
=
ياسعيد أبن ودمان ياطيب الفال=بالموعد المذكور وشلون سويت
رسمت مشروعك على سردالأمثال=وعنيت لي بالبيت وانا تعنيت
وأنا احسب انك بالوعد مابه أشكال=ونشدت راع الأسلكي قال يا ليت
وانا صعبات الملازيم حمال=ماهيب تاسعني دروب السرابيت
والا أنت سويت لك لفه ومحوال=هايفت بي ياأبو محمد وصديت
طعنت دستور الصداقه بمعدال=وقربت من سلك اللغم عود كبريت
لوانت جاهل كان غلطه وتنشال=زله وعن زلة رفيقي تغاضيت
لكن لك بالعرف مظهر ومدخال=وتعد عمرك في الرياجيل عنتيت
وشلون تومي بي على نايف الجال=وانا رفيقٍ لك قديمٍ بتثبيت
الظاهر انك فازعٍ لك ورى ازوال=تبغى الرديف اللي يجي بآخر السيت
والله ماقصدي شفاون على المال=ولامقصدي سوالفٍ ترفع الصيت
ماني بمحتاج ٍ لرزق ٍبالإذلال=الرزق عند اللي فرض حجة البيت
لكن ابا اللمات من ضيقة البال=ادله ليا سجيت معكم ولجيت
من هاجس ٍ في داخل القلب نزال=كم مرة ٍ من جاير الهم ونيت
مر ٍ ينومني كما نومة الذال=ومر ٍ يشاعفني تقل نوم عفريت
من واحد ٍ ما طاع بي كل عذال=صبر على ما قيل ما قال مليت
جاك الكتاب ورد الأمثال بأمثال=رد الجزاء جنس العمل رد ماشيت
=
=
=
=
=
=
=
=
=
=
=
=
=
=
=
=
جواب الشاعر00 سعيد ابن ودمان=
=
=
=
=
ياالله يا عالي على كل من عال=ياواحدٍ من فوق خلقك تعليت
إن ترحم اللي له ربوع ٍ وعيَال=ما يفهمون الوضع لوكان زليت
خط ٍ لفاني كدر الفكر والبال=من واحد ٍ غالي وله طيب الصيت
يا كاتب المكتوب لا تبحث الحال=وأنا على ما قيل توي تشاليت
حطيتلك صوتٍ وغنيت موال=ثم جيت من عالي مكدر وغنيت
حطيت بي شي ٍ على غير مكيال=واتهمتني فيما طرالك وحطيت
وأنا رفيق ٍ لك على كل الأحوال=وياجب تسامحني إذا كان سجيت
العبد ينسى من كثيرات الأشغال=واليا طرا له ما نسى قال ياليت
في حين ذاك الوقت سندت بالحال=قصدي لبيت الله وجيته وحجيت
ثم تبت يا مشكاي من كل الأشكال=أمشي على وضح النقا وأسحب الليت
والا انت أنا خابرك ما تكفح الفال=ما فيه ليل ٍ ترقده ماتعشيت
خابرك يومك وسط دارين نزال=ماخفت علام السريرات ياشيت
مطوع ٍ بالدين للناس ختال=لاترحم الجاهل ولا تدفن الميت
لكن قنه تاليت كل محتال= أقعد بدار ٍ ما بها كود حويت
بينك وبين اللي تحب أشهب اللال=تومي بك الدنيا على قرن خرتيت

[ماله امان]

لاهنت على النقل وصح لسان الشاعرين000

والشاعر ذات البشرة السمراء هو من سكان الدمام ولازال حي وعمره

في السبعينات

وهو اسمه سعيد بن وجمان (الدوسري) وله مساجلات كثيره مع كديميس

وقد تغنى ببعض قصايده بعض الفنانين الشعبيين ومنهم ابن سعيد

[خيال الجريبا]

مشكور ولاهنت

[محمد العتيبي]

بيض الله وجهك
شكرا لك على هذه القصائد
القديمه للشاعر كديميس العصيمي
والشاعر سعيد بن وجمان..

التوقيع

للتواصل عبر twitter تويتر al_bargawy@

[نامي]

ماله امان

خيال

ابو مشعاب


صحة ابدانكم

وشاكر لكم على المرور والتعليق

دمــــتــم بـــود

[عبدالرحمن الهيلوم]

لاهنت

ولاهان شاعر عتيبه وقلبها النابظ /// كديميس العصيمي

والله يعز ويوفق اعتيبة الهيلا 000

هل العوجا 00 مخلفة الهقاوووووووووووووووي


الهيلوم 1340
ذيب من ذيابة الهيلا فديتهم

[شاعر القوابعه]

مشكور ونقل مميز

[عبدالله هادي ناشي الفليت.]

صح الساانهم


ولاهنت

[نواف العصيمي]

بسم الله الرحمن الرحيم

كل عام وأنت بصحه وسلامه .. وبيض الله وجهك ويعطيك العافيه

وصح لسان الشاعر الكبير كديميس العصيمي الذي يعد علم من أعلام شعر وأحد أبرز شعراء عتيبه

.
.وصح لسان سعيد

ولك التقدير والإحترام

التوقيع

[نامي]

أخوانــــــــي

الهيلوم - شاعر القوابعه


عبد الله هادي - نواف العصيمي

تســلمــون وصحـــة أبدانكـــم

شاكر لكم على المرور