احديه لرموز من فرسان عتيبه

[الباحث عن الحقيقه]

اليكم هذه الاحديه لبعض فرسان عتيبه والاحديه كثيره كثيره جدآ ولكن أخترت منها ماهو مميز وفريد عسى ان تنال اعجابكم ..

قال تركي من حميد :

في نجد ترعى ماتعلق عاني***بسيوف هند ماضي برهانها
يشهد لنا وادي الرشا بفعالنا***وتشهد لنا نجد وحصى ضلعانها
______________________________________________

وقال ضيف الله العفار :

حنا حمينا نجد بالعيدان***من فوق قب كنهن الصيد
ماعندنا في باقي البدوان***لو سندو يبرون لابن فهيد
______________________________________________

وقال عمر بن عبيد بن تركي بن حميد , الملقب (بالجنازه ) :

والله لو ان الخيل مع البراح***لي ريع الطارد على المطرود
ياذيب ياللي تدهل السرداح***اكل الرماثي وزن ابن عبود
______________________________________________

وقال الفارس عايد بن تايب المقاطي :

نركب على الصفراء ام الشامه***ونوحد الرب الجليل
في ظل لباس العمامه***عبيد لهاب الذليل (عبيد المقصود بن تركي بن حميد)
______________________________________________

وقال الفارس مزيد بن تايب المقاطي :

ياحرب ياللي من وراء القعران***تبون نجد ونجد حنا فيه
وادي الرشا حاميه ابو سلطان***محد خشر في نجد مع راعيه
نركب على اللي تطرش العنان***والروح تدبيره على واليه (ابو سلطان المقصود الشيخ محمد بن هندي بن حميد)
______________________________________________

وقال الفارس نوار بن هابس المقاطي :

ياطارش منا سنود***اسلم وسلم لي على هذال
قل له ترانا عقبهم في زود***كل المراجل سدها رجال
بنحورنا عينت ابن عبود***راحت جواده مالها خيال
______________________________________________

وقال الفارس سويحل بن سميح المقاطي :

جبناك ياذود الطريسه***والخيل دونه مرزيات
كل نقص من دون قيسه***وين العلوم الاولات
______________________________________________

وقال هذال بن فهيد الشيباني :

على فقارة نجد مني جيره***من زيد بن شفلوت والصعران
وادي الرشا بنت تحب الغيره***ينثر عليها المسك والريحان
______________________________________________

وقال الشيخ مسلط بن ربيعان :

ياشيخنا مالك علينا لوم***لومك على برقا وابن بسام
عقلت سبلا كم لي من يوم***ما سألت انا عن بارق في الشام
______________________________________________

وقال الشيخ مارق الضيط :

ليا تواجهت السرايا***يفرح بن الذيب الفروس
لعيون من قرنه عوايا***يضفي على مثل الطعوس
______________________________________________

وقال الشيخ شبيب بن حجنه :

من عين العفرا الشقاح***اللي جرسها له دنين
ذبت طويق مشيها صوفاح***تمشي وتجرع بالحنين
ياليت من واجه عندها قوقاح***انا وربعن مستحين
______________________________________________