بن مشيط وسفر الدغيلبي طاروق نار في نار - الهيـــــــــــــلا *** منتدى قبيلة عتيبة

قاسي العتيبي · 20-Nov-2011, 04:32 AM

بن مشيط
يامرحبا بأسمي واسم ربعي كبيرين البخوت
ربعي سلايل يام تاريخ الوفاء قول وفعل

أنا نويت أشعل على الشعار نار ماتموت
ياصالح أنذر زيد وأنته ياسفر حذّر وصل

سفر الدغيلبي
دام البقاء عن عزوتي قبل القوافي والبيوت
قبيلة ٍ تدري بها فالدين وألاّ فالجهل

تقولها ونقول ماجيناك لعّابة بلوت
جينا نشيل الحمل يالمرة على ظهر الجمل

بن مشيط

إن كان تبغى السلم فأستسلم ولا أسمع منك صوت
وإن كان تبغى الحرب سل السيف والمارد عضل

الحمل في ظهر الجمل واصحى وحذرى لاتفوت
اللي يبي ذوق العسل يصبر على قرص النحل

سفر الدغيلبي
لايجي بيتك يالمعزب مثل بيت العنكبوت
قصّر كثير الهرج دام إنك من أصحاب المحل

الطير أبو جنحان ريشه تالي الوقت محتوت
ليا بغى يقنص عجز وليا بغى يطلع نزل

بن مشيط
بنيت بيتك فالمسيل وشلك السيل النحوت
والله ستر مامتّ لكن ماتعرف اللي حصل

الي يحسب الملح سكر يحسب إن التين توت
لكن على قول المثل من كلّ بصل يشبع بصل

سفر الدغيلبي
مانيب مثلك يامدور درة ٍ في بطن حوت
أقولها وأعوذ بالله من خبيثين العمل

ترهي على الأيام مير تشوتك الأيام شوت
والوقت يمكن يرمي المرعي من حساب الهمل

بن مشيط
أحسن من اللي مالقى له فالزمن مشرب وقوت
وأقفت به الدنيا وهو عنده بصيص من الأمل

حنا عرب نعرف سلوم الناس من ماض الوقوت
يلي تسمون المنيع أسير وألا معتقل

سفر الدغيلبي
خلك تبرد حرتك بالصبر وألا بالسكوت
أخير لك من ضربة ٍ بالرأس في عرض الجبل

آخر تعديل قاسي العتيبي يوم 20-Nov-2011 في 04:35 AM.

مري الجنوب · 20-Nov-2011, 05:15 AM

ابداه هذا الطاروق وهذا الحفل لربعي في النعيريه بحضور صفوف السوطه وقناه الساحه
ومحمد بن مشيط وصل العطياني وسفر الدغيلبي و زيد المري وصالح بن عزران المري

وياليت تجيب اول مواجه بين بن مشيط ووصل هذا طاروق الحفل كامل

السامي الجعيد · 20-Nov-2011, 06:51 AM

سفر الدغيلبي
خلك تبرد حرتك بالصبر وألا بالسكوت
أخير لك من ضربة ٍ بالرأس في عرض الجبل

طارووق فايف ستار

ابن مشيط من الشعراء الكبار

وسفر قامة شعريه تتطور من حين الى اخر

لاهنت ياقاسي العتيبي

نبض الكلام · 20-Nov-2011, 06:54 AM

الله إبداع من الشاعرين المميزين

أشكرك من قلبي على نقل المحاوره الحماسيه

ياسر الجعيد · 20-Nov-2011, 12:53 PM

ترهي على الأيام مير تشوتك الأيام شوت
والوقت يمكن يرمي المرعي من حساب الهمل

سفر الدغيلبي الى الان لم يقف عند حد معين من الابداع كلما ازداد عمرا ازداد ابداعا

ومحمد مشيط شاعر جزل يستحق الاحترام والتقدير

قاسي تسلم يمناك على هذه االرائعه