ابداااع مع مرتبة الشرف سفر الدغيلبي و راشد السحيمي

[خالد الجميلي]

هذه المحاورة جمعت بين عملاقين سفر الدغيلبي وراشد الحربي
لله درك يــ أبا سعد :

--------------------------------------------------------------------------------

راشد السحيمي

هلا يا مرحبا عند الحروب وحرب تاج الراس
ولا يهظم حقوق الناس لا ابويه ولا جدي
انا يا اصحابي الشعارر تحكمني سلوم الناس
سلوم الناس هي اللي توقفني على حدي

سفر الدغيلبي

يدوم الك البقاء ياللي حميت الموقف الحساس
على ورث الجدود وخابرك ما انته بمتعدي
اعرف انك قوي الباس وادري اني قوي الباس
غرابيل الليال التاليه ما بيحت سدي

راشد


ليا منا رجعنا للحدود اهرج بدون قياس
اطالع لك رضى وانته ولد ما انت بعلى قدي
سفر يبغى يسبب شوط بين الكهرباء والماس
ولا عنده غير كلمة كيف حالك وانت متعدي

سفر

يا راشد طال عمرك هد نفسك وابعد الوسواس
ليا منك تبعت اهل الردا سموك متردي
مع الروح الرياضيه بسيطه لو خذينا الكاس
ولكن انصحك خلك بصفي لاتقف ضدي

راشد

لو ان الارض تظهر لك خزاينها ذهب ونحاس
تقول انك فقير ٍ دوب متعشي ومتغدي
تحسب انك نجحت بعذرك اللي مثل ابو نواس
سفيرك يا سفر بطل ما عاد يجيب و يودي

سفر


وش اسوي معك فالصحبه اللي وضعها منحاس
ليا زعلك مزحي كيف لو اجيك من جدي
ترا دلتك لا تجلا هموم ولا يطير عماس
واذا بهرتها بالهيل لابدك ولا بدي

راشد

ترا صحبتك هاذي كلها حبر ٍ على قرطاس
لكن شغلك بسيط اقصر لك البنزين وتهدي
مبهرها لكن انته حرقت البن والمحماس
عسى الله يستر ان المجلس المعمور ينهدي


سفر

انا ماني عميل لمصرف ٍ تاليته الافلاس
على ازمات النظام العالمي ما هوب متصدي
ترا عود البخور يطيبك ويطيب والجلاس
وحتى لو بعظهم ما شكر عودي ولاندي

راشد

يتلك عرقك الطيب يردك عرقك الدساس
تخيلتك بحر وانا اسبحك بالجزر والمدي
على رغبتك طف النار والا زيدها مقباس
تراني يا وسيع المعرفه ودي ولا ودي

سفر

حفيلك بان واللي فالقدور يجيبه الملاس
موارد حرب واجد لا تزاحمني على عدي
اشوفك يالسحيمي نقطة ٍ في داخل الاقواس
يا راشد لو تحداني فانا ماني بمتحدي


راشد

ترا هداج ما حطو على طرافها حراس
قلوب الناس يدخلها الحسد والغش وتصدي

[مرزوق حمدان العتيبي]

..

.
وش اسوي معك فالصحبه اللي وضعها منحاس
ليا زعلك مزحي كيف لو اجيك من جدي


الله الله

راشد عملاق ... وابو سعد مرعب ..

لله درهما ....
ومشكور ياخالد

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[ابن نور العضياني]

ترا دلتك لا تجلا هموم ولا يطير عماس
واذا بهرتها بالهيل لابدك ولا بدي



صح لسان ابو سعد ولايهون السحيمي


اشكرك اخوي خالد الجميلي على النقل الرائع

دمت بود

[حمود بن خيشوم العصيمي]

صح لسان ابو سعد وصح لسان راشد

لاهنت ياخالد

[الجوراسي]

محاورة قوية بين استمتعت بقراءتها

وانتقاء مميز يالجميلي

[فيصل بن فهد الجهني]

ترا صحبتك هاذي كلها حبر ٍ على قرطاس
لكن شغلك بسيط اقصر لك البنزين وتهدي


محاوره قويه .. و نديّه قويه


ابو سعد .. شاعر ولد ليكون عملاق


راشد السحيمي .. ملك النقض .. ولاهي غريبه عليه القوه


شكرا يا الجميلي على ذا المحاوره الجميله


,,, تحيتي

[الشوردي]

طاروق قوي على معنى مدفون


هناك رموز محيرة مثل قول راشد

هلا يا مرحبا عند الحروب وحرب تاج الراس =ولا يهظم حقوق الناس لا ابويه ولا جدي

رحب عند الحروب جمع واقتصر عدم هظم الحقوق على نفسه متوارثها من ابوه وجدة



وفي بيت لسفر من الطاروق نفسه يقول


يا راشد طال عمرك هد نفسك وابعد الوسواس=ليا منك تبعت اهل الردا سموك متردي

سماهم سفر اهل الردا وشجع راشد على عدم مجاراتهم



هل تلك الحفلة حصل فيها مايعكر صفو راشد من احد الشعراء؟ومتى تاريخ هذه المحاورة؟

رموز تحتاج تفكيك وتوضيح اكثر

آخر تعديل الشوردي يوم 08-Aug-2011 في 02:47 AM.

[ابو فايح]

طاروق رائع وقوي


ربما قبله طاروق هو ما سبب ذلك أو شي أخر يخفى علينا


لاهنت يا خالد

[بطـران العتيبي]

طارق رائع بين عمالقه لاهنت يالجميلي

[منيرالروقي]

ولايهضم حقوق الناس لاابويه ولاجدي

شطر فتله راشد بإبداع وخبره

جاء النقض من سفر _فارس هوازن كماقال غالب_

على ورث الجدود وخابرك منته بمتعدي

هذا نقض فيه إكتمال تجربة شاعرمحاوره وكلام خطير يركب على وجهين أحدهما طيب والآخر هجاء خطير

‏_لايجي واحد يدور مقلب أو خابور خزا أعزكم الله _

بعض الكلام أقو من ضرب السلاح

المهم إنه طاروق يستحق الحفظ فالذاكره


شكرا ياخالد