يامعجب اليومه نباها .. على آر

[زبن الدخيل]

تسيف انت يامعجب

يامعجب اليومه نباها .. على آر = والاخره تنهى بمنهاة آوي ..!!
قال المثل .. لايلعب الرجل بالنار = وانت انتبه لاتروح منها مشاوي ..!!

آخر تعديل زبن الدخيل يوم 20-Mar-2008 في 03:09 PM.

[معجب العتيبي]

هلا وغلا تسيف انت
اسف ماشفت بدعتك الا بعد جيت من الصلاه

ياصاحبي لاصرت للخد حفار=انصحك لاتاقع ياكود متساوي
وان كنت يارجال ناوي للأخطار=لاتنصح اخصامك بضبط الخطاوي

التوقيع

[عبد المحسن الحلحلي]

وان كنت يارجال ناوي للأخطار=لاتنصح اخصامك بضبط الخطاوي



الله الله

المبدا

رائع

من زبن


والرد

الهايل

من معجب


واصلو وازهلوا الصف

الحلحلي

[معجب العتيبي]

هلا هلا يالحلحلي

مرورك اسعدنا ياغالي

[زبن الدخيل]

ملامسٍ فيك الغرابة ومحتار = الناس تمشي عدل وانته نحاوي ..!!
لاصار من عاداك يوقعك منهار = هاذي نصيحة من بعيد الهقاوي ..!!

[زبن الدخيل]

الروعة مرورك يالحلحلي
صح قلبك ولاهنت

[معجب العتيبي]

الوضع مابه سد مخفي ولا اسرار=هات الكلام ان كنت للصدق قاوي
انا اشهد ان الوقت ياناس دوار=والله يجنبنا كبار البلاوي

[زبن الدخيل]

مابيّح المكنون لو صار ماصار = ياصلك مبهم من كلام نقاوي ..!!
وانا اشهد ان الوقت من طور لاطوار = معجب يحسبنه بخيت العطاوي .!!

[معجب العتيبي]

احبك سواليفك على زين الاشعار=واصدح وخلك مثل عدٍ رهاوي
الناس يابن الناس تفهم للأخبار=وترا فقير الناس ماهو غناوي

[عبدالله الجـــذع]

الله الله..

ماشاء الله محاوره في قمه الجمال..

متابع وبشغف..

لاعدمناكم وصحت السنتكم يالغالين..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا