بســــم الله الرحـــمن الرحيـــم
قصيدة بمناسبة حفل قبيلة الزود .
بسم الله أبدا وانتهي في حبك عذبات القصيد= اللي علاها هاجسي يرزم سحابة ورعده
لو ما القبـيلة ما كتبت الشـعر باللـون الفريـد = اللي يلـيق بربعي العتبان جزلة واجـوده
أهل الشـهامة والكرم والجـود والعلم السديـد = الرجـل قبل يمـوت يكتبـها وصـية لولـده
وأهل الوفاء لولاة أمرهم عهدهم عهد جويـد = ماينقضون عهودهم يوم الردي خان عهده
درع البلاد وسيف في كـف المـلك حده حـديد = عـوج الرقاب أليا ضربها به تروح امدده
منا البطل دون الوطن لامـات بأذن الله شهـيد = الراية الخضراء غطاه وتنغرس فوق أللحده
وليا انتخى سلطان جينا من قريب ومن بعـيد= وقـت اللـزوم الجـيش يلقانا جـنود مجـنده
حـنا الخـناجر والسيـوف و سـم في عــرق الوريـد = و الـلـي يعــادي مملكتــنا بـالهجـاد نهـــجـــده
هـاذي سـلوم عتـيبة الهـيلا علـيها الله شهيـد = تعلن بها الألسن وتجري في عروق الافـئده
من دون قاصر في الرجـال اللي لهم علم رشـيد = باقي القبـايل والنعـم مـن دون عــد نعـدده
قلوبهم وحـدة على الإســـلام والـدين المـجيد= ورايـة التوحيد ترفـع في جميع الأصـعدة
خــادم بيــوت الله قـايـدنا عـلى الحــق التليـد = ولـه الـولا منـا جميعـا كـل وقــت نجـــدده
وليـا تكـاتـفنـا بصــدق الـراي نبلـغ ما نريــد = يـموت بالحسـرة عدو بلادنـا فـي مرقـدة
عــن لا الـه الا الله المعبــود مـا والله نـحيــد = تحيى بها النفــس وتموت وتبعث بها موحـدة
هذا وانا من عزوة تمشي على العـلم الوكـيد = قـبيلـة الـزود يـجـيك بـعلمها مـن تـنشـده
احصونهم فـوق الجبـال النــايفه معلم مشيـد = فـي الفرعة اللي بالسراه وبالحدود محــددة
أرجـالها وقـت اللـزوم تجيـك بالـعلم المفيـــد = مايبخلـون بمـدهم والمـدح دايـم تحصــده
وقفاتـهم مـع ربعـهم دايــم عن العـالم تزيـــد = أهل الوجيه البيض ربعي وشكر الله وحمده
الشاعر/ خضر عطالله إبراهيم الزايدي