مدير المنتديات الأدبية ( مرزوق العتيبي ) على قناة الساحة .

[السميــــــري]

مساكم الله بالخير
احبتي الغالين ..
كان لحضور أخونا مدير المنتديات الأدبية بالأمس
مرزوق العتيبي على قناة الساحة حضورا باهراً ( غير )
أبدع في قصيدته في مسابقة أفضل قصيدة في مدح الرسول صلى الله عليه وسلم ..
ونقول لابو محمد صح لسانك .. وفالك التوفيق ..
وهذه القصيدة التي شارك بها ..

	فدوة ٍ للمصطفى روحـــي وماتملك يميني = كيف لا .. واللي خلقني حط حــــــبه في كياني حط حـــبه في كياني ماتغيـــــــره السنـيني= انثني من دون عرضــــه بالذراع وباللـــــساني باللسان ادفع عنه واصد كيد المعرضيني = والذراع اضرب على من مس عرضه بالسناني ما تاخر عن لزومي مع جميع المسلميني = واجـــــب ٍ هــــذا عليـــنا في قــــسا ولا لــــياني حبه اغلى من حياتي والـــــولد والوالديني = ايده ربي بــــــــروح الــقدس والسبع المثاني النبي اللي جعـــله الله خــــير المرسلــــيني = جل من خصّه بفضـــــــل ٍ ماعـــطاه لمودمــاني خير من يمشي على وجه الثرى فالعالميني = الشفيــع الهاشـــمي يوم الحـــشر فضــله يباني في نهار ٍ تذهل المرضــع وترمي بالجنيني = يمنــــــــحه ربي شــفاعه لامـــته قاصـــي وداني صاحب الوجه المنير وصاحب اللب الفطيني = الامانه من صــــــفاته والتواضــــــع والحناني دعوته خير الدعاوى كلها.. حكـــمه ولـــيني = ابتـــــــــداها باهـــل بيته..... ثم بينــــها بياني كلفه ربي وقال اصــــــدع بها في كل حيني = من يطيعك طاعني واللي عصى لامرك عــصاني صدقوه المؤمـــنين المخلــصين الصادقيني= مثل ابو بكر وعلي في سر.... ولا فـــــي علاني بعد ماشاف الاذيــه من يسار ومـــن يميني = اعلـــن الهجره وحان الوقت بعد الصـــبر حاني انطلق من وســط مكه داخله قلب ٍ حزيني = ماعليه افراقها رغم الذي لاقـــــاه هـــــــاني متجه صوب المدينه يدفعه شوق وحنيني = لهلها اللي بايعــــــوه وقدمـــــــــوا كل الاماني معه ابو بكر الصديق الصادق الرجل الاميني = صحبة ٍ ياطيبها ما ادرك شرفها شخص ثاني حين ماوصل المدينه اظــــهروا له منشديني = مرحبا باللي لفانا من بعـــــــــــيد الدار عاني كل يقول انت عندي مسـكنك في نون عيني = يارسول الله تعـــــال فداك روحي والمـــكاني كرموه وناصروه وصار له حبّ ٍ مكيــــني = في قلوب اللي لهم في صفحة التاريخ شاني انصره ربي واعز الدين بالفتـــــح المبــيني =ارتفع صوت الاذان وكبـــــــــــرت كل المباني من تمسك سنته ماخـاب في دنيا وديــني = منهجه نورٍ يدخـــــــــــــلنا مع ابواب الجناني كيف يجرأ واحد ٍيرسمــــه بالرسم المشيني = قبحه ربي وجـــعله من هوان ٍ في هواني اتهبا يالدينـــــمركي ياللعـــين ابن اللعـــــــيني = والله انك ماتحقـــق غايتــــك ياهالجباني الشلل جــــعله يصيبك فالرجـــــول وفاليديني = ماتهنا في حـــــــياتك من كثر منت بتعاني من اجل تكون عبره للــــــعلوج الحاقديني = لو حنا نعرفك يوم المـــــــــواجه ماتداني انكشف حقد النصارى المشركين المجرميني = والهدف تشويه هذا الدين مع طول الزماني قاله الله في كـــتابه كل...... الامه عارفينـــي = العداوه ماتغــــــــــير لو نفى كوفي عناني بس حنا ماخلقـــنا.... غيـــر لله عابدينـــــي = والشهـاده في سبيله نعتبرها اغلى الاماني ان دعا داع الجهاد نقــــوم لله مسرعيني = مع ولي الامر مانقعد نفـــكر لو ثواني والسلام اختــــام يالله ياولي الصالـــــحيني = تصلح النيه وتحملنا على فعل الحساني

بالتوووفيق يابو محمد ..

[جمال النفيعي]

بالتوووفيق يابو محمد

لاخوف على البناخي

عساك على القوة

[نواف العصيمي]

بالتوفيق أبو محمد نتمنى لك التوفيق وكانت إطلاله بهيه

ولك التقدير والإحترام

التوقيع

[عبد الله الحليفي]

بالتوفيق يأبو محمد نتمنى لك التوفيق شاعر علم

[أبو الوليد]

نتمنى التوفيق للأخ مرزوق العتيبي والفوز بالمسابقة
فقد أبدع في القاء قصيدته .. الرائعة في الذود عن الرسول صلى الله عليه وسلم ..
يعطيك العافية يالسميري على الخبر ونشر القصيدة
تحياتي

التوقيع

https://twitter.com/abalwled عَظيمةٌ أنتِ يـا أرضَ الرسَـالاتِ = يا مهبطَ الوحي فِي خَتْـمِ النبـوَّات أنْتِ السُّعُوديَّةُ العَلْيَـاءُ فِـي شَمَـمٍ = تَعْلُو عَلَى كُلِّ مَنْ تَحْـتِ السَّمَـوَاتِ

[مالك الذيابي]

شرهتنا كبيره عليك يا مرزوق

المفروض تعلمنا علشان نتابع

بالتوفيق يابو محمد

وسلمت يداك على النقل يابن العم

آخر تعديل مالك الذيابي يوم 31-Oct-2007 في 07:20 PM.

[عيضه الثبيتي]

بالتوفيق لابومحمد

والشرهه عليه مايعلمنا حتى نتابع



قصيده رائعه بروعة شاعرها




نتمنى للشاعر الهيلا التوفيق

التوقيع

البارحه كان اللقاء مابينا كله حلو=احلا من السكر وكلّك يابعد عمري حلا!! من يوم ماقلتي ياروحي يابعد عمري:(الو)=وأنا بخير وعافيه قدام لا اقلّك :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131

[نبض عتيبه]

بالتوقيق
وابو محمد مبدع وانشاء الله يحصل على المركز الاولى

[نايف بن صلال]

تستاهل الفوز يامـــــــــرزوق==== وعساك دايم على القوه

قصيــــدتك كلبــــوهـــــا ذوق==== تشبه لغيــثٍ سبق نـوه

رسولنا له علينـــا حقـــــــوق==== بالقول والفعل و(ن)نـوه

نمشي على سنته ونســوق==== ارواحنا وعندنا مــــــروه

من سبه من البشر مصفوق==== مريض في عقله وبــوه

[السميــــــري]

بعيد الهقاوي ..

أشكرك على المرور .. يالغالي ,,