رشيد الزلامي ومحمد السناني

[((الدلبحي))]

محاوره بين الشاعرين رشيد الزلامي ومحمد السناني.

يقول رشيد

هلا يامرحبا ترحيبة ترضي جميع القـوم+ وأنا مدري جهينه وش يزعلها ويرضيها
تراني مانشدتك يالسناني عن علوم اليـوم+ ألاانشد عن علوم لي شهر وأسبوع موحيها

يقول السناني

يدوم بك البقا والقوم ماترضي بحب خشوم+ تقدم يالزلامي للقضيـه وأنـت قاضيهـا
سمعنا كلمه الظالم سمعنا دعوة المظلـوم+ تداوي علـه المظلـوم ولا مـا تداويهـا

يقول رشيد

ليا جت للقضا خليت عينك ما تذوق النوم+ على شان الحصاة اللي من الهضبه تدربيها
أنا والله ماقسمت الحلال ولاحضرت قسوم+ لكن اشكوا على رب ليا خربـت يسويهـا

يقول السناني

أقول الحمد الله يالزلامي ما عليه لـوم+ اعرف انك تكحل عينها والصبح تعميها
من اللى قسم التفاح والرمان والبرشـوم+ اظن اصحابك الغالين ماليتن مخابيهـا

يقول رشيد

اكحل لي عيون رجال لن جا في العلوم علوم+ وليلـي مـا نكحلهـا يكحلهـا بناخيـهـا
احد ياكل من النخله واحد من شجرة الزقوم+ اخذها ياولد متـروك واقبلهـا بمـا فيهـا

يقول السناني

اعرف انكز سلاله قوم ماانت من الظفر محروم+ لكـن فالبـيع افنديـه عليـك تطـول اياديهـا
مادام انك من البارح قسمت القوم فرس و روم+ ترى كل محاسـب بالصـلاة اللـى يصليهـا

يقول رشيد

يامشا الله يبي ينفخ شريم وبرطمه مشروم+ ليا حاول يشب النار جاها مـن يطفيهـا
ليا ضيعتها في وقتها ماني بهـا ملـزوم+ عساكم في الجحيم ودمتي منكـم مبريهـا

يقول السناني

اراد الله ومن نجم السما طاحن ثلاث نجوم+ عسى الله لايعين اللي على رأسه مضويها
وحنا نحترمك ولا نبيح بسرك المكتـوم+ نخاف الله لوانك صرت حاميها حراميها




منقول

تحياااااااااااااااااتي

[الفراهيدي]

الدلبحي

بيض الله وجهك

وكثر الله من أمثالك

التوقيع

AL-frahedi@hotmail.com

[((الدلبحي))]

الفراهيدي

وجهك ابيض ولاهنت على تواصلك المستمر

تحيااااااااااااااااااتي

[ماجد الهذلي]

الدلبحي محارة قمة بين شعراء كبار

وجهد تشكر عليه

تحيااتي

[((الدلبحي))]

ماجد الهذلي

الله يعافيك ولاشكر على واجب

تحياااااااااااااااااتي