الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > منتديات قبيلة عتيبة - الهيلا > شعراء قبيلة عتيبة

« آخـــر الـــمـــشـــاركــــات »
         :: البيت لاعجبني اجاريه باحساس (آخر رد :الريشاوي)       :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)      

إضافة رد
أدوات الموضوع انواع عرض الموضوع
غير مقروء 11-Sep-2009, 02:25 AM رقم المشاركة : 1
معلومات العضو
محمد العتيبي

مشرف منتدى شعراء قبيلة عتيبه


الصورة الرمزية محمد العتيبي

إحصائية العضو






التوقيت


محمد العتيبي غير متواجد حالياً

إرسال رسالة عبر مراسل MSN إلى محمد العتيبي
Exclamation شعراء قبيلة عتيبة يهنئون الأمير / محمد بن نايف بن عبدالعزيز ..

بسم الله الرحمن الرحيم




احبابنا اعضاء وزوار شبكة الهيـــــــــلا *** منتدى قبيلة عتيبة



اسعد الله أوقاتكم بكل خير ..


هؤلاء هم شعراء قبيلة عتيبه .. شعراء الموقف


هم من قيل فيهم :



في كل موقف لهم ميعاد = و الأوله كسبهم دايم



يجددون ولائهم بولاة الأمر ويعبرون بصادق مشاعرهم النبيله ويهنئون



اضغط على الصورة لرؤيتها بالحجم الطبيعي


صاحب السمو الملكي الأمير / محمد بن نايف بن عبدالعزيز آل سعود ..
مساعد وزير الداخلية للشؤون الامنية من الأعتداء الغاشم ..




قصيده للشاعر العلم : عبدالله بن نايف بن عون الرويس العتيبي ..



ليا دير فنجـال الـدلال المباهيـر=في مجلسٍ روس الرجال احضرتْبه
يستاهل الفنجـال الأول ليـا ديـر=شيـخٍ نبيـلات المواقـف زهتْبـه
هو سيدي نايـف مكانـه وتقديـر=درْت المشاعر فيه واسترسلت بـه
النائـب الثانـي مهابـه وتكبـيـر=رحبـت بـه والمملكـه رحبتْبـه
وهجيت بـاب مسجنـات التعابيـر=للشعر والـراس الكبيـر ابتدتْبـه
باسما التهاني والفـرح والتباشيـر=ومـادار بأفكـاري وماهوجستْبـه
ازفهـا لـك ياحبيـب الجماهيـر=على سلامة مـن صفاتـك سمتْبـه
زيزوم الأمن اللي فعوله مشاهيـر=مواقفـه يــم الثـريـا رقتْـبـه
ماخاب ظنك فيه من توه إ/ضغيـر=ماجاه منك من الـدروس اثمرتْبـه
لو هو لحق هاك السنيـن المدابيـر=فـاز بلقـب خيـال مـن قربتْبـه
المملكه من حـد الأردن لخرخيـر=تحزمت بـك والأمـان إ/شعرتْبـه
يسلـم لنـا راسٍ يقـود المعاذيـر=شيخٍ على ممشاك رجلـه مشتْبـه
شيخٍ وقف للملكـه وقفـة الزيـر=ولاخاب فيه الظـن يـوم اعتزتْبـه
ضيّق على اصحاب الظلال المعابير=اللـي تبنـت منهـجٍ مـا افلحتْبـه
شرذمةٍ تخلـف ضعـاف التفاكيـر=كـم جاهـلٍ بأفكارهـا غررتْـبـه
ترسم له الخطه على غيـر تبريـر=هو ماسلم منها وهي مـا اعتنتْبـه
ياللي زرعت زراعةٍ نوعها غيـر=اقطف ثمر محصولها اللـي نبتْبـه
عقب افتدتبك دون ستـر الغناديـر=اللي تبي تذبـح بـه النـاس متْبـه
وألا ولد نايـف طويـل الأشابيـر=نيّـه عـدو الديـن عنـه إ/قرتْبـه
وانجاه ربي من جميـع العواثيـر=والنيّـه البيضـاء علـى مانوتْبـه




قصيدة للشاعر الكبير / متعب بن خلف بن هذال الحافي العتيبي .



ارفعوا مني تهاني بالسلامه =للأمير محمد الشهم العصامي
الاميراللي سبق فعله كلامه =ذخر نايف للوطن درع وحزامي
فارض ٍ حبه علينا واحترامه =تستحق المدح يا رمز السلامي
من فعوله ما لحق شخصه ملامه =يا عريب الأصل يا الحر القطامي
خادم ٍ شعب السعوديه وإمامه =المليك اللي على الطولات سامي
الزعيم ابن الزعيم ابن الزعامه =منزله بالمجد في راس السنامي
سيدي حنا معه خلفه وأمامه =نارد حياض المنايا ورد ظامي
والمريض اللي يبي رأسه حجامه =حكم شرع الله تحت حد الحسامي
بالخدع والغدر واسلوب الرخامه =تفجعون الآمنين بفعل دامي
كل يوم يبين للخله علامه =والدليل ان العمل فعل انتقامي



قصيده للشاعر الكبير / فهد القثامي العتيبي ..




ترا العدو بذن من أنجاك معثور=يقوله العاهل وحنا نقوله
الله جعل كيد العداء عنك مدحور=وأنجاك يا محمد من أنجى رسوله
جدك معزي فالحرم طلعت النور=أهل الغدر اللي نوولك نووله
وأنجاه منجي يونس بغبة بحور=وبنى بذن ربه على الشرع دوله
لومنت صقر ٍ حر من نادر صقور=ما جاء الخطر حولك ولا أنته بحوله
لكن لك قلب ٍ على الصعب مفطور=ولال الشدايد ماعرفنا الرجوله
لوكان منته فالمهمات مشهور =ما أصبحت يضرب بك مثال البطوله
سلامتك يا للي نوو يك فيك مغدور=أرجل أعداك بما نووك معقوله
الله جعل لكيدها أجسادها نحور= وأمالها فيما تريد مخذوله
وجعل خنادقها على روسها قبور =ووجيها مما ادعته مغسوله
كلمة هبو زفره وحنا لها صدور=على لسان الشعب عرضه وطوله
أعمالهم تخريب وأقوالهم زور =وأفكارهم لبليس تصرف عموله
أقرب الى الدجال بعيونه العور=عن ما ادعو فالدين وما سعوله
أنفوسهم يغلب على خيرها شرور=وعن الوطن متنازلين بسهوله
عاثو فساد ودمر الحرث والدور=وتيتمت منهم سنين الطفوله
في دولة ٍ تطبق الشرع دستور=يحاربون اخوانهم والحموله
لو في بصايرهم من الفكر مذرور=راحو لمن فالحرب يقرع طبوله
ولع شرارة حقد والفتنه تثور=منهج قلوب ٍ إلسنتها معسوله
ماتعترف بالنصح ما تقبل الشور=باب ٍ عن أهل الحق موصد قفوله
لايحسبون ان الوطن دم مهدور=لو أستباحو حرمته وانكروله
دونه ابو متعب وسلطان إله سور=ونايف بحفظ الأمن تشكر فعوله
مساعد شوؤن الأمن با الأمن دكتور=يعرف مكامن علته مع حلوله
زادوه بالتصميم وحنا له شعور=وأن زادو أهل الفسق زدنا بطوله.




قصيده للشاعر الكبير / هندي بن فيحان العتيبي ..


للأمن تبقى وعمرك في ازديادي =بإذن رب الكون خلاق البريه
فيك حزم وفيك جد واجتهادي =وفيك حلم وعلم وايضاً حسن نيه
جهدك اللي تبذله ماهوب عادي =كم سقط من عقب أوامركم خليه
وكم وكم من مجرم غادر وغادي =واهتدى باللين والامن خويه
ما اهتنت عينك بلذات الرقادي =لين امنا ساد فالدار الأبيه
سلمك رب الخلائق والعبادي =من شرور اللي نواياهم رديه
هم خفافيش الظلام اعداء البلادي =عن شريعتنا مباديهم خفيه
لزمرة الشيطان طوعن وانقيادي =من بعيد حدود جهز للمنيه
لداره اللي محتضنته فالمهادي =دار أبو متعب ديار أهل الحميه
وجند نايف وأحمد الهم بالعتادي =جاهزين سروب وجموع وسريه
دونها مثل الحرار اللي تفادي =يبذلون الروح والهمة قويه




قصيدة للشاعر الكبير / محمد الفرهودي الشيباني العتيبي..



تاريخ وقّف وسجل مجدالابطآلي=الأمن دونه رجالٍ نارهم حيّه
فأصعب مواقف تبِين رجال ورجالي=مابين مدّت وفا او نكبة النيّه
إبليس قفّا وسيف الأمن لازالي=لازال قوه وهيبه للسعوديّه
مثل الجبل في وقوفه شامخاًعالي=مااهنز ثابت ويدين الغدر ملويّه
يبقا شموخه ويبقا الأمن فظلالي=مادام أمن الوطن فعيون محميّه
يتعب ويتعب ويبطِ النذل مانالي=من راس من روّض الروس الأفاعيّه
من راس نايف تعلم كل الامثالي=ومن راس نايف حقوق الفكر حصريه
كايد الاعداء وللصعبات حلالي=ومهمته فاالبلد أمن البلد ليه
ويعيش كل الشعب مرتاح الاحوالي=وتعيش يامسيّر الأحوال الامنيه
ياسيدي يامساعد أمننا الغالي=سلامتك للوطن ماهيب عاديّه
تباشروك عموم الشعب في الحالي=من حبهم للأمير المخلص النيه
تبقا لنا فاالامن والخير متوالي=ونبقا جنودك نسوق النفس للهيه















التوقيع
اضغط على الصورة لرؤيتها بالحجم الطبيعي









للتواصل عبر twitter تويتر


al_bargawy@
رد مع اقتباس
غير مقروء 11-Sep-2009, 02:33 AM رقم المشاركة : 2
معلومات العضو
أبونواف

رابطة محبي الهيلا

إحصائية العضو






التوقيت


أبونواف غير متواجد حالياً

افتراضي

صحت ألسنتهم والله يعافيهم وليس غريب هذا الامر على شعراء الهيلا

ولاهنت على النقل يالغالي ..















رد مع اقتباس
غير مقروء 11-Sep-2009, 02:40 AM رقم المشاركة : 3
معلومات العضو
فهيد الايدا المورقي

مشرف منتدى الصحافة

إحصائية العضو






التوقيت


فهيد الايدا المورقي غير متواجد حالياً

افتراضي

صحت السنتهم جميع وبيض الله وجيهم على الوقفه المشرفه


وهذا ليس غريب على ابناء الهيلا الكرام


محمد العتيبي لاهنت على النقل الجميل


تحيتي















التوقيع
حسابي في تويتر


faheed_1234
رد مع اقتباس
غير مقروء 11-Sep-2009, 02:50 AM رقم المشاركة : 4
معلومات العضو
محمد العتيبي

مشرف منتدى شعراء قبيلة عتيبه


الصورة الرمزية محمد العتيبي

إحصائية العضو






التوقيت


محمد العتيبي غير متواجد حالياً

إرسال رسالة عبر مراسل MSN إلى محمد العتيبي
افتراضي

ابو نواف

شكرا لمرورك الرائع وتواصلك المشرف ..

تحيتي لك
...















رد مع اقتباس
غير مقروء 11-Sep-2009, 02:52 AM رقم المشاركة : 5
معلومات العضو
محمد العتيبي

مشرف منتدى شعراء قبيلة عتيبه


الصورة الرمزية محمد العتيبي

إحصائية العضو






التوقيت


محمد العتيبي غير متواجد حالياً

إرسال رسالة عبر مراسل MSN إلى محمد العتيبي
افتراضي

بناخي الايدا .. ارحب يابو عبدالرحمن


مرورك دائما مميز .. شكرا لك يالغالي

تحيتي
..















رد مع اقتباس
غير مقروء 11-Sep-2009, 02:54 AM رقم المشاركة : 6
معلومات العضو
ابو محمد الدعجاني
عضو مميـــز

الصورة الرمزية ابو محمد الدعجاني

إحصائية العضو






التوقيت


ابو محمد الدعجاني غير متواجد حالياً

افتراضي

صحت ألسنتهم والله يعافيهم وليس غريب هذا الامر على شعراء الهيلا

ولاهنت على النقل اخوي محمد















رد مع اقتباس
غير مقروء 11-Sep-2009, 03:35 AM رقم المشاركة : 7
معلومات العضو
عمر الدغيلبي
مشرف سابق

الصورة الرمزية عمر الدغيلبي

إحصائية العضو






التوقيت


عمر الدغيلبي غير متواجد حالياً

افتراضي

الله يبيض وجهك يامحمد و ماقصرت يا راع الأوله

موضوع مميز وفكره جميله جدا ً

و لا نستغرب الوفاء والولاء من أبناء قبيلة عتيبه العريقه

هذه القبيله العظيمه بكل من ينتمي إليها


وصح ألسنة الشعراء وبيض الله وجيهم




وإضافة ً للموضوع هذه بعض القصائد الأخرى التي قيلت في هذه المناسبه :



الشاعر / ضيف الله بن سويلم العتيبي

الحمد للباري على كل الأحوال = اللي كسر شوكة هل الغدر والدرق
نجّا محمد من عمل شين الأعمال = تبّت يد الإرهاب بالغرب والشرق
عز الله انه كاد يغتال رجّال = رجّال فيه عن أكثر أبناء البشر فرق
حماك حام البيت من قوم الأفيال = ونجّاك منجي نوح من غبّة الغرق
أهنّي الدولة وأقول الخطر زال = لاح الفرح فالمملكة لوحة البرق
وغنّيت من زود الطرب صوت موّال = وأظن من زود الفرح غنّت الورق
سر للأمام بعز يا نجل الأبطال = واطلع مطاليع الشرف للعلا وارق
تنشر لك البيضاء على راس ما طال = لأنك تريد الأمن لا قتل لا سرق
تسلم يابو تركي وللعقد حلّال = الله يحرق من نوى غدركم حرق
والشجرة اللي تدّرق فيها الأنذال = تقطع ولا يبقى لها فالوطن عرق





الشاعر / مشاري الكرشمي العتيبي





من الالسن عن قلوبً عمر فيهاالتقى وازداد= على صدق المشاعر نشكر الله والثناء شكره
خطاك السو واذراك الكريم مثبت الاوتاد=عنايه من جليل الشان لاخوذه ولاستره
سلمت وسلم الله شعب من كيد وضغين احقاد= يابن من تقصر الهقوات عن باعه وعن شبره
بن نايف محمد يتعب اللي ينطقون الضاد = على وصفه سوات البحر في قله وفي كثره
هذا محمد على ذكره تسابق للرواه امجاد= على وضح النقا فالوقت من يسره اليا عسره
ملاذ وظل من ينصاه سيد من فخر واسياد=طليق حجاج غيث ً كم فقيرٍ هادمً فقره
وابوه اللي على اسمه سمو الانجال والاحفاد= لان الاسم نايف والفعايل واكبت عمره
سياج الامن حصنً يندعيبه من على الاشهاد=اليا عمسن الاريا يارد الهايب على ذكره
حكيم الراي هداج المكارم مروي الوراد= تهافت له جموع الناس من حبه ومن قدره
نزف ازكى المشاعر بالمشاعر عيدي يابلاد= يومن الظالم اخزاه الكريم وللخزا قبره
خطاك السو يامحمد وهذي عادة الرواد = يابن من تقصر الهقوات عن باعه وعن شبره





الشاعر / عبدالرزاق الذيابي العتيبي



لاباس ياكحيلان راس الرياجيل= خَطاك سوّ,وكيد غادر وكذاب
الحمد لله يوم صارت تساهيل= كَبرَت وهانت..يوم شيطانها غاب
ياسيّدي خانوك (غَذوَة اِسرائيل)= أشباه فيران الجحاره والاسياب
ياسيّدي مامِن وراهم محاصيل= راعِ الخيانه! لاتثق فيه لو تاب
مَدّيت بيمينك لهم وَرد واِكليل= ورَدّو عليك بحقد..جمره ومشهاب
أنته عطوف وطيّب القلب بالحيل= وتبغى الجميع اقراب,واصحاب,واحباب
واهل الغَدَر! يسعون للكيد في ليل= ويدبّرون الشرّ عدوان واحزاب
جوْ لك بلبس الوِدّ خِدعه وتمثيل= والداب! ناعم لَمس, والسمّ فيْ الناب
لكن خذلهم من خَذَل راعي الفيل= وسلّط على الغادر بفعله وماجاب
ياسيّدي..ماعاد فيها تماهيل= ومن لايشوف الفعل بالسيف! ماهاب
خلّ الصبح تكبير, والليل تهليل= من فوق روس اهل الفتَن, واهل الاِرهاب
واللْه يمين الشرع مايعدِل الميل!= ياكود حذف الروس من فوق الارقاب
والشرع واضح..فيه للحكم تنزيل= آيَه صريحه قالها ربّ الارباب
من حارب اللْه والنبي عمد,ويعيِل!= ويسعى فَسادَاً فيْ الاراضي! له اِحساب
جزاه! يُقتل, أو يُصَلَّب وتمثيل= وعليه دعوة خِزيْ في كل محراب
وياسيّدي من ماضي الوقت قد قيل= قولٍ موَثّق بين قاري, وكَتَّاب:
(الحنظله لو هي على شاطي النيل!= زادت مرارتها) وقطّافها! خاب
ولاباس ياْ محمد ياراس الرياجيل=خطاك سوّ اهل الخيانه والاِرهاب




الشاعر / نايف بن معلا المغيري العتيبي




تحجب الغدر ، لكن رحمة الله حجاب = حالت ما بين النفوس وشر غاياتها !
لبس لباس الوفا وأقبل يسوق الركاب = تسوقه الفـتـنة السوداء وسـاداتها
في ظاهره ضيف ، كانت له سوايا وتاب = والضيف عند العرب يلقى شهاماتها
وما بين سود البشوت وبين بيض الثياب = الناس محد بعارف ويش نياتها
حين استوت له ، دعته الغادرة واستجاب = وتفجرت به ولا غيره ضحياتها
وتناثر قبال وكر الحر ، ريش الغراب = والرمية الغادرة ما جت بهقواتها
ونجَّا الله الحر من حر الكبود المذاب = في البندق اللي تعجرت داخل خباتها
شفه على وكره عيونه سواة الحراب = طالع من الشر والفتنة وميلاتها
يروي تفاصيل حادثته لسمح الجناب = في صورةٍ ما بعد شفنا مثيلاتها
أبوة ٍ حانية ما بين حب وعتاب = وشجاعةٍ يروي الموقف دلالاتها
هذا ملكنا / فلكنا لو تضيق الرحاب = حامي حما الدولة وباني حضاراتها
وهذا محمد ، ولمحمد تذل الصعاب = جبل ، لو الريح توعز صلف هباتها
سيف من سيوف أبو متعب يقص الرقاب = أمضى من الحيلة ومن لحظ زرقاتها
ثالث ثلاثة رجال خيلهم ما تهاب = تارد يقين المنايا واحتمالاتها
الأول أبوه نايف والمفاخر تجاب = لا جيب طاريه وأمجاده وقالاتها
سور البلاد وحجاها من رسوم الخراب = وقفاته المستحيل اسمه " مجاراتها "
كم قبلةٍ مخطية وأعادها للصواب = وكم قصةٍ وثقت باسمه بطولاتها
وكم غايةٍ غادرة صارت بفضله سراب = وكم ليلةٍ لأجل حفظ الأمن ما باتها
والثاني أحمد ، وفي أحمد طيب القول طاب = ومقالة الطيب في طيبه مقاماتها
عضيد نايف بحله ، وإن دعى الأمر ناب = يمناه تغرق عطاياها وسطواتها
مثلت الأمن ، وأضلاعه سيوفٍ حداب ! = عاشت بلاد السلام وعاشوا حماتها
والفتنة اللي بدت رهبة وصارت رهاب = الله وقانا حبايلها وعثراتها
كبرت وهانت وما دون الحقيقة ضباب = دونك مصاير عقاربها وحياتها
الله ما شفناه لكنا قرينا الكتاب = ومحجة الحق مثل النور ظلماتها
والزمرة الخارجة مابين ضرسٍ وناب = الله فضح همها وأبطل مهماتها
إيماننا من هواها ما دخله ارتياب = وأيماننا أشد وأعبى من عبواتها
والحية اللي دخل في سمها سم داب = بانت على رملة الفانين جرَّاتها
دايم تبنى الفشل ، وتبجل الانسحاب = وتنافي الواقع بواقع شعاراتها
على اسمها ما تقوم وما وراها زهاب = وغاراتها ما تهد إلا مغاراتها
وكل القضية تلخص في سؤال وجواب = يامؤمنٍ بالقيامة وش علاماتها ؟
الله غفورٍ رحيم ، الله شديد العقاب = ومعارك الحق تُعرف وين ساحاتها
والغدر من عادة الخاين وشر الدواب = ماهوب للمسلمين ولا من صفاتها
والحمد للي عليه الأجر والاحتساب = نجا محمد من الغيلة ودرقاتها
ونجا محبيه من نار الأسى والمصاب = شوف الفرح والعيون وشوف دمعاتها !
من كل حدبٍ وصوب وكل مجرى سحاب = قلوبنا جات تهدي له سلاماتها
الحجز ملغي على جدة ذهابٍ وإياب = بعذر جدة ليا زادوا مطاراتها
اللي بصدري شباب ، ولكن القاف شاب = ومشاعري ما عبرت إلا أبجدياتها
سلمت يا محمد ، وظن المعادين خاب ! = وأقبل حروف الوفا وأصدق تحياتها







الشاعر / نايف بن الحميدي الدغيلبي العتيبي






اهني الشعب السعودي ومجبور=اني اهني درعنا بالسلامه
درع الوطن في وجه حاسد ومسعور=ياقف لهم وقفة شموخ وزعامه
سلامتك ماجور يامير ماجور=يامحمد النايف وريث الشهامه
ياسيفنا الي سلته تفري الزور=تسطي علــى الارهاب شذرة حسامه
ماهي غريبه ياذرى كل مخطور= جهدك غدى لشعب جل اهتمامه
عدونا في كل الايام مقهور = ماهوب لاقي في طرفنا كرامه
من عهد ابو تركي والارهاب مدحور= نورٍ كسى الدوله وباعد ظلامه
واليابدى ناقف له اذياب ونمور= ايخيب ظنه مايحصٌل مرامه
حكامنا والشعب دون الوطن سور= لاجاء النهار الي يثٌور عسامه
صلفين مانقبل مع الشرذمه شور= ولاهوب منا الي تراعد عظامه
طابورنا يكسر ثمانين طابور= سيلٍ يدك الضلع قو ارتطامه
هاذا الصحيح الي به البال مسرور= والراس يطبخ بالسطر والقرامه
ولو حاولو يلي على الامن لك دور =ميرادهم معروف ريع الندامه
ياسيدي لو جاك(معثور معثور)=لانك ذخر نايف عدو الرخامه
نايف كبير الامن ومبعٌد الجور=النائب الثاني وحامي وسامه
ربي حماك وصار الارهاب ممرور=عودٍ يبس واليوم حان انصرامه
ابشربنا يامير والصعب مقدور= صفٍ يهيل المعتدين التحامه
قلته وترجمته باحاسيس وشعور=ابيوت شعرٍ مالحقها ملامه






الشاعر / متعب العتيبي



احمد الله واشكره مافيه غيره=ربي اللي عالما باللي خفيه
سلم اللي للوطن فعله وخيره=سلم مساعد وزير الداخليه
سلمه ربي من افعالٍ حقيره=دبروها اهل الفتن والعنجهيه
وبالسلامه فرحتي والله كبيره=احمدالله فالصباح وفالعشيه
فرحتي مع فرحة جموعٍ كثيره=حب فمحمد ابويمنىً سخيه
قاهر الارهاب والنفس الشريره=العقول اللي مشت درب الخطيه
نحمدالله سلم الشعب وأميره=والعدو من فعلته ذاق المنيه
كل خاين للوطن هذا مصيره=ياهل الارهاب والنفس الدنيه
مايوقّف فعلكم والله مسيره=الوطن دونه صناديدٍ وفيه
ترخص الاواح لوشبت سعيره=ماتساوم فالوطن والنفس حيه
وعقلكم والله نعرف من يديره=بعتوا الدين وفعايلكم رديه
والكلام اللي يكفيكم قصيره=الوطن غالي ولاتلقون زيه




الشاعر / محمد القثامي العتيبي


هذا وطنّا وحنّا رْجال من دونه = نَبْذل له الروح وِِنْعَمّرْه وِنْصونه
واليا بَغى في وطنّا واحدٍ باغي = لابد نِجْتث راسه من على متونه
وياتاج الامجاد يامحمد يابن نايف = ابلادنا بالولي ثمِّ ابْك مامونه
الامن بك يحتفي والمجد يَفْخر بك = وسيرتك بالعزّ والأمجاد مقرونه
وعلى يدينك وبامر القائد الأعلى = زلزلت الارهاب لين انهدّت ركونه
وحَفَظْك ربّي من اللي جاك وامّنْته = وفجّرْ بنفسه ونفس الغدر مغبونه
وياذايع الصيت يابن الشامخ الساطي = اللي له ارواحنا بالحب مرهونه
نايف سليل المليك اللي حما داره = حتى غدت درّةٍ فالأرض مكنونه
دارِ عسا الله من التخريب يحفظها = وِيْعزّ مِن شَعْبه الوافي يحبّونه
القائد اللي حروف المدح به تسمو = ولجل الوطن والمواطن تَسْهرِ عْيونه
ويوم الخبر جاه جاك وصافحت كفّه = كفّك وشعبه على الشاشه يشوفونه
وهنّاك والشعب من بعده يهنّونك = ومن غيرك اللي قيادتنا يهنّونه
ويدعون له والشعوب المسلمه تدعي = ويرجون ربٍّ جميع الخلق يرجونه
والله يَحفَظْك ياشبل الأسد نايف = اللي له ارواحنا بالحب مرهونه





الشاعر / غلاب بن عايض العتيبي



اليوم شلفا الزناتي وقّعت في لحم = وطى برجله على الغار وبدت حيتّه
اميرنا الشامخ المتواضع المحترم = اللي مع اردا الخلايق صافيه نيتّه
امعدل الميل نصرة كل من ينظلم = الخير مرسوم في وجهه و ناصيتّه
عدو الارهاب واهل الغدر عاش وسلم= من مدعين الوفا والنيه مبيّته !!
ماحط دونه حرس تفتيش ولاخدم = ولاغّير اسلوبه وعطفه و اريحيّته
وهذي عوايد لمنهم يخدمون الحرم = اموسس المملكه ماضاعت وصيّته
على العدل والشريعه من أساس الحكم=والشعب له حقه وتحسين وضعيّته
يبنون دور المعارف والضعوف تهدم = كم مسجدٍ تدعم القران جمعيّته
هنا يعيش اليتيم ولايحس بيتم = وهنا تعوّد على المرضان عافيّته
وهنا الفقارى غداهم مع عشاهم دسم = (والأمر والنهي) كلٍ يحترم هئيّته
الشعب في خير متهني بحمر النعم=في ظف ابومتعب ويتعّب على رعيّته
والله مانرضى بدال اهل الوفا والشيم = حكامنا اللي ظمنوا للشعب حريتّه
يعني ؟؟ وبعدين معكم ياعقول البهم =والآدمي مايزين الا بعقليّته ؟
يافتنة الخزي منكم يعتصرنا الالم = اليا متى في الضلال اقلوبكم ميّته ؟؟
حنا نعبد الولي ياعابدين الصنم = شيطانكم مرتحلكم وانتم امطيّته
بعد فتحنا القلوب ومدة ام الشحم = وقلنا من يعود للحق تنمحي سيتّه
صرتوا في جسم امة الإسلام مثل الورم=صحيح بان اخر علاج المرض كيتّه
حنا فدا للمليك وللوطن والعلم = واللي ماهو كفو يلبس برقع وخيّته !





ولي عوده بالمزيد















رد مع اقتباس
غير مقروء 11-Sep-2009, 03:56 AM رقم المشاركة : 8
معلومات العضو
عمر الدغيلبي
مشرف سابق

الصورة الرمزية عمر الدغيلبي

إحصائية العضو






التوقيت


عمر الدغيلبي غير متواجد حالياً

افتراضي

إضافه أخرى :



الشاعر العلم / سداح العتيبي


الثناء والشكر للّي عمّ خيره=نعمته تضفي على كل البريّه
لا إله ٍ نعبده بالكون غيره=ربّ كل الكون واليه .. و وليّه
أكفنا من شرّ الأيام الأخيره=يا عليم ٍ بالمقادير الخفيّه
مخلفين الدين عميان البصيره=والعه نيرانهم صبح وعشيّه
نزغة الشيطان تعطيهم ذخيره=والغلوّ يمدّهم بالبندقيّه !
لو نشوف ثيابهم بيض وقصيره=تستتر بالدين وتقود السريّه
شلة ٍ مثل الرحاه المستديره = من دخل في وسطها لا رحم حيّه
شرّعت بالشرع ثم حاست مريره=ما تخاف الله ولا تتبع نبيّه
والحديث اللي رواه أبو هريره=فسّروه لذبحة النفس البريّه
البهايم مالها غير الحضيره=ثم يقول السيف حدوّهم عليّه
مير لا باس وعسى أيامك سفيره=يا ولد نايف وزير الداخليّه
نحمد الله عقب جاتك مستطيره=رحمته ما بينك وبين المنيّه
يحفظك ربيّ من أبليس وخشيره=يا عساك بخير وسنينك مديّه
ما تزعزعك المواقيف الخطيره=ولا تذيّرك الرياح الموسميّه
مع سموّك ما لحق راسي معيره=يوم أخصّك بالسلام وبالتحيّه
أنت ورجالك من صقور الجزيره=تستحقون المدوح العالميّه
الخلايا النايمه صارت كثيره=كم خليّه قامت .. ونامت خليّه
أجمعوهم كلهم من كل ديره=وأصلبوهم فوق برج الفيصليّه
أشغلونا مير ما فيهم بريره=يا الله أشغلهم بعلّه باطنيّه
يحترق من بينهم سلك الظفيره=وكل ٍ يفجّر حزامه في خويّه !!






انتظروا المزيد















رد مع اقتباس
غير مقروء 11-Sep-2009, 04:51 AM رقم المشاركة : 9
معلومات العضو
عمر الدغيلبي
مشرف سابق

الصورة الرمزية عمر الدغيلبي

إحصائية العضو






التوقيت


عمر الدغيلبي غير متواجد حالياً

افتراضي

إضافه :


الشاعر / عبدالملك بن عواض الخديدي العتيبي :





ماذا أردتَ وقد هلكتَ مُبدَّدا = ورميتَ نفسكَ في الجحيم مُخلَّدا
بئسَ الممات لمن أرادَ شهادةً = زوراً وبهتاناً وفكراً أسودا
أغواكَ شيطانُ النفوسِ وحقدُها = فرهنتَ فكركَ للعدوِّ مُجنَّدا
فجَّرتَ في جسمِ البلاءِ ذخيرةً = وظننتَ أنك قد أصبتَ مُحمَّدا
كلاَّ فهذا الحسنُ يملأُ وجهَهُ = والحاقدونَ تجرَّعُوا سُمَّ الرَّدى
هذا الأميرُ بحسنهِ ونقائهِ = ملأَ القلوبَ سعادةً وتوسَّدا
فرعٌ من الشجرِ الكريمِ مباركٌ = واللهُ يرزقُ منْ يشاءُ بلا مدى
أهدى حفيدُ الصقرِ روحَ إبائهِ = فاستسلمَ الإرهابُ وارتدَّ العِدى
أمنُ البلادِ أمانةٌ في حفظها = عزٌّ وفخرٌ والكرامةُ في الفدى
لله درَّك من أميرٍ فارسٍ = أرسى دعائمَ أمنها متفرِّدا
ما ضرَّ سيفَ الحق سوءَ غبارهم= بالطهرِ يُغسلُ بالولاءِ توقَّدا
شرُّ النفوسِ تمزقت بشرورها= والشرُّ يَحرقُ أهلَهُ إن أزبَدا
والحاقدُونَ على البلادِ وأمنِها = أفٍّ لهم يستوطنونَ الموقدا
لم يحصدوا غير الندامة إنها = طبع اللئيمِ إذا اللئيم تمردا
قالوا : بلاد المسجدين فنعم ما = قالوا ! مريبٌ للدعايةِ رددا
فخرٌ لنا أرضُ القداسة والتقى = إن أبحرَ التعبيرُ أو هوَ أنجدا
وطنٌ عظيمٌ والبلادُ كريمةٌ = والحكمُ فيها بالأمان تعهَّدا
الفضلُ فيها للمؤسِّسِ وحدهُ = جمعَ القلوبَ على الكتابِ فوحَّدا
هوَ رحمةٌ للناسِ حينَ تشَتَّت= أجزاؤُها والظلمُ فيها عربَدا
والآنَ ننعمُ في ظلالِ ربوعِها = بلدٌ كريمٌ والضَّلالُ تبدَّدا















رد مع اقتباس
غير مقروء 11-Sep-2009, 11:43 AM رقم المشاركة : 10
معلومات العضو
المزركش
عضو فعال
إحصائية العضو






التوقيت


المزركش غير متواجد حالياً

افتراضي

بيض الله وجيهكم ووجيهم

وهذا موقف وفاء لرجل وفي

اشكركم اشكر القائمين على هذا الموضوع

لكم تقديري















رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »07:20 PM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي