اقتباس:
|
المشاركة الأصلية كتبت بواسطة أبو الوليد
أول استبداي باسمك ياحنــون= ياكريم ما تخالفه الظنون
امرك المحفوظ في كاف ونون= وانت لي في كل مغواة دليل
هيج اشواقي حمام في الغصون= بات ساجع في بديعات اللحون
بين تغريد وترجيع يهون= مادرى اني في الهوى مثله عليل
ياحمام الدوح هيجت الغرام= ما سبب نوحك ومالك من مرام
اعطني عهدك وخذ مني ذمام= بيعني شوقك وخذ شوقي بديل
ان في قلبي جروح ماتطيب= مابدت حتى يداويها طبيب
من هواجس جات من فرق الحبيب= باح مكنوني وصبري مستحيل
كلما هب الصبا قلبي صبا= من غزال في الحما فاق الظـبا
ظبي جازي يرتعي نبت الربا= يسلب العشاق بالطرف الكحيل
مال عني بالتجافي والصدود= مابقي غير الحسايف والوجود
كم رعيت النجم والعالم رقود= والمحاجر دمعها الصافي يسيل
زارني طيفه كما طيف النسيم= جدد الاشواق والعهد القديم
وانثنى في داجي الليل البهيم= قلت زدني قال يكفيك القليل
آه من هم شوى قلبي بنار= وان طلبت الصبرماالقاله قرار
كيف ابا صبروالحشا للهم دار= صار مالكني وانا عنده نزيل
قمت مما حسني عند الهجوع= يوم كل نام ولعت الشموع
والهواجس جاتني تمشي جموع= مثل ورد النحل في وادي طفيل
أو كما سيل تسايل من مضيق= يقلع الحيطان والسد الوثيق
يأخذ الاشجار ويسد الطريق= زاد عن حده وضاق به المسيل
طار نومي يوم نامت كل عين= بت ساهر مع نجوم الفرقدين
من هواجس من جفا من جور دين= ما بقا الا البعد عنها والرحيل
صوب ارض الشام أو ارض العراق= عل يوم فيه ينحـل الوثــاق
كم نقاسي والقسا مر المذاق= ربما نلقى عن المنزل بديل
دع بلاد الذل وارحل يالبيب= واغترب فالكل بالدنيا غريب
القضا مكتوب والداعي نصيب= اركب الاخطار والهول المهيل
وان جفتك الدار أو مال الزمان= لاتعيش بدار ذل أو هوان
لو يظلي نبتها من زعفران= صاحب الاخطار واجعلها دليل
شد عن ارض الاعادي والحسود= واطلب العليا وبالغ بالجهود
لو يكون العز في غاب الاسود= خير من دار تعيش ابها ذليل
كل من رام العلا يرقى لهــــا= سلم الاخطار في اهوالها
من تراخى عزمته مانالها= دونها يقصر الباع الطويل
اقطع البيدا على عوج النضا= لو يكن تمشي على جمر الغضا
ما يفوت العمر قدام القضا= دين عندك لين ياتيك العميل
عاشر الاحرار من اهل الرتب= تستفيد العقل منهم والادب
حيث هم اهل المروة والنسب= واترك الانذال ما منهم حصيل
سل عن الجيران قدام النزول= وان سمعت الناس تهرج لاتقول
تكتسي ثوب المعزة والقبول= والخلايق يذكرونك بالجميـــــل
كم كلام راح في نقله نفوس= وانت ماتاخذ على نقله فلوس
لاتفتش كل حب فيه سوس= كم تخوض الناس في قال وقيل
صون عرضك من ملاغات السفيه= واترك الكذبان سودان الوجيه
من حكى عنهم يعود الكذب فيه= كيف تاخذ هرج من باير هبيل
اترك البيت الردي وانص الرجال= خذ عريب البيت من عم وخال
يوم تنظر في ولدها كالهلال= وان مشى بالدرب ما يغوى الدليل
خذ عزيز البز من زين القماش= والردي لو كان يعطونك بلاش
ما يفيدك كيف تاخذ شي ماش= بيعة المغبون منها يستقيــــل
دور الطيب لو وغال الثمن= لو يكون القصد في صنعا اليمن
لا تغرك صقلة الوجه الحسن= ابذل المجهود بالمال الجزيــــــل
الذهب ما يخلطونه بالنحاس= غير بعض الناس ما عنده قياس
خذ نصايح ما حواها بو نواس= مثل نظم الدر واللولو الأصيـل
وان ملكت المال لاتغدي شحوح= اطعم الجيعان واكسي كل روح
الدبش والمال لابده يروح= والثنا والمجد جيـل بعد جيـــل
هم روحك واغتنم عصر الشباب= ان للأيــــام مــــيل وانقـــلاب
ونت فيها تنطــوي طي الكتاب= لاتغرك صحة العمر الطويــل
اترك الدنيا ليا جاتك ضحوك= لا تغرك بالملاعب والشكــــوك
كم غرر فيهــا وكم غرت ملوك= ضحكها غرار ما اسرع ما تميل
والعدو لا تأمنه لو بعد حين=لو حلف بالبيت والركن اليميـــن
الحقد والبغض في قلبه دفين= وان ضحك بالوجه قلبه لك غليل
خل عنك الكبر فالله الكبير= لا تحــاقر عـاجز والا فقيـــــر
واعلم ان الأمر للــه الخبير= يقصم الجبـار ويعـز الذليـــــــل
|
السلام عليكم ورحمة الله وبركاته
عندي مخطوط للقصيدة ، وعليه ختم عام 1337 أو 1327
وعنوانها ( منظومة الهلابي )
وفيها أربعة أبيات زائدة على ما كتبت هنا
لكن مطلعها يختلف عن مطلع هذه
الله الله الله الله حسبنا = يا كريم ما تخالطه الظنون
يا من امره بين كاف له ونون = وانت لي في كل ما نغوى دليل
هيَّج اشواقي حمام في الغصون = بتّ ساجع في بديعات الفنون
بين ترجيع وتغريد يهون = ما درى اني بالهوى مثله عليل
يا حمام الشوق هيجه الغرام = ما سبب شوقك وما بك مرام
حاولت أرفق الصورة بس ما قدرت لأن جميع الخيارات غير متاحة في هذا المنتدى
بودي أن اسأل ما هي دلائل نسبة هذه القصيدة للشاعر رحمه الله ، هل أرفق صاحب الكتاب الذي نقلت منه أدلة على نسبة القصيدة للشاعر أم ماذا أورد
أخوكم
الغامدي
« آخـــر الـــمـــشـــاركــــات »
04-Apr-2006, 09:10 PM
العرض العادي
