جيباً جديداً ومضموناً من العيبي

[الموج]

بسم الله الرحمن الرحيم

هذه ابيات غزليه امل ان تحوز على رضاكم

قم يا نديبي على اللي تو ما جيبي = وارد بريمي جديداً تو بغباره
جيباً جديداً ومضموناً من العيبي = مادخله بالكراج يفك مسماره
في البايكه لين جاء وقت المطاليبي = من مصنعه مابعد دوج مع الحاره
عليه قرماً يحوفه كنه الذيبي = من ربعتاً فالقاء والهوش صباره
يسرح ويلفي على راع المواجيبي = تركي عن الواجبه ما قدم اعذاره
تلقاه في مجلساً به مبخر الطيبي = ودلال فيهن يفوح البن ببهاره
واليا تعشيت مع زين التراجيبي = عطه خطابي وخله يكشف اسراره
انا ذبحني هوى زين التعاجيبي = الصاحب اللي بقلبي ولعت ناره
ابو خديداً مثل برق الاساحيبي = والعين عين اشقراً في كف صقاره
ومثل الفناجيل شالت مقدم الجيبي = يحفيهن الثوب لامن زر بزراره
تمت وصلو عدد نبت الاداعيبي = على نبياً خلقه الله واختاره

وسلامتكم
الموج /ابوحاتم

[فواز الشيباني]

اخي الموج
صح السانك على القصيده الرائعه

الله يعطيك العافيه على الطرح المميز

[عيضه الثبيتي]

صح لسانك يالموج

وبيّض الله وجهك

بانتظار مشاركاتك

التوقيع

البارحه كان اللقاء مابينا كله حلو=احلا من السكر وكلّك يابعد عمري حلا!! من يوم ماقلتي ياروحي يابعد عمري:(الو)=وأنا بخير وعافيه قدام لا اقلّك :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131

[قاطع طريق]

قصيدة رائعة

صح لسانك

تقبل تحياتي

[فيصل المسعودي]

صح لسانك ياموج


رائعه


لك تحياتي ياغالي

[علي الثبيتي]

صح لسانك يالموج
قصيدة رائعه وابيض وجه

[ابـن نـعـيـس]

صح لسانك يالموج

وبيّض الله وجهك


تحيااااااااااااااااااااااااااااااااااااااااتي

التوقيع

[الموج]

فواز الشيباني صح بدنك وشكرا لك على مرورك ولاهنت

اطيب تحيه
الموج /ابو حاتم

[الموج]

عيضه الثبيتي صح بدنك ولاهنت على مرورك

اطيب تحيه الموج

[الموج]

الاخ قاطع طريق صح بدنك ولاهنت على مرورك
ولك اطيب تحيه
الموج