آل سعود نسبهم من بني حنيفة من وائل بن ربيعةوليس لعنزة

[منصور بن فهيد]

اخوي الحالم ياهلابك يالغالي ..
الدواسر هم ابناء زايد من قحطان ماعدا بعض القبائل التغلبيه والتي تحالفت مع الدواسر ومذكورين في الشجره اللي اوردتها وهم الحقبان والنتيفات والكبرى والغرره وغيرهم اغلبيتهم يقطنون المنطقه الشرقيه والبحرين ومعروفين في هذا الوقت بلقب الدوسري ..

ولديهم وثائق تثبت نسبهم للجميلات من تغلب و مضافين بالشجره اللي ادرجتها ..

تحياتي لك ..

التوقيع

man.9.our@hotmail.com

[الدكتور فهد]

ياجماعه حتى لو كانو من عنزه هل احدثو تفرقه او عنصريه ام حكموا بالاسلام الكتاب والسنه الجزيره العربيه تريد شخص يحكمها بالكتاب والسنه فقط لاغير ولا يهم من اى العرب ولكن مايريده الاخ الفاضل ولد وايل او ولد عباس هو من باب المفاخره وهي الامور لاتطري الا على الشخص اللذي يحس بالنقص في داخله اسألأ الله ان يصلح لك فيوزك ياولد ايوب

والسلام ختام

[الحالم]

هذه قصيدة الشاعر الامير خالد الفيصل

من رياض المجد لامجاد الكويت
=من ثبات العلـم للعلـم الثبـات

جيت أصافح بالتّهاني كـل بيـت
=للشّهيد الخلـد والحـي الحيـاه

فوق غيمة شوق من أبها مشيـت
=من نداها فزّت الصّحرا نبـات

سيّرتني نشوة الحـب وسريـت
=للكويت الّلي هويت أكتب غنـاة

في غناتي للشّرف صوت وصيت
=ومن غناتي يرفع الفارس حـداة

وللكرامة عرضة في كـل بيـت
=والسجايـا بالشهامـه نايفـات

ياالكويت الّلي على الباغي عصيت
=يوم بعض الرّبع ينسى المكرمات

يوم بان الغدر قلنـا لـه خسيـت
=كل شيطان رجمنـاه بحصـاه

دارت الدنيـا عليهـم واعتليـت
=وانهزم جيش النّفوس الخاينـات

يالفهد عند الوعد قلـت ووفيـت
=طاغيات الرّوس عادت صاغرات

مااختلفت ولاذخـرت ولاشكيـت
=شامخ مثل الجبـال الراسيـات

دلّـك الله يالسنافـي واهتـديـت
=والنّصر من عند رب الكاينـات

مايغـط الحـق رجـال بخيـت
=مانسينـا يالكويـت السابقـات

يوم عز بدارنـا حلـو المبيـت
=إستضفتونـا زمـان النّايبـات

لين ابو تركي ظهر من فوق هيت
=واصطفق من نجد لجبال السّراه

يرفع القرآن والسيـف الصليـت
=واسترد الحكم من عقب الفـوات

ياالصّباح وياالسعودي لى انتخيت
=عزوتك عناز راعي الطّايـلات

ويالامير الّلي على العليا نشيـت
=جابر العثرات محمود الصفـات

في بـلادك كـل تكريـم لقيـت
=والنشامى ماكتفـوا بالواجبـات

بالكويت أعطاني الشعر وعطيـت
=وبالكويت الشعر له طعم وحلاة

[الحاجب المنصور]

يالحالم ال سعود عنوز حلف وليس نسب وليس من حقك أن تجادل بأنهم من اعنزة بعد قول الأمير سلمان
فمن المعيب جداً ومن الغير معقول بان تناقشنا على اساس ان ال سعودعنوز

بأختصار ال سعود عنوزحلف وليس نسب وهذا اختصار حديث الامير سلمان اطال الله في عمرة

[الحالم]

ههههههههه
انت تتخبط لتبعدهم عن عنزه
وش فرق بين الحلف والنسب وكل قبيله فيها تحالف

وحنا قبل لانتحالف مع بعض ابناء عمومه يعني مافي فرق

وعلى فكره قبيله عنزه هي الوريثه الشرعيه لربيعه

وان تحالف قبائل بكر وتغلب وحنيفه مهو من يومين
التحالف كان من حرب ذي قار
يعني لاانت ولا مليار من اشكالك يقدرون يفرقون بين ابناء العمومه


وبعدين كل قبيله فيها تحالف


اثنان مطعون في نسبهم الفقير والملك
الفقير يستكثرون النسب الاصيل به والملك يقولون اشترا نسبه بماله


تم حذف اجزاء مخالفه من النص ..
والموضوع يهتم بآل سعود وقبيلة عنزه ..
منصور ..

[ابن وايل العنزي]

المشاركة الأصلية كتبت بواسطة منصور ابن فهيد

ياهلابك يالغالي والكلام اللي قاله الامير سلمان واقعي جدا على إعتبار بني حنيفه تحولت من قبيلة إلى اسر وعوائل متحظره بعض هذه الاسر تداخلت مع قبيلة عنزه وبعضها استقلت لوحدها واستقرت في ضواحي الرياض وماجاورها وهذه العوائل سماها الامير سلمان في خطابه ..

اضف إلى ذلك قرابة النسب بين بني حنيفه وعنزه على اعتبار انها قبائل ربعية وبالتالي لايوجد إختلاف بيني وبينك على هذه النقطه ..


ولاكن لدي سؤال واريدك ان تجيبني عليه ماهو نسب بني حنيفه وهل هي قبيلة عنزيه بالنسب !! ..

اذا اجبت بنعم فأنت بذلك قد نسبت بني حنيفه لعنزه وخالفت بذالك جميع كتب الأنساب ..

وإذا اجبت بلا فهذا هو الكلام المتعارف عليه بني حنيفه تداخلت وتحالفت مع قبيلة عنزه ..

تحياتي لك يالغالي ..

هلا بك مره ثانيه يالغالي وعذرا على الانقطاع.

أخي اذا حسبناها على كلامك فالبكريين بيقولون نفس الكلام وكذلك التغلبيين لكن الثابت والمعروف ان بكر وتغلب وحنيفه وغيرهم دخلوا
في عنزة والكل أبناء عمومه وهم أبناء ربيعه وأصبحوا شيئآ واحد ونخوه وحده وعزوه وحده والشرح يطول كيف وليش ولك كما أسلفت أن ترجع
وتقرأ التاريخ عن ربيعه وعن آل سعود والقصائد الكثيره اللتي تشير الى
عنزيتهم وليس لحنفيتهم وبعدين قبل فتره ماكان فيه حنيفه وكنا ندرس انهم من عنزة ولا انا غلطان والكل كان مصدق والامير سلمان لم يعترض
والكل لم يعترض ولا حتى الملك فهد وش معنى هالحين لسبب واحد
لاأستطيع الحديث عنه هنابالتفصيل ( طريقة مسك العصا من النص ).
وبعدين يالربع لاتخلون النقاش يطول ويتضايقون البعض ويمكن يتزاعلون
كل واحد مقتنع برايه وهو حر يصدق الكلام اللي يبيه وماحد مجبر أحد.

وأخيرا أكرر دعوتي السابقه لك لكي تعرف ربيعه وأبناءه وتداخلهم وحياك الله يالغالي.......

آخر تعديل ابن وايل العنزي يوم 05-May-2008 في 01:28 AM.

[الحاجب المنصور]

ههههههههه
انت تتخبط لتبعدهم عن عنزه
وش فرق بين الحلف والنسب وكل قبيله فيها تحالف

وحنا قبل لانتحالف مع بعض ابناء عمومه يعني مافي فرق

وعلى فكره قبيله عنزه هي الوريثه الشرعيه لربيعه

وان تحالف قبائل بكر وتغلب وحنيفه مهو من يومين
التحالف كان من حرب ذي قار
يعني لاانت ولا مليار من اشكالك يقدرون يفرقون بين ابناء العمومه


وبعدين كل قبيله فيها تحالف


اثنان مطعون في نسبهم الفقير والملك
الفقير يستكثرون النسب الاصيل به والملك يقولون اشترا نسبه بماله

قبل كل شي اتمنى انك بالغالي انك تفهم باني اعبر عن وجهة نظري في الموضوع وصدقني ما ابي افرق بينكم انتم ونعم فيكم اشهر من نار على علم وانتم يالعنوز مرفوعين الرآس سواء ال سعود منكم ولا لا
طال عمرك اذا نظرنا الموضوع من الزاوية اللي انت تنظر اليها ،وهو أن ال سعود عنوز على اساس أن قبائل ربيعة تحالفة تحت مسمى العنوز صدقني راح اوافقك على طول ومن دون اي تردد لاكن اذا كان هناك جد معين اسمه عناز واليه يتنسب العنوز فآل سعود بالتاكيد انهم عنوز حلف
طيب أنا راح اضربلك مثال يمكن من خلالها تتقارب وجهات النظر
قبيلة الأشراف تسمو ببني الحارث عام 1000هـ وذالك بسبب تحالفها مع قبيلة بني الحارث . . . .والى يومنا هذا يتسمون جزء من الاشراف ببني الحارث ومسكنهم في مكه وفي الخرمة بالأضافة الى التحالفات داخل قبيلة بني الحارث من قبائل الاشراف مثل قبيلة: العرابي

السؤال هو: هل يحق لقبيلة بني الحارث ان تتفاخر بامجاد الاشراف على أساس انهم منهم بالحلف؟
الجواب بالتأكيد لا ،لان قبيلة الاشراف ليسو من قبيلة بني الحارث بالنسب وانما بالحلف
وهذا اللي ابي اوصله لك ،وأن شاء الله انك ماتزعل مني يالغالي

وراح اتشرف بأني اكون ضيف في منتديات العنوز لأني عندي بعض الأسئلة ودي اطرحها
وشكــــــــــــــــــــــراً

[الحالم]

ياخوي العنوز سمو بعنزه
لان ابناء العمومه بكر وتغلب وحنيفه تعنزوا (اي تجمعوا )مع بعض في حرب ذي قار ضد الفرس

[الحالم]

الله يحييك اخوي بمنتديات عنزه الوايليه

[الرومي]

ياخوان كبرتو السالفة وهي واضحة .. ال سعود ليسو من عنزة بل من حنيفة ..وحنيفة هي اقرب قبيلة لعنزة من ناحية النسب يعني عنزة وحنيفة عيال عمومة ..

التوقيع

migeed33@hotmail.com