ضاقت عليه أربع بحورٍ طوالي

[نديم الحرف]

البـــارحة في القلب ضيق وتعازيف=يعلمبي المعبـــــــود رب الجلالي
أقفيت ودمـوعي على خـــدي مذاريف= يـاشين هذا الزمان وياضيق الأحوالي
النذل عند النـــاس تظهر لـــــــه مواقيف= يعجبك فعله وهو أردى الرجــــالي
لـو تفتش القلب كلـــــــه تــــــــــــــزاييف= مـــــايفعل الطيبة إلا لمقصد يقالي
الصقر يبدي عاليـــــــات المـــــــشـاريف=والبــــــــــــــــوم للبوم دايم مخاوي
الصقر لــــــــه فـــــعل وتصـــــــــــــاريف=مــــــايبدي إلا على راس عـــــالي
والله لولا الحيـــا وربــــعـــــــن موالـيف= لبين مـــــــــــافي القلب أول وتالي
من لايحل عـــــقــــــــــــدات معـــــاكيف= تلقاه عند ربــــعه مـــــــاله مجالي
واللي يسوي نفسه من أهـل المعاريف= يرقى بجســــــمه وبزوله يعـــــــالي
الله من جور الأيام وصعــب التصاريف= النـاس مـــــايتركون حـال وأحوالي
خلوا ضلــــوعي على قــلبي محـــاديف= أجر ونـــــــــــــــات الليــالي لحـــالي
اللى تعدى عاليـــــــــــــــــات المشاريف=يشوف نـــفسه من كبـــــار الرجالي
ياللي تخاوي النذل مالك غير التحاسيف=تذل نفــسك وتصبح عنالدرب غـاوي
ياللي يخـــــاوي النذل مــــــاله مــواقيف=يجـــــحد إذا اشتدت سـود الليــــالي
الطير مـاحام إلا على راس الشــواهيف= والدرب مـــــــــاياسع لكل الرجالي
العين تدمع واللـــيالي مــــــــــــــــواقيف= والدرب ممشـــــاه صعب وعـــالي
اللي بنى قصر بـــه علــــــــوم وسواليف= بــــاكر يموت ويصبح القصر خالي
واللي بصم بالخــــمس يقول التعــــاريف=ويشهد على نفسه حقوق وأفعـــالي
واللي صفق بالكف ودموعــــه مـذاريف= تصفق بكفك ولا تعـــــــد الليـــــالي
اللي مقّدر مــــــامـــــــــــنه تــــــصاريف= حتى ولو رحنا شـــرق وشمـــــالي
السيل لاسال ســـــــــــــــوى مجـــــاريف= والحق مـــــــــــازعل غير الانذالي
الفعل يــــاصاحبي غــــــــــــير السواليف= يبين فعلك مـــــــن كلام يقــــــالي
العــــاصفة هبت ومــــــــعها عواصــيف= واللي يروح مــــــــايجي له بدالي
الفكر......................................= ولاضاق صدري عديت في راس عـالي
سبحــان من قلبه تلاعب بها الشيف= معـــها ونيــن الـقــــلب جـرة لحالي
يــذرف دوع العـين بعلى المشاهيف = باللــــيل ونــــاته ســـمعـها الرجالي
اترك ونين القلب واردى المشاريف = والله هـــو يعـــطيك درب الــــنذالي
لا تــاخذه حـــتى بكــــثر السواليف =حــــتى ولـــو عــنده كنـوز الشمالي
لا تــــامنه ياللــــي فــعالك مواقيف = مـــن شـــان متـغرك قصورٍ خوالي
لا تـــصحبه حـــتى لصبابه الكيف =نعـــذرك يالــلي ما تخـاوى النذالي
النـــاس مــا توضح بدون المواقيف = ولاً حســـــبنا الـــناس شــــيٍ يقالي
اللي بغـــينا هـو كشاف المضاريف = بالـــوقت لا تـــامن وعــــود الليالي
النــاس مــا تـــوعد ومعها مخاليف = تخـــلف عليــــنا الناس شين الفعالي
والنـــاس مــا تاخذ حقوق المواليف = إلاً ليـــا صـــــاروا مثـــــل الـــنذالي
فكــرت بالـــحر عاليات الشواهيف = الطـــير اللــــي شــــامخٍ فـي العلالي
كنـــه علـى طيرة بهب العواصيف = بـــرقٍ إلى شــــق السماء في الجبالي
البــوم مـــا يلــــحق هداد المعاكيف = والـــحر يحـــام الجـو بوسط الخيالي
واللــي يعـــد البوم حسب المعاكيف = قلــــــه تـــــرى بـــاكر بـيدفن لحالي
والاّ الــنذل ما هو براعي المواقيف = للـــــيوم علــــمّـــناه لـــــبس العقالي
يرمــي ولا هو صــايبات المهاديف = واثــــر الــــهدف قــــــدام عينه ينالي
يااللي تعــــد النـاس ما من تصاديف = ياعنــــــك تلـــــقاهم مثـــــل الرمالي
هـــذا ردي الــحال طـــبعه مخاليف = وهــذا الـــنذل دومٍ يــــــخاوى النذالي
والاّ الـــرفيق اللي مثـــل المجاديف = دومٍ عــــلى ســـــاعدك شــيل الحمالي
واللي بكى ما هو من أهل المواليف = لنّــــه بـــــدنيا مــــا لهــــا خــير تالي
يبكـــي علـــى دنيــاه جر التعازيف = ضـــــاقت علـــيه أربـع بحورٍ طوالي
بحــر الخلــيج اللي هله المشاريف = والبحر الأحمر صوب غرب الشمالي
وبحــر العدن هم جالبين المعاكيف = والبحر الأوســـط ضاق عقب المجالي
هذي حـــوال اللـي حياته تحاسيف = حالـــه غــدت ما بـــين وطــيّ النعالي[/color]