الشاعر يقوم

[مشعل العبادي]

مساكم / صباحكم خير

سلام تال الليل ياشعار والشاعر يقوم = انا معي علم يفك الباب ويقص العظم
بعض الدعاوي يازملانا مالها حق معلوم = والبال مايشقى بحاجة مستحيلة من عدم

[محمد علي الشريف]

صح لسانك يالعبادي ولاهنت
وصح لسان قبيلك مقدما

[محمد@الجعيد]

يامرحبا ترحيبتن فالازم تسد اللزوم=مثل الحسام بلمعته واسرع من اطلاق السهم
الرجل لامنه مشاء حسب السواير والسلوم=يكسب من كبار العقول فدنيته كلمة نعم

[مشعل العبادي]

صح بدنك يالشريـــف .. ومرورك تشريـــــــف يا شاعر

[مشعل العبادي]

ابقاكم الله يارياجيل المعزة والعزوم = والصفحة البيضا مجالٍ للهجوس وللقلم
الجدي وسهيل اليماني غير عن باق النجوم = علم بها اللي مادرى بالفرق يامال الشحم

[مخلد منصورالثبيتي]

مشعل العبادي
محمدالجعيد
صحت الالسن متابعين

[محمد@الجعيد]

اكتب على صفحتك مافي خاطرك واخذ الختوم=والليل ياذيبان لايسري وسج ابه القدم
وترى الجمال موسمه مار الحمير بلا وسوم=ياطيب قايلها وانا مابا اخذف اطيور الحرم

[محمد@الجعيد]

صح بدنك يابو منصور ومتابعتك شرف لي طال عمرك

[مشعل العبادي]

ليت المجالس يالعتيبي تنفي عيال الرخوم = اللي تحذف التمر بالعاني وتزتم العجم
حنا نعرف المشكلة والعلم جا سده علوم = مار الله اكبر والبقا للدين رفرف يا علم

وختامها عندك .. وصح لسانك يا محمد الجعيد
شاعر مافيك شك ويستفاد منك ..

والجايات اكثر بإذن الله

[ناصرالجذع]

صحت الالسن شعراء مبدعين