اخوان نوره والشريف تشهد لتاريخ عتيبه

[حمدان العضياني]

هذه القصيده قلتها في حفل ابن عم الاخ العزيز نبيه السريح وقبيلة السراحين
في مدينة الطايف

سلام ياقومن يقودون السرب قــــــــــــــــــــــــود العسيف

يوم القوي يستخدم القوه وتخشاه الضـــــــــــــــــــــــعوف

والله مانذكرفي بني سرحان لاش ولاضــــــــــــــــــعيف

يشهدعلى ماقوله الله والبــــــــــــــــــــــــــنادق والسيوف

وحكام نجد اخوان نوره والضــــــــــــــــــياغم والشريف

والشيخ ابن لبده وابن هادي وشـــــــــــــــــيخان القروف

وسليم ومطيروقــــــــــبـــــــــــــايل حرب وهذيل وثقيف

تشهد على قولي وتاريخ الـــــــــســـــــــراحين معروف

غيرالشـــــــــــجــــــــــاعه عزة الانفس وتقديرالحفيف

وابسط كرامتهم ظهور الحشو وعصـــــــوب الخروف

والبن الاشقرتدهر صبـــــــــــــــــــــابته قدم المضيف

والعود الازرق غاطن الديره مثل بيض القـــــــــنوف

وبشاشة الخاطروبسط احـــــــــــــجاج واسلوبن لطيف

في وجه عانيهم وفوجيه الرفاقه والضــــــــــــــيوف

وسطاوة المنطق وعنف الراي فاليوم العــــــــــنيف

لادقت الهيجا ولاتطري على الدنيا الحـــــــــــسوف

ايو الله امدحهم واحس اني مقصرمهما اضــــــــيف

لو البحرحبرالقلم والارض صفــــــــحات الحروف

وحقوقهم فرضن على مثلي لــــــــو الموقف كليف

وانا لياجا واجب الروقه تحديت الظـــــــــــــروف

لعيونهم سريتها من ديرتن شـــــــــــــــرقي عفيف

الوازعيه ديرة ابن حويد معدوم الوصـــــــــــوف

اربع دقايق مشيتي من ظلم لابواب العـــــــطيف

اسابق اخطايه مثل ذيبن على الركض مـــهروف

حشمة نبيه الهاورى صـــــدري مرابيع وخريف

وقلبن يحاضــــــــيها ويمن جالها عن كل خوف

والله لاجيه ليادعاني لورى ساحل جـــــــــــنيف

في وقفته يلقى على جنبه مداغيشن وقــــــــوف

لانه رجل وافي وله وكرن على راس المـــنيف

وشاعرفحل يملك ثقة قاضي وحنكة فيلــــسوف

وآخرماقوله يابني عمي مقدين الكفـــــــــــــيف

وملحفين الجايع البردان وستارالهــــــــــــنوف

انا هنا في ذمتي راعي محل ماني بضـــــــيف

واشوف ربعي فوق هام السحب والعالم تشوف


وسلامتكم

[ناصرالجذع]

ياسلام ياحمدان صح لسانك قصيده جزله وشاعر جزل

[قيس العازمي]

صح لسانك ياحمدان



قصيده وافيه وفي من يستحقها



لكن اربع دقايق من ظلم اليا العطيف



والله لو انك على طياره هههههه




تقبل مروري

[عايض جزاء العصيمي]

صح لساااااااااااااااااااااااانك

تحياتي

[حمدان العضياني]

الجزل مررورك يالجذع تسلم وطال عمرك