قصيدة سوريا الشاعر خالد سعد العتيبي

[يوسف الكرشمي]

(قصيدة سوريا)
قلبي تقطع كن وسطه سكاكين
والطعن زاد وزودوا في طعونه
يبكي على شام العرب يالعريبين
دمن نزف لشام وأنتم ترونه
اليا متى وأنتم سوات المساجين
والحر تطلق ياجامعه سجونه
واليا متى وأنتم مع الغرب ماشين
الغرب يفعل فعل ما تفعلونه
واليا بغينا العز فالعز بالدين
والدين عزن للذي ينصرونه
قد قالها الفاروق من عدة سنين
علمن صحيحن ليتكم تنهجونه
بشار يذبح فالضعوف المساكين
فعله وخبثه كلكم تنضرونه
كلبن يعين الفرس والفرس طاغين
عون اليهود وحدهم يرخصونه
سلط عليهم يانصير الضعفين
يالله ياجعله يذوق المهونه
قالوا طبيب عيون والناس دارين
قلنا طبيب عيون تعمى عيونه
ثوار للعزه سوات الشياهين
والسيف فرقبته يفصل متونه
ناخذ بثار كبار وأصغار باقين
مامت منهوا للشهاده ضنونه
قواكم الله ضد كل المعادين
والشعب بإذن الله بتحررونه
ياسعود يالفيصل على ويش ناوين
حوض المنايا لازمن تاردونه
حنا جنودن للوطن يالسلاطين
أمرن منفذ كل ما تطلبونه
يالله وحد صف كل الملايين
عقب التفرق صلحهم يعقدونه
ياعرب ياللي فالمساجد مصلين
أدعوا عليه بدعوتن تسقطونه
يبى يزول الليل يالروس والصين
والصبح يشرق بالعدل والمعونه

الشاعر:خالد سعد الكرشمي العتيبي

آخر تعديل يوسف الكرشمي يوم 19-Apr-2012 في 07:41 PM.

[عايض جزاء العصيمي]

صح لساااااااااااااانه

ولاهنت يايوسف على النقل

تقبل مروري

[مشاري الحزيمي]

صح لسان الكرشمي

[يوسف الكرشمي]

مشكورين على المرور
وسلمكم الله من كل شر

المقطع انحذف من اليوتيب
وهذا الرابط الجديد

[محمد الذيابـــي]

..



الله ينصر الاسلام والمسلمين.


لا هنت يالغالي..

......

التوقيع

التوقيع محمد الذيابـــي

[راشد النفيعي]

الله يعجل بنصرهم اللهم فرج كربهم

[سرور السريح العتيبي]

الله ينصرهم على الطاغية
لاهنت اخوي يوسف وصح السان اخوي خالد سعد

[مضيم العاطفي]

صح لساااانه واعتلى شااااانه
الله ينصر الاسلام والمسلمين
لاهنت يايوسف وبيض الله وجهك