من اروع ماقريت فالنت ادخل اونت الحكم

[‏ミ♡彡 العميد ミ♡彡]

محاوره مراثونيه هائله جرت بين جبلين
جبل من عتابه الهيلا ياليت اعرف اسمه
وجبل من مطار حمران النواظر ياليت اعرف اسمه
جرت في منتدى قبيلة مطير
المحاوره و انا مانيب شاعر اشوف انها من اجمل المحاورات
واطولها والشي الجميل فيها بدأت بقوه وانتهت باقوى
وتعددت فصولها
كذلك خلت من مداخلات الجمهور اللي دايم تعكر صفو مثل هالمحاورات
واللي ينتج عنها مردود سلبي على نفسية الشعراء
كذلك لفت نظري تركيز شعارها على الشعر فقط رغم القوّه والعنف
فلم ارى اي تعليق خارج نطاق المحاوره الا مجرد ايضاح مره او مرتين
كانت سعة الصدر علامه مميزه عند الشعراء والمشرفين في هالقاء
ياليت الاخ مرزوق العتيبي وزملاءه المشرفين يتركون المحاوره هنا
ولا ينقلونها لقسم ثاني من اجل هنا اكثر جمهور وفرصه اقوى للاطلاع.

ابوهلا

مرحبا بالشاعر اللي غرّته سود الليالي = يحسب أنه مثل ابن شدّاد عنتر في زمانه
لن نزل بطن الشعيب ولن رقى روس الجبالي = خابرينه مع صحاصيح الخلا يسرج حصانه

النايف العالي

والبقا بك يالمرحب قلتها من هيض بالي = الله انه يجعل اللي شايف ٍ نفسه تكانه
وابك انا راع الشداد ولا مجال الا مجالي = وان رفعت الصوت اعصرك مثل عصر البرتقانه

ابوهلا

لا وردنا ما وردنا البير بقصار الحبالي = نحسبّنك لا أمّنتك القوم تحفظ للأمانه
خابرينك يالقعود اللي على درب الجمالي = من قديم الوقت يأهل المعرفه هافي مكانه

النايف العالي

انت توّك ماعرفت اللي معك يبن الحلالي = لاتحسب ان المعاني لعبها يالي لدانه
القعود اللي يسوقك للجنوب وللشمالي = حاول انك ماتعامل معه باسلوب اللعانه

ابوهلا

ذوق طعم المر لكن لا تقول المر حالي = ياشجيعن عند ربعك لا بسن ثوب الجبانه
كم واحد هقوته فوق الثريا والهلالي = مير لاجيته لويته مثل لوي الخيزرانه

النايف العالي

اترفع يالملوع عن كلام ٍ مايقالي = والحشيمه للرجال اهل المعرفه والفطانه
والله اني لن نويتك لسفطك سفط الريالي = وادخلك في وسط جيبي واظههرك من دون خانه

ابوهلا

ترتفع والا تحوّل عاقلينك بالعقالي = أنت رجلن مع رجال العرف مقطوعن لسانه
ياوسيع الجيب ياويش الحرام أمن الحلالي = من مشى درب الأهانه مالقى غير الأهانه

النايف العالي

مع رجال العرف لي ميقاف وعلوم ٍ جزالي = يوم بعض الناس ماعنده على نفسه حصانه
جابه الله فوق راسه هالولد والعقل خالي = والله اني عاذره مادام ماعانه زمانه

ابوهلا

أشهد أنك مع رجال العرف مالك راس مالي = رحت روحه يالعتيبي مثل دودي مع ديانه
أنتكس حظّك وضيّعت القصار من الطوالي = اعتبرها درس مختومن على الجوده ضمانه

النايف العالي

اشهد انك منت لي ند ويخوفك الظلالي = يوم لاشفت العتيبي صرت مثل الجبخانه
حظنا من فضل ربي من علالي في علالي = وانت مثل الهندي الهندوس ماعنده ديانه

ابوهلا

مع عتيبه يالعتيبي ويش بس اللي غدالي = أنت مثل اللي عريض الخد وأطوالن أذانه
عقب هذي ياوليد الناس فالك غير فالي = وأخسارة درسي اللي فيك ماشفنا بيانه

النايف العالي

ياحليل ابو هلا واقّف على الجرف الهيالي = ان سكت ليته تكلم وان تكلم طرطعانه
ودك انك فوق خدينه توطا بالنعالي = لين يترك منهج الا نــذال ودروب الشطانه

ابوهلا

فيك شكّه فيك ريبه من عمامك للخوالي = أنت في عيني غبي لو كان ودّك بالذهانه
نعلتّك ترجع على وجهك ولا فيها جدالي = مير أخوك اللي نقوله ياولد خلّك وزانه

النايف العالي

منت راع الاوله ياللي نصيبك فالتوالي = والكلام التافه احسن رد فالشعر احقرانه
استميح العذر يا اهل المعرفه والهرج طالي = وابتلشت بواحد ٍ عقله سوات القرقعانه

ابوهلا

من ثلاث أيام شفت البرق يبرق فالخيالي = احسبنّه يروي العطشان من لمْع أكشفانه
منت أبن غانم ذياب ولا أنت ابو زيد الهلالي = أجودين لا أحتمى الميقاف فلى عند ضانه

النايف العالي

من ثلاث ايام جيت البيت شفت البيت خالي = غير من شخص من الضربات زاد ابه احتقانه
وانت ويش انته مادام انك تبا تاقف قبالي = اجوديّ ٍ لاخمشتك في يدي مثل السمانه

ابوهلا

بيتنا فيه الرجال اللي يعزون الرجالي = والردي مهما تعلى فالزمن مسْرع طمانه
واحليل النايف العالي ما مثله بالعيالي = كل ماقلتله علمن فالضمير العلم صانه

النايف العالي

الكماله للرجال اللي يحبون الكمالي = والضعافه للضعيف اللي فشى فيه اضعفانه
ياحليلك طاب ليلك وانتبه لي ياحلالي = قبلك اللي من سبايب ضربنا زاد اهذيانه

ابوهلا

الكماله لله المعبود يامال الزوالي = والضعافه في عتيبه ماخذن عشر وثمانه
المطيري يالعتيبي من زمن صاليك صالي= مير لا ترجي من العتبان فالوقت أستعانه

النايف العالي

العتيبي فالشكاله صاير ٍ صاحب معالي = والمطيري فالنجاسه صاير ٍ كله بدانه
والله انك ماتقابلنا ليا اشتد القتالي = الدلايل ثابته والكذب معك إله اسطوانه

ابوهلا

كيف رغت وكيف حصْت وكيف هملّت الدلالي = الذنابه فالعتيبي خذْ نصيبه من خوانه
كيف أقابل لي نعامن روسها وسط الرمالي = مير والله ما غوينا في فلان أبن فلانه

النايف العالي

والله انك ماهرجت الصدق ياشين الفعالي = انشد اهل المرجله والطيب واصحاب الرزانه
طبعكم طبع اليهود وشكلكم شكل السحالي = والردى مع دمكم وسط الشرايين اجريانه

ابوهلا

العلوم مثبّته لكن خل الأحتيالي =يوم كلن له مراجل مرجلتكم بالخيانه
طبعكم في وسط مكّه لاصحيح ولا خيالي = ذيبكم تحت الثرى ياأصحابنا جر أعويانه

النايف العالي

وابك حنا اللي حمينا الدار بحدود السلالي = والبلوس اللي سواتك جيت ابا احطم كيانه
انت تذكر كيف وضعك بالسنين اللي خوالي =الخيانه شردتك مع الدويش وهيملانه

ابوهلا

تسرقون الدار في تال الزمن ياهملالي = والكلام اللي نقوله مايبيله ترجمانه
شربكم عد الهماج وشربنا عد الزلالي = والدويش انته وربعك فوقكم صاطي سنانه

النايف العالي

ياكثر هرج الغليم مايجوز من الجدالي = صاير ٍ عنده عمى مع صحته ماهيب زانه
الدويش اصبح من العتبان مقطوع الوصالي =واعد العربان للميقاف واخلف بوعدانه

[مرزوق حمدان العتيبي]

...
.

نعم الاختيار يالعميد ... فعلا محاوره ملفته
وجزله كما تفضلت ... والابداع ليس غريب من اهله
... صح لسان العتيبي والمطيري .. وبيض الله وجيههم
...

وانت سلمت والله يعطيك العافيه على ذائقتك الفذه ...
..
اما طلبك ببقاء المحاوره في قسم محاورة الاعضاء..
ودنا نلبي طلبك..
..
ولكن كما تعلم هذا القسم لمشاركات الاعضاء فقط
وهذه المحاوره لشعراء من خارج المنتدى .. لذلك بقاءها يعتبر
مخالفه ... ويعذر المشرف اللي نقلها الى هنا ....
والمتبعين هنا وهناك فيهم بركه ...
اتمنى ان تتفهم السبب والله يحفظك وننتظر جديدك
فلا تتاخر ..
..
......

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[نايف الثبيتي الروقي]

الله الله ابدعو الشاعرين


ابـــــــــــــ هـــلا ـــــــــــــــــــــو المطيري


والشاعر


النــــــــــــــــــــــــايــــــــــــــــــــف الـــــعالــــــــــي

[لافيزي]

العميـــــد مشكور على حسن الأختيار والنقل محاورة جامدة

[علي فلاح العضياني]

الله الله

بيض الله وجهك على النقل يالغالي


وفعلا من اجمل ما قرات انا ايضا

التوقيع

(( رأس الحكمه مخافة الله ))

[‏ミ♡彡 العميد ミ♡彡]

اشكر تواجدكم بقوه والهدف تقديم مايحوز على رضاكم.

[الحروب مرعبين القلوب]

محاورة نــــار
وفعلا ارتوينــا شعر
من شعراء المحاورة المذكورين

[سهم جده]

مشكور والله يسلمك من كل شر يلعميد


والله محاوره ممتعه جدا وأفضل محاوره أقراها

[دريد ابن الصمة]

بيض الله وجهك يالعميد ..


فعلاً محااوره ناادره وجميله جدااا ..


صح لسان الشاعرين ولا هنت على النقل ..

[آلاد مشيب]

في رايي الشخصي .. ان المحاورة .. نزلت عن حدود المعقول ..



كل شاعر .. يسب الثاني .. ولااقتصرت على ذلك بل وصلت الى القبيلة ..







الاد مشيب