محاورة العمالقه شليويح بن شلاح ومطلق رحمهم الله

[صاهود]

كيف حالكم اخواني الكرام

هذي محاوره بين مطلق الثبيتي وشيلويح من شلاح المطيري رحمهم الله


قال مطلق الثبيتي
سلام الله على من جابنا ذكره ومرسوله
عدد نو المزون اللي لها نوٍ ورعادي
شليويح المطيري يوم شفته غزّني زوله
وأثره الشجرة اللي عرقها سابح مع الوادي

شليويح بن شلاح:
هلا يامرحبا ترحيب نبدي فيه ونقوله
نيابة عن مطير الحاظره و آلاد عبادي
شليويح المطيري ماشيٍ فالدرب بنعوله
ولا احط القدم حافي لعل الدرب ينقادي

مطلق الثبيتي
الا يازينها لو تصبح البيبان مقفوله
وتمسي يالمطيري من ورا البصره وبغدادي
ياراعي الشله اللي عن عيال الخير معزوله
بعد سويتها فينا يبي لك حرب وجهادي

شلويح بن شلاح:
عرفت الغازكم والغازكم من عصر محلوله
كلامك فالمسجل لاتشغل موجة الرادي
انا لي شلةٍ في دربها ماهي بمشلوله
بعدها يالثبيتي لاتحرك كورة النادي

مطلق الثبيتي:
ابربي حراميٍ يشيل التمر بحثوله
نما من عادته مايسرق الا تمر الاجواد
ابوكم ماتسنع وامكم قشرى ومهبوله
يا ميزتها من قشرها ماعاد تزدادي

شليويح بن شلاح:
علام الحضرمي قدام جيرانه كف فوله
يعقّب دلته ويجيب للضيفان برادي
انأ أمي صاحيه وأمك من الأيام مشغوله
ولاتسمع كلام أمك نهار تصيح وتنادي

مطلق الثبيتي:
زعل راعي الونيت وضاع له عشرين صاموله
يوم انه زعل واليا الفرامل سلكها غادي
حبال الخير بين الناس ممدوده وموصوله
ولاتقدر تغيرها ليا شفت القمر بادي

شليويح بن شلاح:
أقص الجره اللي من زمان العام مدهوله
واثر طبع الحرامي يختلف عن طبع الاجوادي
انا خابرك تثني كان نار الحرب مشعوله
لكن اليوم عان القوم لك في كل مرصادي

مطلق الثبيتي:
رموشك يالمطيري من دموع العام مبلوله
نبا نشبعك في شعبان ونجمدك في جمادي
ليا شفنا الغناوي كل يوم يقل محصوله
قطعنا عنه نسناس الهوى والشرب والزادي

شليويح بن شلاح:
ليا حمرت عينك عندنا بالكحل مكحوله
وانا بشب ناري كان شفت القدر ماجادي
انا ماني بشعره من عجينة خبل منسوله
انا دكتورها حتى نداوي كل الاكبادي

مطلق الثبيتي:
الا ياموترٍ حطوا له الشاصين مدبوله
لكنه لامشى في الدرب من ممشاه متحادي
انا اعرف القلوب اللي من الأوهام مدخول
أجيب إلها الدواء مير الدواء والطب مافادي

شليويح بن شلاح:
انا بنشدك عن هاك الونيت أصحيح منهوله
بعد ماحوّل السواق ركبه غض الانهادي
وانا ماني بماشي غير مع سكه ومدهوله
لكنك قص دربك يالعتيبي وانصح الغادي

مطلق الثبيتي:
شليويح المطيري مدوخ العربان بطبوله
وياليته مع الغزي وجنب عزيز البادي
لكنه يطوف ويستعي فالشعب وجيادي
والا يازين زول الشيخ والذرعان مفتوله

شليويح بن شلاح:
تغيّر صاحبي يوم السواري وقعت حوله
سلامه يالثبيتي وابشر انك واصل المادي
ليا زعل الثبيتي من زمان العام قولوا له
نبا نكسيه من سوق الرجال ثيابٍ جدادي

[صاهود]

عاد لاتجاملوني فاختياري كانه اختيار موفق قولوا رايكم وكان الاختيار عادي نعوضكم ابغيرها

[عبدالله المطرفي الهذلي]

بيض الله وجهك محاورة قوية رحم الله الثبيتي ويطيل في عمر بن شلاح .

ياذيب عروا أمسح بعض الرسائل الخاصه اللي عندك خلنا نقدر نرسلك .

[ابوتيجان]

مطلق الثبيتي:

ابوكم ماتسنع وامكم قشرى ومهبوله =ليا ميزتها من قشرها ماعاد تزدادي

الله يرحم مطلق ويرحم ابوكم ويحفظ امكم ياذيب عروا ويطول عمر شليويح

هذا هو الشعر الحقيقي فتل ونقض على معنى

[العفريت]

ياذيب عروا

ليتك تجيبها فديو


ولك الشكر اولا واخيرا

[مشاري الحبردي]

لاهنت يا راع الموضوع

[فهااد]

انت ذيب على اسمك ياذيب عروى

واختيارك موفق على كل حال وياليت تنزل هذه المحاوره

مسموعه او مرئيه اذا امكن


ورحم الله شاعر عتيبه مطلق الثبيتي

[وافي الخماش]

ذيب عروا ..


سلمت يمينك ..

وفيه بعض الاخطاء الاملائية ..

[ابو فايح]

اختيار موفق يا الذيب

ولكن متى كانت هذه المحاوره قبل حرب الخليج او بعده

التوقيع

عالم تويتر abofayeh@

[صاهود]

المشاركة الأصلية كتبت بواسطة ابو فايح

اختيار موفق يا الذيب

ولكن متى كانت هذه المحاوره قبل حرب الخليج او بعده

والله مدري يابوفايح كنت اسير فالعراق ههههههههههه واي شي قبل الغزو انمسح مذكره

لكن فيه بيت فالمحاوره يوحي انه بعد حرب الخليج