 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
23-Oct-2007, 09:07 PM
|
رقم المشاركة : 1 | |||||
|
انتقاد لقصيدة ملفي المورقي اللي على قناة الساحة
السلام عليكم ورحمة الله كل مزاين وانتم بخير ولو ان شكله راح يكون اخر مزاين ههههههه كلكم تعرفون قصيدة الشاعر ملفي المورقي اللي يعيدونها كل شوي على قناة الساحة اللي يقول في احد ابياتها .... (مرباعنا عرعر وأبا القور ويمين) طبعا معروف ان عرعر من ديار عنوز الشمال قالي احد الزملاء من قبيلة عنزة ان هذا تجني على العنوز ورد بهذي القصيدة.......... البارحه جاني من الشعر بيتين ** فيها معاني زايداتن شويه يقولها ملفي بوسط المزايين ** بمزاين العتبان صبح وعشيه (مرباعنا عرعر وأبا القور ويمين)** يالمورقي جنب تراها خطيه هذيك ديرة مرعبين السلاطين ** اديار وايل ياعساها نديُه كل قوم قيل الا اعنزه ياحمرالعين** خيالها بسيفه يساوي سريه حامين عرض ديارنا بالميادين ** بسيوف ورماح تزارق خفيه ياكم خذينا من حلال المعادين **وياكم جدعنا الروس في كل هيه فريس والله مانهاب الشياطين ** وقت الملاقى بعزوة وايليه عتادنا بالحرب مهره وثنتين ** والدحه اللي فكت المنذريه والله لوتبصر فعال المسمين ** ماكان تخطي فالقصيده هذيه ودي اشوف ردودكم على هالكلام وهل في مبرر ان ملفي يقول هالكلام وهل الكلام هذا يعتبر تجني على قبيلة عنزه. |
|||||
|
|
|
|
|
|
|
|
|
|
23-Oct-2007, 09:43 PM
|
رقم المشاركة : 2 | |||||
|
يعلم الله اني ضحكت من العنزي .... من حقه ديرته عرعر .....
بس ملفي ما أخطى ياخي لاجى الحياء (الله يحييه) درهمت عطية الله لو انه في العراق .... ويمكن تذكرون قبل 20سنه وين ربَعنا ....في العراق يوم كان العلاقات بين السعودية والعراق طيبه ...واذكر كان الدخول بدون جوازات .. سلمني على العنزي وقله صحيح انك شاعر بس تخم المراجل ولا تدري من وين ... شاكر لك ... |
|||||
|
|
|
|
|
|
|
|
|
|
|
23-Oct-2007, 09:45 PM
|
رقم المشاركة : 3 | |||||
|
لا أشك ان ملفي يتكلم عن الوقت الحاضر
عتيبه وغيرها من القبايل النجديه تتبع المرباع شمالاًالى حدود العراق كل عام. ولا ضير في ذلك.... طالما ان الجميع سعوديون تحت راية لاإله الا الله محمد رسول الله. هذا والله أعلم عن ماعناه ملفي. |
|||||
|
|
|
|
|
|
|
|
|
|
|
23-Oct-2007, 10:02 PM
|
رقم المشاركة : 4 | |||||
|
المقصود واضح اننا نربع في ابعد الاماكن ولكن ليه خصص المورقي عرعر وابالقور ويمين يعنى ما فيه مرباع ابعد من عرعر ....؟ امل من الاخوان عدم التحامل على الشاعر العنزي ونكن له التقدير والاحترام ونتعامل معه بموضعيه حتى نعكس ثقافت اهل الهيلا الشكر |
|||||
|
|
|
|
|
|
|
|
|
|
|
23-Oct-2007, 10:10 PM
|
رقم المشاركة : 5 | ||||||
|
اقتباس:
ولعلمك السنين الماضيات اكثر المرابيع من عرعر ويمين |
||||||
|
|
|
|
|
|
|
|
|
|
|
24-Oct-2007, 12:00 AM
|
رقم المشاركة : 6 | |||||
|
السلام عليكم ورحمة الله وبركاته يا أخوان انا كاتب القصيده بالحقيقه لاحظت بعض الردود التي لاترتقي لمستوى قبيلة عتيبه العريقه اخواني الشاعر ملفي المورقي قال (مرباعنا عرعر وأبالقور ويمين)وهذي معروف انها ديار قبيلتي عنزه طيب اذا جينا نفكر بالقصيده هناك احتمالان الاول ان الشاعر يقصد ان أبل عتيبه تربع في قديم الزمان في هذه الديار وهذا غير صحيح عتيبه في نجد والحجاز. الثاني انه يقصد في الوقت الحاضر وهو وراد لكن ليته ذكر منطقه هنا ومنطقه هناك ليه خصص اهم مناطق عنزه !!! فيه مناطق أفضل من عرعر وأبالقور بالرعي الصمان وهو أشهر المراعي بالمملكه وعندك الشمال كله من دون تحديد فيه عدة قبايل غير عنزه و عتيبه أبلها تربع بالمناطق هذي وغيرها وتعرفون غلطة الشاعر بــ عشره ابي اوضح لكم شوي لو يجي شاعر عنزي ويقول قصيده ويذكر فيها مرباعنا مثلا وادي عصيل وعفيف ماراح تتحسسون من الموضوع شوي؟ او تستغربون ليه حدد المنطقتين هذولا بالذات عن غيرهم من المناطق المشهوره والمعروفه فيه واحد من الردود قال مالقى يجي مع القافيه الا عرعر وأبالقور وانا اقول للأخ ماهو الشاعر ملفي المورقي اللي تجبره القافيه ملفي هو اللي يجبرها وابو وافي شاعر معروف ومشهور وهذا اللي خلاني أعتب عليه أشكر الأخ مدون على اسلوبه الراقي اللذي فعلا يمثل قبيلة عتيبه هذه القبيله العزيزه على قلبي ويامرحبا بكم أهل أوخوان واعذروني عن التقصير إن وجد وماسلجت في المنتدى الا بطلب من اخي وصديقي المتفنن لتوضيح للأخوه والسلام عليكم ورحمة الله وبركاته |
|||||
|
|
|
|
|
|
|
|
|
|
|
24-Oct-2007, 10:20 AM
|
رقم المشاركة : 7 | |||||
|
اخي مدون
اهلن وسهلن بالعكس انا ماني شاد بالموضوع انا مرخي للآخر وملفي شاعر كبير ومعروف بس اني حبيت استفهم واستوضح وش يقصد وردي فوق فيه بعض الملاحظات أتمنى ان يتم النقاش بشكل ودي وهادئ ولاداعي للبلبله والمبلبلين ولاتحسبون اني شايل بقلبي شي لاوالله بس زي ماقلت مجرد استفسار واذا الموضوع تغير مجراه انا اعتذر عن الاستمرار في المناقشه عبدالله العنزي آخر تعديل قـاصد خير يوم 24-Oct-2007 في 10:24 AM.
|
|||||
|
|
|
|
|
|
|
|
|
|
|
24-Oct-2007, 01:53 PM
|
رقم المشاركة : 8 | ||||||
|
اقتباس:
يقول ابن رشيد ما تلحق الشكات الى الرديين ولا ترا الطيب وسيعن بطانه ونا ما اعدك الا من الطيبين وانت اعتقد لك الشرف ان عتيبه تربع في ارضكم وانا لو ديرتي فيها ربيع افرح بللي يلفونها طال عمرك والشكات ما لها داعي وحياك الله في المنتدى مره ثانيه |
||||||
|
|
|
|
|
|
|
|
|
|
|
24-Oct-2007, 03:54 PM
|
رقم المشاركة : 9 | |||||
|
مساكم الله بالخير جميعا يا اخوان انا كاتب الموضوع الاصلي وانا اللي اشرت على صديقي عبدالله العنزي ( قاصد الخير ) اني اطرح الموضوع في هالمنتدى لانه قاللي عن انتقاده للقصيده واقنعني بانتقاده فا قلت اطرح الموضوع في هالمنتدى لعلنى نجد من يعطينا الجواب الشافي او يرد رد مقنع يقنع الاخ قاصد الخير والاخوان اللي شاركونا فالموضوع بيض الله وجيههم كلهم على الهقاوي وما قصرو ما عادى بعض الاخوان هداهم الله تجاوز في رده بعض الشي ....... وبالنسبة للاخ ( الصف واحد) الله يسامحك على الكلام اللي قلته ودام انك تقول ان الشاعر ملفي قصده واضح من القصيده يمكن اتضح لك لانك ااعلم منا فالشعر ممكن اذا تكرمت توضحلنا المعنى ......... يعلم الله يا اخوان اني ما كتبت هالموضوع الا من باب ازالة الشكوك والحساسيات اللي قد تحصل بسبب هالكلام........... أخوكم عبدالعزيز العصيمي |
|||||
|
|
|
|
|
|
|
|
|
|
|
25-Oct-2007, 10:44 PM
|
رقم المشاركة : 10 | |||||
|
السلام عليكم ورحمة الله وبركاته
انا محمد بن غلاب المقاطي انا والوالد معنا ذود من البل ولنا اكثر من سبع سنوات وحنا نربع في عرعر وابا القور ويوجد فيها ابل كثيره للعنوز والروله وكثير من القبايل لكن في السنوات الاخيره اكثر ملاك واصحاب الابل من قبيلة عتيبه وكثير مورقيه ابلهم موجوده في تلك المناطق ومن ضمنهم الشاعر ملفي المورقي كانت ابله هناكـ....وهي بالفعل تعتبر من ديار عنزه وماحصلنا منهم الا كل خير وعلم غانم وبيض الله وجيههم ...وحنا بنجد عندنا مراعي كثيره وكبيره لكن بالفعل حلال عتيبه كثير وحنا ماارحنا لهالمناطق الا بعد عن الزحام وكثرة الرعيه وانا عتيبي مواليد الشمال وعايش بالشمال ,,,واعرف عنزه وقبايل الشمال كثـــــــــــــر ما اعرف ربعي صدورهم وسيـــــــــــعه وماتضيق فمان الله //_ |
|||||
|
|
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
