هنــــــــــــــــــــا تنطلق المحاورة المباشــرة لهذه الليلة

[محمد البلوي]

صحت السنتكم
ويعطيكم العافيه ماقصرتوا
تصبحون على خير

[ابو فايح]

هههههههههه


تابعت من بعيد


طاروق رائع بدأ بمعنى رسم بإبداع

ولكن لم يستمر

بعدها بدأ مصامخ بيوت



صحت ألسنتكم وبيض الله وجيهكم


ليله ممتعه نتمنى مثلها أسبوعيا

[بطـران العتيبي]

طاروق ابدعو فيه الشعراء حماسي جدا وياعجاب مافيك حيله مبدع بكل ماتعنيه الكلمه ولايهون سلطان الجدع ونتمنى ان تكون اسبوعيه المحاوره المباشره مثل ماقالو الاخوان تحيتي ,

[عبد الرزاق بن سعود النفيعي]

صحت الالسن والقلوب

امسية رائعة وطاروق جدا رائع

استهلّة الشاعر المميز سلطان بشيء من الرمزية

وكانت هناك رسمة فنان تشكيلي مبدع تحمل بمضمونها معنى من الوزن الثقيل

مافيه شك أن الحياة أحلام والدنيا ظروف
العام خير ,, وهالسنة ماكثر الله خيرها!!

كما لم تخلو ايضا من الحكمة

مذمة أمثالك على عكس الهدف تأثيرهـا!!

وكان هناك استعراض عضلات من الشاعرين

محاورة في مجملها رائعة

وصح الله لسان كل من الشاعرين

واقول لسلطان الجذع على مايقول الهاجري


(يخرب بيتك)

[ابو ليــلى]

هههههههههه

هذا والله اهجاد

سلطان وعبدالله ,, صح الله السنتكم على ماقدمتم من ابداع

تحيّتي

[فهد الشيباني]

سلطان الجذع / عجاب الدغيلبي

صحت السنتكم على ماقدمتم



لاهنتم









..

[ابن البجاديه]

كل الشكر

للاخوان سلطان وعجاب

امتعتونا لاعدمناكم

[معجب العتيبي]

سلطان الجذع=

يامرحبا ترحيبةٍ تاصل على حد السيوف=في ليلةٍ من مبتداها مايرفرف طيرهـا!!
مافيه شك أن الحياة أحلام والدنيا ظروف=العام خير ,, وهالسنة ماكثر الله خيرها!!

عجاب الدغيلبي=

دام البقاء رديةٍ تاخذ مـن الشلفـا وصـوف=ليا بديت ابهـا المهمـه ماستعنـت بغيرهـا
ياللي تحسفتوا وش الاسباب من كثر الحسوف=المشكلـه فـي عقولكـم لاخانهـا تدبيرهـا

سلطان الجذع=

ماهوب ياعجاب جايٍ من بلاد الامـن خـوف=أطرف دعاوينـا حمـولٍ مايقـوم بعيرهـا!!
راع المقام اللي يشوف الفرق فوجيه الضيوف=بعض اللحى مايعتبر ملزوم فـي تقديرهـا!!

عجاب الدغيلبي=

حنا وصلنا للعلا رغم المصاعب والأنوف=وان كان ماتمشي بعلم الطيب ندهن سيرها
سيارة الأجرة تراعي كل حالات الشفوف=مير الفلوس تروح للمسؤل عن تاجيرهـا

سلطان الجذع=

أسمك مع اصحاب العلا ماهو مسجل فالكشوف=حدك ماغير شعاب لبخة كل يـوم تديرهـا!!
ياللي تطوف العلم والدنيا على راسك تطـوف=بعض المعاني تتعب الشعار فـي تفسيرهـا!!

عجاب الدغيلبي=

وشهو شعورك لو أقول أسمك من الطيب محذوف=اتولـع الفتنـه علـى راسـك وتنفـخ كيرهـا
في مزيرعة حيلتك عبراتك وصفـقً بالكفـوف=هـذاه فعلـك عنـد دارك يـوم نـارد بيرهـا

سلطان الجذع=

هذا دليل أني مع أهل الطيب وافي ومعروف=مذمة أمثالك على عكس الهدف تأثيرهـا!!
عن مثل هذية عيون العقل عمياء ماتشوف=طول المسافة يعفي القصار من تقصيرها!!

عجاب الدغيلبي=

موفرٍ جهدي ليا قابلت لي مثلك ضعـوف=أعرف عيدان الثمامـه هيـنٍ تكسيرهـا
هالحين عود للعقل وإركد بعد وزن البلوف=أهل الجهل ماهو غريب يضرها تفكيرهـا

سلطان الجذع=

ياللي علومه خبط عشوا وش لزومك فالوقوف=مـدام بيبـان الفشيلـة واجـبٍ تسكيرهـا!!
عيد الشريط من أوله وينبهك صوت الصفوف=درت الرحاة ولاانت عارف برها وشعيرهـا!!

عجاب الدغيلبي=

حظك لعن جدك يالين اصبحت طايع ومعسوف = مثل المطيه ضيروها لين ركبت ضيرها
ياحليل سلطان الجذع ياخذ من أوصاف الخشوف =أبا اعشقة دام المشاعر والهجوس يثيرها

سلطان الجذع=

تراك صيدة ليل فانياب الذياب اللي تحوف = اللي ليا جاء وقتها مافيه شئ يجيرها!!
ان كان اخذك العشق جعل الله في حالك يروف = يكفيك من نجد الذرى قدام تركب نيرها!!

عجاب الدغيلبي=

الله ياكثر المهبل بالمئات وبالالوف =ارض الجزيرة من مثل جنسك وجب تطهيرها
مارس هواياتك مادام الربع دفوا بالدفوف =اطمر سوات اهل الجنوب الي تطقطق زيرها

[خالد الشيخي]

السلام عليكم ورحمة الله وبركاته

مـــارس هـوايـاتـك مـــادام الـربــع دفـــوا بـالـدفـوف
اطمر سوات اهل الجنوب الي تطقطق زيرها



طييييب طيييب يازير الحرب

[فارس بن روق]

الله الله الله

ابدعتوا بكل صراحه ولعب علي مستوا

سلطان مبدع والله ولا يهون عجاب