الحلم

[متعب ثواب الجعيد]

يالله عسى خير ياحلمٍ حلمته منه مزعوج = نكّد عليه منامي ما قويت انساه وارتاح
اول منامي سوالف طيبه وامزوح واهروج = واخر منامي تغير وانتهى بصياح ونياح
كني على مركبٍ وسط البحر يلعب به الموج = في غبةٍ مظلمه هبّت عليها صلف الارياح
النوخذه راح في وقتٍ طغا سفهان واعلوج = كلٍ على راحته يفتي لبس تيجان واوشاح
اشوف كني بغيت اوصّله لرياض وامروج = لكن كثروا ربابينه وشمّر كل سباح
كلٍ يقول القياده في يدي صاحي ومرجوج = في ساعةٍ دق ناقوس الخطر مكنونها باح
قلت اركدوا ياهل المركب وباب الخير مفجوج = واليا طلبنا كريم الوجه كل الهم ينزّاح
نوج ٍ يجيني قليل من الامل واضيعه نوج = والعاصفه ما هدت من يلزم المركب ليا راح
لا عاصم اليوم من ما دبره ربي على الفوج = وانا بري ٍمن اللي يفعله جاهل وسفاح
فزيت من مرقدي صدري من الضيقات مفلوج = والقلب كنه يقطّع واعناه بشلف وارماح
من فسر الحلم اله مني هديه بشت منسوج = والله يجيب العواقب طيبه خيرات وافراح

[عايض جزاء العصيمي]

صح لسانك ياجعيد

والتفسير جاهز بس اول شي نشوف البشت


تحياتي لك وصح لسانك مرة اخرى

[خليل هليل الشيباني]

صح السانكـــ يامتعب

[الغضنفر]

صح لسسسسسسسانك يالجعيد

[عثمان الثبيتي]

صح السانك يامعب
اما انافليس لديه صلاحيات تخولني لتفسير هذا
الحلم المزعج والمزعج جدا
والحل بالدعاء ثم الدعاء
لله سبحانه وتعالى وماضاقت يومً االا وفرجت بعون الله




صح السانك مره اخرى لاهنت

التوقيع

انكان طاب الوقت وانكان ماطاب=مايختلف نهج الشجيع وطموحه اما اقبلوني هكذا سلب وايجاب = والا ودعاً والعذر والسموحه اذا انقفل باب انفتح غيره ابواب = وكلً على ما قالوا ادرى بروحه

[محمد الذيابـــي]

..

صح لسااااااااااانكـ


طرق جميل ورائع بكل ماتعنيه الكلمه


لكن دق على الرويس..

.....

التوقيع

التوقيع محمد الذيابـــي

[محمد@الجعيد]

صح لسانك يابو فهد وبيض الله وجهك

[ابوفهد**]

الاخ متعب صح السانك واليك هذين البيتين وجهة نظر فقط لاغير وتقبل فائق تقديري

يامتعب الحلم مايحتاج له تفسير مسهوج=يمكن كوابيس من وقت جمع سارق ومزاح
وقت غداياوسيع المعرفه ساجوج ماجوج=كل ينفذكمومه قال انا كساب الامداح
هذا زمان(ن)كثربه مهتوين العمي والعوج=دنيا تور رحاهابالزمان وسدها باح
واللي من اول لياجات المهمه قايد الفوج=اليوم كنه على بابه قفل من دون مفتاح

[متعب ثواب الجعيد]

المشاركة الأصلية كتبت بواسطة عايض جزاء العصيمي

صح لسانك ياجعيد

والتفسير جاهز بس اول شي نشوف البشت


تحياتي لك وصح لسانك مرة اخرى

الاخ : عايض جزاء العصيمي

تحيه طيبه

مرورك اسعدني والبشت جاهز يابن العم

ان فسرت او بدون تفسير

وصح بدنك ولك مني تحيتي وتقديري


اخيك

متعب الجعيد

[متعب ثواب الجعيد]

المشاركة الأصلية كتبت بواسطة خليل هليل الشيباني

صح السانكـــ يامتعب

خليل هليل الشيباني

تحيه طيبه

سعيد بمرورك وصح بدنك

اخيك

متعب الجعيد