سعد بن مطلق المقاطي

[عزارم]

صح لسانك يابو مطلق وحبيت أنقلها هنا بعد أذنك

في البداية نذكر المعبود علام السريره=في لسان المؤمن أحلى من قراهيد القراحي
يا إلهي يا مدير الكون من غيرك مديره=يا الله التوفيق في التوثيق يوم الشعر فاحي
ياسلام الله على شيخاً من شيوخ الجزيره=يوم ضربات السيوف ويوم زرقات الرماحي
يشهد المحدار من دار الحجاز أرسل نذيره=قبل يبغاها سماح ولا حصل منهم سماحي
أعتزى تركي وسل السيف من داخل جفيره=لين أخذها بالهجاد ولين اخذها بالصباحي
الزعيم الي خذا في نجد للعتبان ديره=قام حظه يوم حظ الخصم في المحدار طاحي
تركي بن حميد مقدام العرب شيخ العشيره=ماخذاها كود بالموت الحمر خشم السلاحي
تركي بن حميد في نجد العذيه شب نيره=و احتماها يشهد التاريخ في كل النواحي
وقومه الهيلا اليا جات المواقيف العسيره=في الجنوب الشر زاحي في الشمال الشر زاحي
كم عدواً في نهار الكون حاس الله مريره=من قويين العزوم ومن بعيدين المشاحي
من طمع بعتيبه الهيلا تراه عما بصيره=أستقروا في قرارت نجد مرتع اللقاحي
أستقروا في قرارت نجد بسيوفاً شطيره=من يناحيهم يبى يتعب ولا يقدر يناحي
القبايل تجتمع ضده و يكسرها كسيره=علموني بيرق الشيخ بن هادي وين راحي
عقب ماهو في قرارت نجد قفابه بعيره=من ورى صبحا يصيح ومن ورى الحصاه صاحي
بعد تركي جاك ابن شبنان و كمل في مسيره=عزوتن ياوي عزوه مايفارقها الفلاحي
يوم أخذ موجا ومبلش حان قتله في المغيره=للصديق اكبر معين وللعدو سم ذحاحي
و لا نسيت الشيخ بن هندي مواقيفه كبيره=في الرحى ينشاف سيفه مثل برقاً يوم لاحي
والسطامي ما يلامي راح نصفه فوق عيره=و الأمير اللي غزابه قال لا عاده مَراحي
ابن هندي يوم هدى هجت شريره=مايبون الا السلامه يوم دم الشيخ ساحي
شيخنا مقدام قومه في الصعيبات الخطيره=يوم عرجا يشهدن حتى نسانيس الرياحي
وانتبه ظيف الله العفار مايشبه لْغيره=يوم خصمه صار مثل الطير مكسور الجناحي
يتمنى شوفت العفار والمده قصيره=كم عقيداً حط راسه حفرتاً وسط البراحي
في زماناً يقدم الرجال واللي ذل عيره=يوم كلاً من زناده زندهم يقدح قداحي
وعمك ابن بجاد قاد الجيش بسلاح وذخيره=في الفتوحات الكبيره يوم نور العلم ضاحى
وجدكم جهجاه ماينسى له فعولاً بريره=جمد الفتنه يا بوسلطان بسلوب ونجاحي
الشجاعه من طبوعه والايمان داخل ضميره=وطاعة الامام واجب كود شيءً مايباحي
وعمكم سلطان بن جهجاه فزعاته كثيره=يبذل المجهود في المحمود شيخ الشمل صاحي
وشيخنا نايف بن جهجاه له نظره خبيره=مدحكم ياشيوخنا من فوقنا مثل الوشاحي
الله انه يرحم اللي راح والدنيا ضريره=يامحبين السلام و يامداوين الجراحي
وشيخنا فيصل ولد سلطان له في العلم سيره=شيخ شمل و وقفت الأمير مافيها مزاحي
وشيخنا جهجاه بن نايف عسى في الأمر خيره=الشجاعه والزعامه والكرامه والصلاحي
بارك الله في بلد عروى وسكانه وأميره=ديرتاً ماتنسى يااهل القلوب اللي صحاحي
ديرة الاد الكريزي يوم دق الحرب زيره=عزوتاً ماتوخذ اباعرهم بوسط المراحي
والله أنا مامدحنا صاحب اليمنى القصيره=مامدحنا الا شيوخاً يستحقون المداحي
آختامها صلوا على المختار يالوجيه السفيره=عد مادن الرعد وعداد برقاً يوم لاحي

[عبدالله جبارالعتيبي]

ياسلااااام


صح الله لسانك ياسعد على هذه القصيده الرائعه اللي لوبلغت أختار أجمل البيوت لخترتها كلها


وبيض الله وجهك


وكل الشكر للمبدع عزام على النقل والتنسيق



تركي بن حميد مقـدام العـرب شيـخ العشيـره**ماخذاها كود بالموت الحمـر خشـم السلاحـي

التوقيع

يالله يامنجي نبيك من الحوت=وعالم بكل الناس واللي وراها تغفرذنوبي كلها قبل ماموت=أنته ملاج الناس ونت الإلاها عبدالله المقاطي

[الغضنفر]

صح لسان ابو مطلق وربعه الحمده يستاهلون المدح والشيخ الشمل فيصل يستاهل والله يعطيه العافيه ولاهى غريبه على ابو مطلق جزله من جزل ومليار شكر لك يا الطيب على النفل الراقى المميز

[المقاطي العلباني]

صح لسانك ولاهنت على النقل الرائع ياعزارم

وابياته اكثر من رائعه

[سعد بن مطلق المقاطي]

الاخ القدير عزارم تمؤن وبيض الله وجهك على الاختيار والحقيقه القصيده قديمه موجه الشيخ جهجاه بن نايف بن حميد


والله يوفق الجميع

التوقيع

ديــــــــــــــــواني

[مشاري الحزيمي]

ونعم بالمقطه وبالحمده شيوخ المقطه .

[العيداني الدهيمي]

صح لسان ابو مطلق

[فالح الراي]

صح لسانك ولاهنت على النقل الرائع ياعزارم

وابياته اكثر من رائعه

[عزارم]

المشاركة الأصلية كتبت بواسطة سعد بن مطلق المقاطي

الاخ القدير عزارم تمؤن وبيض الله وجهك على الاختيار والحقيقه القصيده قديمه موجه الشيخ جهجاه بن نايف بن حميد


والله يوفق الجميع

بيض الله وجهك على الاطراء والتعليق و التوضيح الاكثر من رائع ياطيب

[فهد العازمي العتيبي]

صح لسانك يا ابومطلق

ويستاهلون الحمده المدح والثناء