قصيدة الشاعر محماس بن شميسان العضياني في حفل البهيجي

[خيال الجريبا]

قصيدة الشاعر الكبير محماس بن شميسان العضياني
في حفل ابناء الشيخ معدي بن غازي البهيجي





مرحبا عند البهيجي بالحضـور

عـد ماهلـت هماليـل الخيـال





قالها ترثـة طويليـن الشبـور

وقلتها من طيب نفس ونصح بال





ليلة فيهـا يـزود النـور نـور

تجتمع فيهـا مشاهيـر الرجـال





يامعدي جعـل ليلتكـم سـرور

الف مبروك الك وتعـم العيـال





غازي وفواز من مجنا الصقـور

الحرار الي على روس الجبـال





وانت يامعدي مجرب ومخبـور

طيب راسك من عمام ومن خوال





النمور الي يجـي منهـا نمـور

مثل جدانـك كريميـن السبـال





فعلهم مايختفي عبـر العصـور

يوم صولات الجموع الها دقـال





انشد التاريخ وش سوى سـرور

وقبلهـا مثقـاب شيـال الثقـال





صيتكم في ذروة المجد معمـور

ربعنا والنا الفخر في كل حـال





كل ما جى طاري الاسم الوقور

اسم سالف شايـب ورث عيـال





صيتهم عالي اليا يـوم النشـور

عزوة العضيان راهين الحبـال





رجلهم فالكود والشـده صبـور

وفالكرم راهي ومداتـه جـزال





ماعليهم نحمد المولـي قصـور

طيبهـم كـامـل ولله الكـمـال

[صارم عتيبه]

لاهنت على النقل المتميز

وشاعرنا غني وعن التعريف


كما عهدناه جزل لايقول سوى الجزاله

ودي

واحترامي

[العيداني الدهيمي]

لا هنت على هالنقل المميز
وسلمت يدينك