الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > المنتديات الأدبية > الشعر الشعبي

« آخـــر الـــمـــشـــاركــــات »
         :: خبر سار (آخر رد :نايف الثبيتي الروقي)       :: ياطيب راسك يالحافي (آخر رد :نسيب امطير)       :: ادارة منتديات عتيبه الهيلا تنعي فقيدها ... عين العقل ..( بندر الثبيتي) (آخر رد :العتيبي)       :: ناسي (آخر رد :الخضارمي)       :: مجالسيه من نظم والدي الله يطول بعمره . (آخر رد :عيضه العيسي)       :: للمجاراة …. (آخر رد :نظام ساهر)       :: الشيخ صعب الحداري (آخر رد :الجزوم)       :: اكتب ميزةوامش( تميز المنتدى عن غيره من المنديات الاخرى) (آخر رد :مطرح البعارين)       :: الشمري ضيف عندكم يالهيلا (آخر رد :ابو طارق الشمري)       :: الحفاة في فلسطين (آخر رد :بن دويش المطيري)      

إضافة رد
أدوات الموضوع انواع عرض الموضوع
غير مقروء 26-Apr-2019, 06:41 PM رقم المشاركة : 1
معلومات العضو
سعد المغيري
عضو

الصورة الرمزية سعد المغيري

إحصائية العضو





التوقيت


سعد المغيري غير متواجد حالياً

افتراضي قصيدة بالعامي عن السيرة النبوية

يقول الشاعر / عبدالله المحياني
وسط الظلام ونيرة الفرس مطفاه طاحت على كسرى شراف محسوبه
جا فالمنام ان الاعاريب تنصاه مستجنبينٍ كل قباً طلوبه
ووسط الظلام ببطن مكه من أعلاه أمٍّ تمخّض و اوّل الليل دوبه
جابت غلامٍ كل الاديان تتناه عيسى وموسى فالكتاب اخبروبه
يابعد ذكره فالمخاليق بعداه اليا انقطع جيلن بجيلن حكوبه
زفوا لجده طلعة الشمس بشراه ثم لبني سعد ابن بكر ارسلوبه
اربع سنين اللي قضاهن بمرباه والخامسه ينشق صدره وجوبه
واغزوه عمّانه نهار المثاراه مكملٍ عشرين ليلة غزوبه
واله اربعينٍ يوم جبريل قرّاه وعقب ثلاث سنين هبت هبوبه
نادى على سفح الجبل وآصباحاه إني نذير وكلهم كذبوبه
الشوك يوضع له على طول ممشاه واليا دعاهم بالمجالس هزوبه
هاشم تحامي عنه ولوي تشناه لوي لولا هاشمٍ روحوبه
اليا تناخوا بالجدود المسماه عيا على الاسلام سلم العروبه
وامسى بوج ولا لقابه مراواه زودٍ على تغريبته غربوبه
تشيب عيني كل ماوحيت شكواه يشكي على رب الملا ماينوبه
ومن بعد عشر سنين ثوّر مطاياه من سفح ثور منوّخاتٍ جنوبه
يبغا الشمال ودار الانصار طرياه ومن دونها الطود الحجازي ولوبه
وفهر بن مالك والاحابيش تقفاه وليثٍ ومدلج قاضبينٍ دروبه
راح الدليله عن بني بكر يحداه مِطْريه كعب وموثقٍ عاهدوبه
خلا سراوع غرب مدري تمثناه دربه بهاك الشق مافصّلوبه
عسفان راهٍ ماه والدرب مضماه خلاه عنهم شرق ماشرّعوبه
واصبح قديد وخبرت عنهم الشاه درت لبن والشاه ماهي حلوبه
ولحق سراقه فوق قَبّاً مغذاه مِرخٍ رسنها فوقهم وعثروبه
خلوه في دوران يوم الله انجاه ومروا مسيل القاحه وسنّدوبه
والاسلمي مع اول الركب يقداه معطٍ يسار الخلص وايمن ركوبه
عدابهم نقبٍ عسيرٍ معدّاه وورقان عن ضلعان قدس فرقوبه
وامسى النبي في بطن ريمٍ معشّاه متقطعه عنه المطاليب نوبه
واصبح بدار اهل السطر والمحاماه زبن المضيم ليا انطلق زر ثوبه
أول سنه من هجرته شيّد بناه بيّن مواجيب الاثم والمثوبه
والثانية في بدر جات الملاقاه أبو جهل جاهم تقوده ذنوبه
ما ينعذل يوم الركيّب تعداه والله رماه بنحرهم وقطعوبه
حمزه ذبح شيبه وعتبه بيمناه والعاص من ظهر الفرس حولوبه
سبعين فارس منهم انتثرت دماه وسبعين فارس يم اهلهم سروبه
والثالثه جاته كنانه تقاضاه في يوم اُحد يوم الرماه اخلفوبه
شجوه وادموا وجنتيه و ثناياه والجيش ولّى والعدا حوطوبه
متوكلٍ بالله والخوف ماجاه يعطي نحره الخيل لى جات صوبه
والرابعه حي النضير اعلن عداه والله كفاه المقتل اللي نووبه
والخامسه جت خيل الاحزاب تبغاه اربع قبايل من نزار مهيوبه
والريح لى مرت على القدر تكفاه والله نصر عبده بعد شرّهوبه
والسادسه سيّر على ضو روياه على الحديبيه نزل وصلحوبه
والسابعه خيبر وطتها سراياه يابا الثريا يوم يعلن حروبه
والثامنه نادى وورى بمغزاه في فتح مكه صبح ولا دروبه
اخوٍ كريمٍ والعفو من سجاياه قال "اذهبوا" ماكنهم عزروبه
وعليا هوازن جات بالجيش تشعاه والظعن من راس الشفا حدّروبه
مالك يقود الجمع ودريد ينهاه وحنين سالت بالكتايب دعوبه
الخيل من جا في نحرها توطّاه والهجن راحت بالرجال مغلوبه
من قايلٍ ياكثرنا اليوم كثراه الكلمه اللي جا باثرها صعوبه
قام النبي يشهر بنفسه وبآباه عن ماقفه يبطون مازحزحوبه
وعمه ينادي في قفا اهل المواساه واطرا على الابطال مابايعوبه
والتاسعه جات القبايل ترضاه كل الاعاريب اسلموا واهتدوبه
والعاشره شهّد على الامّه الله بلّغ رسالاته وكمّل وجوبه
والحاديه جا داعي الموت ينعاه وجدي على الاصحاب يوم فجعوبه
صلى عليه الله وسلم وزكاه وآله وصحبه والذين اقتدوبه
هذي شواهد سيرته جعلي فداه هذا اختصار اللي العرب حدثوبه
من ليلة الاثنين والمولد اياه لى ليلة الاثنين يوم دفنوبه
بالواقعيه وش لنا بالمغالاه الواقعيه أصدق من العذوبه
ماجيت اغني فالعيون الملبّاه ولاني بغني للفتاة اللعوبه
الدين امانه والامانات مداه وحنا نخاف من الخطا والعقوبه
والجزل شطرٍ واحد يسد معناه واليا قروه اهل القصيد اكتفوبه
والا الطواله والخيالات مهفاه تهفيك يم الكذب والكذب حوبه















رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »05:43 AM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي