الشعر ذي حزته والنفس ممنونه,,,,,,

[ابن صنهوت]

بسم الله الرحمن الرحيم

اليكم هذه المتواضعه اللتي كتبتها في / جمحان بن منيع المفرجي النفيعي بمناسبة مشاركته في مزاين ام رقيبه لهذا العام 1431هــ وابو صاطي يستاهل دواوين ابيض الوجه نتمنى له الفوز

يا هاجسي حان وقت الشعر ولحونه=القاف له وقت والميقاف غصابي
وانا هجوسي لها شهرين مسجونه=واليوم لابد ما يفتح لها البابي
جر اللحن والبيوت ان جات موزونه=يطرب لها السامع وتحضى بالاعجابي
والشعر ذي حزته والنفس ممنونه=معاد ابه عذر عن ما جوب الاصحابي
ومزاين البل هل الاذواد ينصونه=كل يبى الفوز مع عكفان الاشنابي
وجمحان شارك بذود كامل فنونه=شعل حسينات طبع جرد الارقابي
كن الذهب ما خذ من لونهن لونه=هدف العرانين فج اعضود واشبابي
تلفت نضر راعي الاصناف وشجونه=لابد لا شافها يكضم على النابي
سهاف الايدي ما جات السوق مشحونه=اتلاد ما جابها للسوق جلابي
بنات رمان ياهل الصنف مضمونه=ما طبها المشترى من عند الاجنابي
وهاجه اجنيه تجار يخزنونه=والطافحه فالمنافس ما بها اطبابي
وان جا المعاند وكل باح مكنونه=شواشه الها الصداره غصب واطيابي
في كف شيخ عسى الرديان يفدونه=عن شفها ما حدته شغول واتعابي
يلفي بها القفر قبل الناس يلفونه=على هوى الشعل يبدي كل مرقابي
قرم عن الطيبه ما تخلف ضنونه=الطيب طبعه عسى تخطيه الاسبابي
كريم سبلا ذرى من جوه ينخونه=طلق الحجاجين فكاك للانشابي
من روس قوم يا شر اللي يعادونه=مفتكة البل وسقم لكل حرابي
حريبهم فاللقا بالدم يكسونه=ومن طمع فيهم لا والله ما ربح خابي
النعم يستاهله من يستحقونه=اقولها صادق ما ني بكذابي
واختامها عد برق لاح فمزونه=صلوا على المصطفى واله والاصحابي

وسلامتكم