الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > المنتديات الأدبية > قصائد الأعضاء > منتدى دواووين شعراء المنتدى

« آخـــر الـــمـــشـــاركــــات »
         :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)       :: الشيخ عبدالله ابن جزعاء العازمي جمع غير الفروسيه الحكمه والفكر السياسي وبعد النظر (آخر رد :متعب الوحيدب)      

إضافة رد
أدوات الموضوع انواع عرض الموضوع
غير مقروء 05-Mar-2010, 05:09 PM رقم المشاركة : 21
معلومات العضو
محمد الحميدي
كبار الشخصيات
كبار الشخصيات 
إحصائية العضو






التوقيت


محمد الحميدي غير متواجد حالياً

إرسال رسالة عبر مراسل MSN إلى محمد الحميدي
افتراضي

كريم يـا بـرق ٍ تناقلتـه مـزون
يفضح دجا الظلما و يبحـث خفاهـا
تعلقت في نوظـه عيـون وعيـون
ترجي عسى الله مايخيـب رجاهـا
حول السنه تدرج مزونه على الهون
لين الجزيره رحبـت بـه سماهـا
يوم استقل بقـدره مكـون الكـون
سحايبه ساقت علـى الأرض ماهـا
نبته ومرباعـه موكـد و مضمـون
على الديـار اللـي عـذي ثراهـا
على نفود السـر ياللـي تخيلـون
لا هو بـدون الحـروه ولا وراهـا
يا ربعنا اللـي ل المـارا تحبـون
خلو سهاف الشـل تطلـق يداهـا
بعد مقيظ وراحه ورفـق وسكـون
طوي الفجوج الجرد غايـة مناهـا
فرصة عمر يا ربعنا وش تحـرون
للـي تهيـا لـه ويقـدر عـلاهـا
امـا بوضـح ٍ كنهـا در مكنـون
مع زيـن رونقهـا كثيـر ٍ حلاهـا
عن غيرها تفخر بميـزات وفنـون
واول فخر يوم البيـاض يغشاهـا
والا بشعل ٍ تاخذ امن الذهـب لـون
جواهر ٍ بالنـور يوضـي سناهـا
لا جا نهار مداحم اضعون بضعـون
ياقـل ذيـدان ٍ بتلـحـق مـداهـا
والا بصفر ٍ ل الطرب كونها كـون
مع طولة الشـده طـوال ٍ خطاهـا
فيها ولع مدهوش وشعاف مجنـون
خصـن ليـا مـن المـوده شعاهـا
والا بسود ٍ معهن الزيـن مقـرون
فيهن كحل عين الحسـود وعماهـا
بالقيمـه اتلاهـا مثاميـن مليـون
وجرومها تفرق عن اللـي سواهـا
البل لكل الخلق عون ٍ مـن العـون
وجاهـل مكانتهـا لعلـه فـداهـا
تعتق رقاب ٍ خضر وتخلـق ديـون
اتــلاد والا غالـيـن مشتـراهـا
من حق تجـار البضايـع يمـارون
ومن حقنـا نفخـر بهـا وانتباهـا
امانتن معنا على الحفـظ والصـون
من مبتـدا الهجـره ليـا منتهاهـا
تحكم مزاينهـا ضوابـط وقانـون
ومزايـن عتيبـه رفـع مستواهـا
ربع ٍ حموها يوم طاعن ومطعـون
فعل السيوف اللي رهيـف ٍ شباهـا
قبيلة ٍ ما تقبـل الضيـم والهـون
وتموت ما ترضا بشقـرت عصاهـا
لاباح صياح الضحـا كـل مكنـون
ركبو على اللي مطبقـات ٍ احذاهـا
بارواحهـم دون الغوالـي يفـادون
سحي البكار اللـي مقيـم ٍ غلاهـا
جنابها من من يمة الخوف مامـون
لأن الوسوم امن الخصوم اتحماهـا
واليوم مات الشر وابليس ملعـون
في دولة ٍ عـم المواطـن رخاهـا
عاشو هل العوجا لنا درع وحصون
بالعـون حكـام ٍ يـذري ذراهــا
وباسم الوطن عزوة عتيبه يهلـون
افرادهـا وشيوخهـا واومـراهـا

صح لسان ابوسعد ولاهنت ياعمر وبارك الله فيك















التوقيع
اضغط على الصورة لرؤيتها بالحجم الطبيعي
رد مع اقتباس
غير مقروء 06-Apr-2010, 11:08 PM رقم المشاركة : 22
معلومات العضو
ضاامي وفااا
عضو ماسي

الصورة الرمزية ضاامي وفااا

إحصائية العضو






التوقيت


ضاامي وفااا غير متواجد حالياً

افتراضي

اقتباس:
المشاركة الأصلية كتبت بواسطة عمر الدغيلبي مشاهدة المشاركة
السلام عليكم


كما وعدتكم سابقا ًبتنزيل ديوان الشاعر سفر الدغيلبي


هاهو ديوان الشاعر / سفر بن سعد الدغيلبي العتيبي


أمامكم ونرجو أن ينال على إعجابكم





اضغط على الصورة لرؤيتها بالحجم الطبيعي




القصيدة الأولى / المناسبة : مشاركة في مزاين الهيلا

كريم يا برق ٍ تناقلته مزون = يفضح دجا الظلما و يبحث خفاها
تعلقت في نوظه عيون وعيون = ترجي عسى الله مايخيب رجاها
حول السنه تدرج مزونه على الهون = لين الجزيره رحبت به سماها
يوم استقل بقدره مكون الكون = سحايبه ساقت على الأرض ماها
نبته ومرباعه موكد و مضمون = على الديار اللي عذي ثراها
على نفود السر ياللي تخيلون = لا هو بدون الحروه ولا وراها
يا ربعنا اللي ل المارا تحبون = خلو سهاف الشل تطلق يداها
بعد مقيظ وراحه ورفق وسكون = طوي الفجوج الجرد غاية مناها
فرصة عمر يا ربعنا وش تحرون = للي تهيا له ويقدر علاها
اما بوضح ٍ كنها در مكنون = مع زين رونقها كثير ٍ حلاها
عن غيرها تفخر بميزات وفنون = واول فخر يوم البياض يغشاها
والا بشعل ٍ تاخذ امن الذهب لون = جواهر ٍ بالنور يوضي سناها
لا جا نهار مداحم اضعون بضعون = ياقل ذيدان ٍ بتلحق مداها
والا بصفر ٍ ل الطرب كونها كون = مع طولة الشده طوال ٍ خطاها
فيها ولع مدهوش وشعاف مجنون = خصن ليا من الموده شعاها
والا بسود ٍ معهن الزين مقرون = فيهن كحل عين الحسود وعماها
بالقيمه اتلاها مثامين مليون = وجرومها تفرق عن اللي سواها
البل لكل الخلق عون ٍ من العون = وجاهل مكانتها لعله فداها
تعتق رقاب ٍ خضر وتخلق ديون = اتلاد والا غالين مشتراها
من حق تجار البضايع يمارون = ومن حقنا نفخر بها وانتباها
امانتن معنا على الحفظ والصون = من مبتدا الهجره ليا منتهاها
تحكم مزاينها ضوابط وقانون = ومزاين عتيبه رفع مستواها
ربع ٍ حموها يوم طاعن ومطعون = فعل السيوف اللي رهيف ٍ شباها
قبيلة ٍ ما تقبل الضيم والهون = وتموت ما ترضا بشقرت عصاها
لاباح صياح الضحا كل مكنون = ركبو على اللي مطبقات ٍ احذاها
بارواحهم دون الغوالي يفادون = سحي البكار اللي مقيم ٍ غلاها
جنابها من من يمة الخوف مامون = لأن الوسوم امن الخصوم اتحماها
واليوم مات الشر وابليس ملعون = في دولة ٍ عم المواطن رخاها
عاشو هل العوجا لنا درع وحصون = بالعون حكام ٍ يذري ذراها
وباسم الوطن عزوة عتيبه يهلون = افرادها وشيوخها واومراها





القصيدة الثانيه / المناسبه : عند تسليم دعم الدغالبه ضمن فعاليات ملتقى قبيلة عتيبه لمزايين الإبل

يا سلام الله سلام ٍ نبتدي به = دون كل دغيلبي حاضر وغايب
احتزمنا للمهمات الصعيبه = بأهل الموقف عطيبين الضرايب
ياعتيبه ما حصل حاجه غريبه = لا تقدمنا وسدينا النوايب
دعمنا من حق عزوتنا نجيبه = رد معروف القرايب للقرايب
ودعمنا ياصل قبيلتنا عتيبه = فالرخا والسلم ولا فالحرايب
طبعنا دايم ما نرضى بالغليبه = الولد منا خذه من راس شايب
في لزوم الربع فزعتنا قريبه = تقضي الماجوب وتفك النشايب
نفتخر بعلوم وسلوم ٍ عريبه = السلوم اللي تجري كل هايب
من حضرماقالو أبطى في مغيبه = ياقبيلتنا مهديت الصعايب
نفتخر واسم القبيله نعتزي به = لين تدفن روسنا تحت النصايب
في ذرا الله ثم ذرا من ذاع طيبه = ذاع طيبه مع ذعاذيع الهبايب
المليك اللي جمع حكمه وهيبه = الله اللي واهبه جزل الوهايب
في بلاد ٍ ما بها شكه و ريبه = افرحوا يا ربعنا والبال طايب



القصيدة الثالثه / المناسبة : انتخابات المجلس البلدي لمحافظة مرات


لكن انا ماجيت للدعوى بلا علم وخبر = من عادة الرجـّـال يدري وش يصير و وش يكون
بكرة ليا من صفو الطابور قدام المقر = وكلـّـن يعاين فالوجيه ويحتري ربعه يجون
هذا يحث الناس ويزكـّـن على زيد وعمر= وهذا يخمخم نايد العربان لجل يصوتون
أنا معي ربعي سعد راسي مقابيس الظفر= ربعي عتيبة ياعساهم كلهم مايذهبون
اللي حموا ميقافهم في شوبة الموت الحمر = ماهم بعجزانين وقت الكهربا والتيلفون
شعارهم وقت المواقف ماعن الصاحب عذر= وشعارهم وقت الرخا تكب الشحم فوق الصحون
والله لامدحهم وامجــّدهم بقول ٍ معتبر =عز الله ان لي ربع واللي مثل ربعي يمدَحَون




القصيدة الرابعه / المناسبة : مرثية في شاعر المحاورة المرحوم ( عبدالله العير )

يا الله يلي كلنا مرتجينه = يا واحدٍ ما خاب منهو ترجاه
نسألك ما غيرك أحد سائلينه = يا الله يارب المخاليق يا الله
عبدك ياربي رافع لك يدينه = يدعيك من قلبه ومخلص لك دعاه
حزين ونفسه يا إلهي حزينه = على اللي في غفله فجعنا بفرقاه
ابو عبيد وينه اليوم وينه = الشاعر اللي خذ من البحر معناه
الشاعر اللي كلنا خابرينه =الوافي اللي نادر تشوف حلياه
فقيد شعر الرد ومتابعينه = شاعر مطير اللي سجاياه
ان اندفن فقلوبنا دافنينه = وأن مات ما ماتت مع الناس ذكراه
عبد الله ويا كثرهم فادينه = وياكثر دمعٍ في غيابه نثرناه
يا لله تلهمنا الصبر والسكينه =وتجعل ياربي جنة الخلد مثواه
يا رب تغفر له وي الله تعينه =في يوم ما للعبد يا كود مولاه
يا الله يلي كلنا مرتجينه = يا واحد ما خاب منهو ترجاه



القصيدة الخامسه / المناسبة : مرثية في شاعر المحاورة المرحوم ( صياف الحربي )


كلن يعزي حرب بالشاعر الراحـل = أنا أكظم الغيظ ما القى من يعزيني
أنا فقدته من الساحل ليا الساحل = اللي من اربع مية هجري مخاويني
ربيعي اللي يزين صيفي القاحل = من طيبه أزعل على غيره و يرضيني
يوم أمرضه حل و انحل جسمه الناحل = صار الألم بالتساوي بينه و بيني
هذا كلام الشعر فـ الشاعر الراحل = وأنا انقله بالثبوت و بالبراهيني


القصيدة السادسه / المناسبة : رد على من عاتبه على غيابه

يقولون : شعرك ماطلع له سنة وشهور = وقبل كنت تنشر ، والصحافة تراسلها
عسى ماحصل لك باس وليا حصل ماجور = بعد غبت عنا غيبتك وش مطوّلها
وقلت : اسمعوا يالربع واللي سأل مشكور = أبا اقول كلمة .... والمحلل يحللها
أنا ابغى قصيدي يجبر الخاطر المكسور = جبر خاطر ٍ صكات بقعا تحمــّــلها
يسلي ضمير ٍ يبني الهم فيه قصور = ويشفي له قلوب ٍ تساعر غلايلها
قلوب ٍ من الدنيا تذوق القهر والجور = واهلها تخفـــّـي ... ماتبيــّــن دواخلها
على شان لا القيت القصيدة وهم ّ حضور = إلى اكملتها...قالوا : ( صح لسان قايلها )
ماهوب الهدف قولة ( سفر ) شاعر ٍ مشهور = ولاتهمني شهرة من النشر احصــّــلها
رصيدي ... وراس المال...خصلة من الجمهور = رجال ٍ تعاملني بحشمة....واعاملها
وباقي الدعاوي معتبرها - هبا ً منثور = ولو غيري يحاول على شان ياصلها
أسير بطريقي ... وان لقيت العمي والعور = بعرض الطريق ... آمرّ ها واتجاهلها
وانا لو ( تركت الشعر ) تالي الزمن معذور = على الشعر اقدّم خطوتي واتـــثــاقــلــها
إلي مدة ٍ كني على كتابته مجبور = أجيب القصيدة واتكاسل لا أكمـــّـــلها
وهالحين لجل اللي دعاني باطيع الشور = على الراس ...البــّــي دعوته واتقبــّــلها
أبا ارجع لنشر الشعر ، وانظمّ للطابور = عسى اسمي مع الشعار ينعدّ فــ اوّلها
وعسى ان حل ّ لي طاري ...بكلمة (نـِـعم) مذكور = لي الطيب ... والعوجا لها من يعدّلها
ولو بارت الساحة واهلها.... فنا مابور = أبا اودّع الساحة ... وكثرة مشاكلها
وابا ارحل واخلــّــيها وانا خاطري مسرور = واجنــّـب عن القلطات ... واهجر محافلها!!!


القصيدة السابعه / المقناص والبر


أنــا مـولــع ٍ ف الـبــر مـاقــدر عـلــى iiفــرقــاه = وانــا عـايــش ٍ فــي الـبــر واغـلـيــه iiواحــبّــه
مـن يـومـي صـغـيـر وهـو ... هـوا الـقـلـب وهـو iiدواه = وهــو طــب جــرح ٍ خـافــي ٍ مـالــقــي iiطــبّــه
خـصـوصـاً لـيـا مـنـه نـشـا الـخـيـر مـن iiمـنـشـاه = ولاحــت بــروق ٍ ف الـمـنــاشــي ( تـعـقــربّــه ii)
لاهــوب "صــفــري" ولا شــتــا .... بــيــن ذاه iiوذاه = عـلــى اول دخــول الـوســم ، والـمـاطــر iiيـصـبّــه
بـروقـه... تـدل الـسـاري الـلــي غــوي مـمـشــاه ii! = ورعـوده ... تـخـلــي الـكـافــر يـسـبــح ل ربّــه !!
يـنـسـنـس لـه الـشـرقـي ... ولامــن تـنـثّــر مــاه = يـسـيـل الـسـهـل ، والـقـاع ، والـضـلـع ، iiوالـخـبّــة
مـزون ٍ "حـقــوق" ، وسـيـلـهــل يـتـســع iiمـجــراه = ســواة الـبـحــور الــزرق .... لـكــن بــلا غـبّــة !
ولامـن ّ تــم اسـبــوع .... جــاب الـنـبــات iiاقـصــاه = وجــا تـسـوقــه الارض !! وسـمـاهــا iiتـرحــبّــه!!!
يـشـقـق "حـشـاط الارض" وان جـيــت ابــي iiحـلـيــاه = كـمـا يـشـقـق الـزلـزال فـي مـحـكــم iiالـصـبّــة؟!!
نــواويــر "بـسـبــاســه" و"حـــوّاه" و"خــزامـــاه" = لاهــب ّ الـنـسـيــم ، وقـامــت الـريــح iiتـلـعـبّــه
لـيـاجـيــت ابــا أوصّـــف ، وبـــا ادوّر iiالاشــبــاه = بـيـعـجـز خـيـالـي ... ويـش اعـدّ ..؟ ووش iiاشـبّــه؟؟!
كـمـا " الـزّل" مـن (شـيـراز) فــي دار "شـاهــن iiشــاه" = وراعــيــه مـــن شـــان الــوزيــر iiيـتـقــربّــه
عـطــاه الـوزيــر وبـيّــض الـوجــه يــوم iiاهـــداه = واخــذه الـوزيــر وقــام يـفــخــر ، iiويـنـصــبّــه
نـبـات الـفـيـاض يـشـوق ... لـو بـالـعـيـون iiارعــاه = وتـشـوقـنــي لــحــون "أم ســالــم " تـهـنــدبّــه
أقـول : اسـكـتـي !!!! خـل الـمـولّــع يـجــر iiغـنــاه = وتـكـوســر لـحــون ٍ كـنـهــا مـوجــة مـنــبّــه
هـذي هـي طـراة الـعـمـر ، والـكـيـف ، iiوالـمـشـهــاه = تـجـلّــي هـمــوم ٍ فــي ضـمـيــري iiتـعـاقــبّــه
إلـى جـيـت "قـفـر ٍ" يـنـشـرح خـاطــر الـلــي جــاه = ويـنـســاح بــالــي يـــوم اشـــرّق ، iiواغــربّــه
مـن قـل ّ الـعـرب كـنــه يـرحــب بـمــن iiيـنـصــاه = فـسـيــح ٍ ، خـصـيــب ٍ ، خـالــي ٍ مـاحــد ٍ iiطـبّــه
مـايـحـري بــه الـشــاوي .... ولاتـاصـلــه iiمـعــزاه = مـاغـيــر الـضــواري كـــل لــيــل ٍ iiتـقـانــبّــه
مـداهـيــل ( مـلـحــا ً ) ف اوّل الـــذود iiمـاتــتــلاه = شـحـمـهــا يـضـيــم ردوفـهــا كـنــه iiالـقــبّــة
عـــراض ٍ " ابـاهــرهــا " لــهــا زور مــاشــا iiالله = سـنــاد الـظـهــر ... مـاهـيــب قــدام iiمـنـصـبّــة
لـيــا مــن لاح الـبــرق ... فـالـبــارق iiمـشــقّــاه = مـرابـيـعـهـا فــي نـجــد تـشـمــل ، iiوتـجـنـبّــه
راعـيـهــا لاعــد وصـولـهــا ف الــعــدد مــاتــاه = لـهــا مـعـمــق ٍ طـيــب ....والامـثــال تـضـربّــه
أبـوهـا... حـسـيـن الـطـبــع ، ومـعــرّب ٍ iiمـجـنــاه = عــن بــرد الـشـمـالــي كـنــه مـلـبّــس ٍ iiجـبّــة
لـلـه الـعـجـب !!! ....يـاكـبـر خـفـه ، يـاطـول خـطـاه = ومــن حـيــث مـاتـنـظــر وصـوفــه تـعـجــبّــه
ولامـن عـدا ... صـفـق الـبـراطـم كـمـا " الـمـوجــاه ii" = لـيـا دقـهـا الـلــي مـحـكــم ٍ طـحـنــة iiالـحـبّــة
أذانـيــه روس حــراب شــيــخ ٍ رفـــع iiشـلــفــاه = مـن اهــوى عـلـيــه يــروح رجـلـيــه iiمـنـجـبّــة
وثـمـرة الـكـلام .... الـبـر شـفــق ٍ عـلــى طـريــاه = وقـصــر الـمـديـنــة ... مـاهـويـتــه ، ولا ارغـبّــه
راعـي الـقـصـر ... مـايـدري عـن الـضـيــف iiلانــاداه = ومـن دونـه الـبـيـبــان ، والـقـفــل ، و " الـضـبّــة ii"
لـكــن الـبــداوة هــي هــوا خــاطــري iiومــنــاه = وعــرف الـنـشـامــا مـكـســبــي iiواتـكـسّــبّــه
لاخـاويـت ربـع ٍ مـن هـل الـطـيــب ، واهــل iiالـجــاه = عـلــى بـدايــة الـمـخـضــار والـنــار مـشـتـبّــه
ودار الـحـديــث وكـــل رجـــل ٍ عــلــى iiمــركــاه = سـوالــف نـشــامــا لانـمـيــمــة ،، ولا iiســبّــة
مـاهــي خــوة الـلــي رفـقـتــه كــذب ، ومـــراواة = كـمــا قـالــت الامـثــال : يـخــذ مـعــك iiعــبّــة
ويـبــلاك ... ولـسـانــه بــزود الـحـكــي iiيــبــلاه = هــذا يــجــرح شــعــوره ،،، وهـــذا iiيـعــذربّــه
لــكـــن الاوادم كــــل ٍ يــحـــول دون iiحــمـــاه = ومــن يـخـطــي تـجـيــه الـغـرابـيــل مـنـكـبّــة
لابـد الـعــرب تـركــي عـلــى راســه " الـعـرقــاة ii" = لـكــن اتــركــه قـــدام يـنــشــب iiوتـنـشــبّــه
وانــا ارافــق الـطـيّــب وحــرص ٍ عــلــى iiلامـــاه = وقــد قـالــوا الـعــراف : كـــب الـــردي iiكــبّــه
هـذي وجـهـتـي .... والـنـاس كــل ٍ بـحـســب iiاريــاه = وكــل ٍ عـلــى مـايـشـتـهــي قــاضــي ٍ iiنــبّــه
وهـذا الـكــلام الـلــي عـلــي ّ الـضـمـيــر iiامــلاه = والاوراق تـطـلــب ،،،، واســود الـحـبــر iiيـكـتــبّــه


مشكوووووور والله يعطيف الف عافيه

القصيدة الثامنه


أنا كيـف أعلّـم واحـد ٍ مايبـي iiعلمـي = إلا مـن نصحتـه كلمتـي iiماتسمّعـهـا
يروّح على سلمه ، واروّح علـى iiسلمـي = وحسنـات النصيحـة ربنـا iiمايضيّعـهـا
واحصّل حسب معرفتي ، وصبري ، وحلمي = رجال ٍ تقدّر صحبتي ... وانشغـل iiمعهـا
رجال ٍ علـى الطالـة تسلّـم iiوتستلمـي = وخل الخبول تـروح ... مانيـب iiتابعهـا
فلا خنجر ٍ كِسرت ، ولا سيـف iiمنثلمـي = وعميان الاريـا والبصـر مـن iiيقنّعهـا
وصحيح الخبر كم في زمنّا مـن iiالظلمـي = صحاح العقول مع المجنـن يجمّعهـا



القصيدة التاسعه


والقلب حبك ما نقص به وش تودي وش تجيب = مثل البحر طول الدهر ما ينقصه غير فذلي
ولا مثل هداج تيما عل و اشرب يا شريب = وان كان تبغى زود حبك زدت والمخرج ملي
دامك مصافيني وصافن لك بلا شك ٍ وريب = أرجوك خذ مني حديث القلب واسمع ما يلي
أصبحت شين في خيالي عن خيالي ماتغيب = قدرك تعلى واعتلى وانته بزينك معتلي
انت الهوا وانت النوا وانت الدوا وانت الطبيب = والله ما أعرف أوصفك ما لك شبيه ولا حلي
لكن فيه ملاحظات وخل لك صدر ٍ رحيب = مثل ما قالوا وسع الخاطر ولا تزعل علي
إليا زعلت أنا أعرف أن رضاك يا خلي صعيب = لكن ومع هذا أجي وأرضيك من زود جهلي
لامن غلطت أحاول إعتابك لكن مالي نصيب = إلا نظرتك ضاعت إعلومي وضيعت عملي
أشغلت تفكيري وصرت مع العرب كني غريب = وأخذتني عن باقي أصحابي وربعي وأهلي
وإذا وليت ارحم وقول الحق ما فالحق عيب = ترى الله الوالي ولا غير الله الوالي ولي



القصيدة العاشره / رد على قصيده مسنده إليه من الشاعر محمد الشيباني


لادعانا الندا .... واجب المردود = لو ّ بعض الدعاوي خصوصيــّـــة
أهلها اثنين ، ما يقبلون الزود = مير لي صاحب ٍ غيــّــر النيــّـــة
خابر انه منوّل غميق سدود = في سلوم الهوى ،،،، والهواويــّـــة
لكن اليوم علــــّــــم "حمد" و "حمود" = وانشروا قصته فــــ السعوديــّــــة
( يابن حياد ) مانتب رديّ جدود = عزوتك فــ اللــقـــا حد ّ "شبريــــّـــة "
صيتهم ذعذعت به هبوب النود = " الشيابين " حمـــّـــــاية الهـــيـــــّـــــة
شيخهم من ( يثوثي ) بروس " القود " = ( أخو هملا ) زبون الجلاويــّــــة
عــِــــدّ له فــ ( الحــَــمــَــل ) و ( الدّخول ) عدود = ثابت ٍ في جهتنا الجنوبيــّـــــة
يامحمد ....ترى المنهل المورود = مللنا فيه حاجة ضروريـــّــــة
كل متبرّجة ... ماوراها فود = سلعة ٍ خلها للشريطيـــّــــة
وانت دورك مضى يوم عزف العود !!! = فزت به .... يوم الاوضاع حرّ يـــّـــــة
يوم وقت الطرب ماعنـــِــك منشود = تشهد "الخاصرة " و " القويعيـــّـــة "!!
أشرطتكم توزّع بدون حدود = أنت ويــّــا "بطي" و " الحساويـــّــــة"؟؟؟
وانت ودّك هذاك الزمان يعود = مير بعض الاماني خياليــّـــــة
لوما اداريك قلت : استرح ياعــَـــود؟؟ = قبل تنحاش عنك العتيبيــّــة؟!!!!
وكان ما اقنعك علمي ( شرف* ) موجود = عان بيته ورا ( كبري الميــّـــــة )


القصيدة الحاديه عشر


عليك السلام ورحمة الله ياهاك البيت = أحييك ...وإلك العذر لو ما تحييني
لو إنك تعرف العلم لتحيتي رديت = على شأن معرفة ٍ جرت بينك وبيني
أنا أصد عن شوفتك بالعين.. لا مريت = أخاف ألتفت لك يذرف الدمع من عيني
حصيلي من الذكرى الحسايف وليت وليت = هاك الوقت يوم إن الليالي تمنيني


القصيدة الثانيه عشر / يصف فيها إبله


أفـرح ليامنـي توجـهـت لـلـذود = ويستانـس الخاطـر ليـا iiشفتهنـه
ذودي مغاتيـرٍ ولا طبهـن ســود = لو كان مافي السـود شكه وظنـه
مير الوضح عندي هن الكسب والفود = والطيـب والتقـديـر يستاهلـنـه
باسعى لهن وبذل لهن كـل iiمجهـود = أبـذل لهـن بالطيـب مافيـه iiمنـة
قنيتهن مـن دون غايـة ومقصـود = إلامحبـة فـي الحشـى iiمستكـنـة
أحبهـن حـبٍ لـه ثبـوت iiوشهـود = وأول شهـوده لـو حكـن iiهرجنـة
في عيونهن غلاي حاضر iiوموجـود = وفي قلوبهن لـي الوفـا iiوالمحنـة
لهن طبع ماهوب فـي باقـي iiالقـود = ولـو طالـت الأيــام مايخلفـنـة
في راس مفلاهـن ثقيـلات iiوركـود = مقهـورهـن لايمـكـن iiيفارقـنـة
مرابطـات حولـه مرابـط جـنـود = تقـول ذولـي شغلهـن iiيحرسـنـه
وان روحن وصيـح الراعـي iiبـزود = وأسبق من اللـي يكضمـن iiالأعنـة
تسمع ترازمهن تقـل غابـة وسـود = لو قدمهن مـوج البحـور iiضربنـه
واوصافهن لطبوعهـن قـد iiوقـدود = لو سابقـن كـاس المزايـن iiخذنـة
خشوم ووجيهـن حسينـات iiوخـدود = وكنها تعلق في السمـاء iiارقابهنـه
وسنام فوق الردف ووروك iiوعضـود = مصبوبةٍ مثـل الذهـب مـن iiمغنـة
والذيل شبر ونصف والغارب iiسنـود = فجـح المواخـر والخطـا iiيبعـدنـه
مفرودهن تقول مـا هـوب iiمفـرود = كنه ثنـي بالجـرم والوصـف iiكنـه
صيـوان حكـامٍ بالأطنـاب iiمشـدود = مـن كبـره يتعـب يديـنٍ ٍ iiبنـنـه
لو ان ماردهن على أبيـار iiوعـدود = ما حـال قـدم نحورهـن iiيدحمنـه
ذودي ليا طاح الحيا واخضـر iiالعـود = ما اردهـن عـن خايـع ٍ iiيشتهنـه
ما ازين معشاهن ليـا هبـت iiالنـود = مع العصيـر وصـار للعشـب iiبنـه
والبرق يبرق والمزن جالـة iiرعـود = إن كان برق الوسم وإن كـان كنـة
ذودي على حفظة موصينـي iiالعـود = وانا كـلام العـود ماصـد iiعـنـه
الشايب اللي ماكسـب علـم iiمنقـود = من شبتـه بـاد ٍ علـى راس iiقنـه
هو مسندي لا عـود العلـم iiمـردود = وانا امشي بشـوره ورايـه iiوظنـه
والطيب في اجواد العرب ماله iiحـدود =مااقول ملكـي وابعـد النـاس iiمنـه
واختامها بالمسـك وبريحـة iiالعـود = صلوا على اللي سنتـه خيـر iiسنـه



مـــ التحيه ــ ع


اضغط على الصورة لرؤيتها بالحجم الطبيعي















رد مع اقتباس
غير مقروء 07-Apr-2010, 09:15 AM رقم المشاركة : 23
معلومات العضو
فهد العازمي العتيبي

مشرف ديار واخبار القبيله


الصورة الرمزية فهد العازمي العتيبي

إحصائية العضو






التوقيت


فهد العازمي العتيبي غير متواجد حالياً

افتراضي

صح لسانه

الشاعر الكبير سفر الدغيلبي

وجزاله وقوة ابوسعد الله لايضرهـ

ولاهنت اخوي ...















التوقيع
للتواصل على تويتر

https://twitter.com/falotaibi5115


،،
رد مع اقتباس
غير مقروء 15-May-2010, 04:03 PM رقم المشاركة : 24
معلومات العضو
أبوبدر
عضو فضي
إحصائية العضو






التوقيت


أبوبدر غير متواجد حالياً

افتراضي

صح السانك وبيض الله وجهك















رد مع اقتباس
غير مقروء 23-Jun-2010, 09:39 AM رقم المشاركة : 25
معلومات العضو
عبدالكريم بن دايخ الزيادي
عضو
إحصائية العضو





التوقيت


عبدالكريم بن دايخ الزيادي غير متواجد حالياً

افتراضي

صح لسانك

يابو سعد

وعزالله انك

راع الاولة















رد مع اقتباس
غير مقروء 20-Oct-2010, 11:41 PM رقم المشاركة : 26
معلومات العضو
راعي الشوشلية

فراس الخمري


الصورة الرمزية راعي الشوشلية

إحصائية العضو






التوقيت


راعي الشوشلية غير متواجد حالياً

إرسال رسالة عبر مراسل MSN إلى راعي الشوشلية
افتراضي

رائع كما عودتنا بجديدك


تقبل مروري















رد مع اقتباس
غير مقروء 21-Oct-2011, 07:05 AM رقم المشاركة : 27
معلومات العضو
محمد الذيابـــي

مشرف منتدى قصائد الاعضاء


الصورة الرمزية محمد الذيابـــي

إحصائية العضو






التوقيت


محمد الذيابـــي غير متواجد حالياً

افتراضي

,,

بيّض الله وجهك على نقل مثل هاالجزاله والابداع.


,,,,,















التوقيع
التوقيع

محمد الذيابـــي
رد مع اقتباس
غير مقروء 29-Jan-2012, 01:18 AM رقم المشاركة : 28
معلومات العضو
عجاب الدغيلبي
شــــاعــر
الوسام الذهبي 
إحصائية العضو





التوقيت


عجاب الدغيلبي غير متواجد حالياً

افتراضي

الحقيقة ماقصرت ياعمر مجهود تشكر عليه والله لايهينك وبيض الله وجهك
لكن القصيدة التي أدرجتها في رأس الموضوع والتي صرحت بأنها مرثية سفر في الشاعر / عبدالله العير رحمه الله
هذه القصيدة ليست لسفر نهائياً ولم ينظمها ولكن قصيدة سفر سوف أدرجها لكم

وهي قد نشرتها جريدة الجزيرة العدد 11340
يوم الخميس 20 / شعبان 1424 هـ




يا ملفي ٍ عليّه بالخبر.. ما لفيت بخير=خبر موته اللي جعل خاتمته الجنّه
عسى الله يعفو عنك يا بو عبيد العير=ويغفر ذنوبك صاحب الفضل والمنّه
ترى فقدك اثقل من جبال الهدا والنير=جداي اصفق الكفين.. وأجاذب الونه
عليك العيون من السهر صابها تأثير=لهن حق يوم النوم عقبك يعافنّه
وعليك الضمير تلاوعه مثل نار الكير= وجسمي عظامه فاترة ما يقلنّه
وعليك اللسان يعجز لا يفصح التعبير=ولا ينطق ألاّ.. آه.. ليته.. ولو أنّه
وعليك الفواد اشبه بطيرٍ يتل السير=يبي ينطلق.. لكن سبوقه يردنّه
أبا ابكيك يا بن عبيد ليل وضحى، وعصير=على شان جرحٍ خافي ما قدر اكنّه
وأبا انوح من فقدك مثل ما ينوح الطير=وابا اجيب من فرقاك ما «الورق» جابنّه
أبا ابكي معك (يا عبيد) لو انت ورع صغير=على أبوك.. يوم أن المقادير خاننّه
ابوك الذي صخر بيوت الشعر تصخير=بقت سيرته من طيب شعره، ومن فنّه
عليه «الملاعب» تكثر الحزن والتفكير=وعليه المعاني كل دمعٍ يهلنّه
ويبكيه حتى «مكبر الصوت» و«التصوير»=فقيدة.. بيوت الشعر وشلون ينسنّه؟
وغير الشعر مشهور بالطيب والتقدير=ضعاف الأمور الساقطة ما يهمنّه
ونظف السريرة.. والصراحة.. وغير وغير=ومع صاحبه صافي، ولا يرتدي ظنّه
يا ليت الليالي مهلّت له ليالي.. مير...=خذنّه بغدر... وما خذن ما يردنّه
لكنّ العوض في روسكم يا رجال (مطير)=وش نقول.. دام الموت للآدمي سنّة؟؟


كذلك مطلع مرثية سفر في الراحل صياف السحيمي ليست كما أدرجتها ولكن الصحيح

يلي تعزون حرب بموتة الراحل=أنا أكظم الغيظ ما ألقى من يعزيني
هذا ما أردت توضيحه لتبيان الحقائق فقط تقبل مروري















رد مع اقتباس
غير مقروء 18-Mar-2012, 05:50 PM رقم المشاركة : 29
معلومات العضو
أبو سلطان الشيباني
عضو
إحصائية العضو






التوقيت


أبو سلطان الشيباني غير متواجد حالياً

افتراضي

أبيض وجـــه يابو سعـــــــد ياشاعر الهيلا
وأخص بالشكر الأعضاء عمر الدغيلبي وكذلك الأخ العزيز عجاب الدغيلبي على المجهود الطيب















رد مع اقتباس
غير مقروء 18-Mar-2012, 06:48 PM رقم المشاركة : 30
معلومات العضو
حسين البقعاوي
عضو نشيط
إحصائية العضو





التوقيت


حسين البقعاوي غير متواجد حالياً

افتراضي

اقتباس:
المشاركة الأصلية كتبت بواسطة عمر الدغيلبي مشاهدة المشاركة
القصيدة الثامنه


أنا كيـف أعلّـم واحـد ٍ مايبـي iiعلمـي = إلا مـن نصحتـه كلمتـي iiماتسمّعـهـا
يروّح على سلمه ، واروّح علـى iiسلمـي = وحسنـات النصيحـة ربنـا iiمايضيّعـهـا
صح لسانك

أبيات جزلة















رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »02:29 PM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي