ياناشدن من قال انا اصلي حافي

[ماجد بن نايف]

اقدم لكم اليوم هذه القصيده تخليدا لانساب وامجاد فرسان قبيلة الحفاة

بسم الإله الخالق الرحمن=اللي له التبجيل والاحسان
اللي فرض خمسن لزوم إتصلا=في محكم التنزيل والقران
بديت وابديت البدايه بالله=الرازق المتعالي المنان
راسي يشوش ويبتدع من بدعه=من بدع راس الشايش الطربان
قصيدتن مني وانا اسمي ماجد=بن نايف الهذال ابن سمران
اذكر بها ربعي عظام المجنا=وجابت الماجوب للضيفان
الاد حافي عز منهم ربعه=من روق من طلحه من العتبان
من روس طلحت روق ربعي عزي=الاد حافي غربل العدوان
اللي لهم بالمجد مجدن يذكر=وتاريخهم تاجن على التيجان
ياناشدن من قال انا اصلي حافي=مقسومه الحافيه لقَسمان
ف هم ذوي صقرن وهم ذي ربعي=دواهين لامجادهم تبيان
احدن معه سفين واحد له شلفا=واحد معه بارود فوق حصان
منهم ذوي صقرن ثقال الركزه=بيت الشعر حافي وهم عمدان
وذوي صقر خمست فروعن تفرع=ذوي كليب ومروي ومروان
والرابع المعاتمه رابعهم=والخامسه منهم ذوي حمدان
ربعن دواهيه سعوط إمجنن=موتى قلوب محنكة شجعان
الباس والنوماس ساسه فيهم=والهيبه اللي هيبة السلطان
والروز والراكوزه ام اللكزه=والسيف والبارود وكحيلان
امجادهم تذكر ولاهي تنسى=ذوي صقر نطاحة الفرسان
اصغر ولد فيهم يكف الهقوى=يقلب طحاطيح العرب طليان
ذباحة الحايل على ماجوبه=والهيل والعود ازرق الدخان
منهم علا طلحة وشيخة طلحه=جعيلان ابن عياد ب إدهمان
وبندر على الشيخه تومر ساجر=وعقبه على ناصر ولد فيحان
ورشاش راع الدرع راس الحربه=زبن الدخيل إمنزح العدوان
وهذال ابن نامي عقيد الغزوه=فخر الرجال امرجح الميزان
وسمران يشهد بالكرم فعلن له=هدو البكار ونوخة القعدان
شيخن يبين الطيب ضمن فعوله=بالمرجلات وشجعت الشيخان
وعقبه على الصولات جاب محمد=إمحمد الفارس ولد سمران
وان جيت لافعال اللقى بالجبهه=خص الغفيلي فارس الضينان
تاريخ للضينان ما يهضمهم=ويثبته بالفعل سيف الضان
ادهى من الفرسان في جمحاته=يهين روس القوم ما ينهان
ويشهد لذي مروي زبار وصايل=فرسان تجنح مجنح الطوفان
وضيف الله العياد من ذي مروي=سم القلوب بسيفه الطعان
وزايد بن حريميس فعله يشهد=طراح ابن لبده من إقحطان
وتشهد لهم بندق علي بن واصل=راع العموده داخل الميدان
فريّستن ما ينسى ماضيهم=من ماضي التاريخ لين الان
يشهد لهم يوم القعد وافعوله=مع بن رشيد وجيشه الفتان
فعلن لذي صقرن يتم مشيد=في محفل التاريخ والقيفان
وتشهد لهم بنت العبيه ماضي=يوم انها جتهم من الدوشان
بالسيف والعزم القوي والمطغى=افعال ذي صقر اشجع الشجعان
وان جيت للتقسيم في ذي ربعي=عشرة فخوذ يشيخها التومان
منهم ذوي عوين مع ذي وافي=ومن ربِعي الرقاص والودران
والسادس المهاثله سادسهم=وذوي طميل وثامن الجحفان
والتاسع المقعار من ذي ربعي=والعاشر اليبس وهم دهيان
وذوي طويق امارتن معروفه=جاهيتن يحسب لها الحسبان
افخاذ شملن تجتمع في حافي=وقت اللقى جمعن سوات اخوان
الاد حافي جمع سقم العادي=لاطبل الطبال للدندان
يشهد نطاق إمع الرشيد وشمر=ومن حالفه من باقي العربان
كم شمرية صيحت بالغبه=تطنا حناها طنية العصيان
قولن لابن يابس سعود اليابس=مثبوت فيما توزن الاوزان
وتشهد لهم عنز المفيضه سابق=ويشهد سجا في حضرت المطران
افعال روسن فرستها طلحه=للأن من ماضي قديم ازمان
الاد حافي لا اعتزوا في حافي=تهتز من ساجر اليا الصمان
وقامت تطوش الروس من ماتنها=وثارت تصفق دونها البيبان
في ضل اخو نوره عزيز الجاهه=ضل الشعوب إمعرب الجدان
اللي زمام الحكم لله ثم له=بالشرع والسيف الحدب شامان
هذا قصيدن لي وذولا ربعي=من بدع شوشت راسي الطربان
قصيدتن مني وانا اسمي ماجد=بن نايف الهذال ابن سمران

مع ودي ..
ماجد بن نايف بن هذال

[فيصل المسعودي]

والله وسبعين ألف نعم في الحفاة

ولا تكفيهم

صح الله لسانك يا ابن هذال

تحياتي

[الرأي الآخر]

ونعم والله ..

..

[علي الدعجاني]

ونعم ونعم

بشلوة الكفار

واافين وفعولهم وافيه

صح لسانك


ولاهنت

[عـقـــــــــــاب]

يشهـد نطـاق إمــع الرشـيـد وشـمـر=ومــن حالـفـه مـــن بـاقــي الـعـربـان
كـــــم شـمــريــة صـيــحــت بـالـغــبــه=تـطـنــا حـنـاهــا طـنــيــة الـعـصـيــان
قولـن لابـن يابـس سـعـود اليـابـس=مــثــبــوت فــيــمـــا تـــــــوزن الاوزان

و الله وستيييييييييين نعم يالاد حافي كفو كفو كفو

صح الله لساااااااااااااااانكـ
.................................................. .................................................. .................................................. .....

كم صاح غب الكون من شمريه=حناها طناها حنية الباكور
تبكي على ابوها وخوها وعمها=معقب في اقصى الضمير حرور
على مورد الهياب جرت صياحها =بعد طاح منا والرمك دعثور

سعود بن لفاي اليابس الحافي

.................................................. .................................................. .................................................. ...

[بجاد ابوديه]

• ماجد ابن نايف
  بهذه القصيده
  التي تعتبر من عيون الشعر
  فيما يتعلق بالانساب ومن حيث الجزاله
  واستعراض الماضي البعيد كتب الكثير الموجز في بيوت قصيدته
  عن نسب قبيلته
  كانه كتب صفحات موثقه عن نسبها وتاريخها
  شاعر وملم وله منا الشكر والتقدير على ذلك

آخر تعديل بجاد ابوديه يوم 26-Aug-2011 في 07:37 PM.

[شامان]

هذه القصيدة تعتبر نبذة وافية وكافية عن قبيلة الحفاه
تحدث الشاعر فيها عن تقسيمات الحفاه وعن فرسانهم وعن وقعاتهم المعروفة
وقدّم ايجازاً لمفاخر ربعه ، وخصالهم الكريمه .
وهذه تعتبر بادرة طيبة يشكر عليها الشاعر في تمجيده لـ امجاد ربعه
وفعلاً هي اشبه بـ مرجع في الانساب والوقعات واسماء الفرسان
وفكرة لم يسبقه اليها احد .



ماجد بن نايف بن هذال

الجزالة والابداع والتفرد في الفكرة ، كان لها هنا نصيب الاسد .

كتبت انت هنا بقلم لا يجيد الكتابة به الا الكبار


رائعه واكثر من رائعه ، ولا غرابه عندما نجد الجزالة الشعرية
حاضرة في هذا النص الراقي ، فأنت تنهل من مدرستين شعريتين
يستفيد منها جميع متذوقي الشعر الحقيقي

المدرسة الاولى : والدك الشيخ نايف بن هذال اطال الله في عمره ..
والمدرسة الثانية : عمك شاعر الوطن اللواء خلف بن هذال ..



انت مبدع واكثر من مبدع ياماجد ..

صح لسانك عدد حروفها

ودمت باحسن حال

[سعد بن مطلق المقاطي]

الله الله

صح لساااااانك

هاذي ليس قصيده هاذي تعتبر ملحمه وتعتبر من افضل ماقيل في الفخر وفي الانساب

والله ونعم فيك وفي ربعك والحقيقه انك بحرت في التاريخ ولاقصرت وتحرمنا من جديدك


ولك كل تقديري واحترامي

التوقيع

ديــــــــــــــــواني

[العــــــــابر]

والله ونعم بالاد حافي

صح لسانك يالنشمي

التوقيع

سبحان الله وبحمده سبحان الله العظيم سبحان والحمدلله ولااله الا الله والله اكبر ولاحول ولاقوة الا بالله

[محمد الذيابـــي]

لاهنت على النقل يالغالي

التوقيع

التوقيع محمد الذيابـــي