مصافحة أولى

[صقر سليم]

السلام عليكم ورحمة الله وبركاته

تقبلوا هذي المصافحه الاولى ,, والقادم أفضل بإذنه تعالى

نطلبـك يارحمـان ياقيـوم ياغافـر لاحـول=ولاقـوة إلا بـك وتهدينـا طريـق الميمـنـه
يالله تكتـب لأمـة الإسـلام عـزً لا يــزول=وهيبة عظيمـه وأنـزل الكفـار ذل ومسكنـه
في بداية العام الجديـد أهنـي الأمـه وأقـول=يالله عسى هذي السنة ماهي مثل ماضٍ السنة
ماضٍ السنة فيها مصايب للعرب عرض ً وطول=وفيها علينـا أمـة الإسـلام أمـورً محزنـه
أكبر جريمة ماتهاونـا بهـا شتـم الرسـول=أزكى صـلاة الله عليـه اللـي تعلمنـا منـه
الدين كلـه والكرامـة والمعـزة والوصـول=وحقوق الإنسان تحفظها كـل نفـسً مؤمنـه
ولايجيك الشر دايم غيـر مـن روس الخبـول=أشبـاه بابـا الفاتيكـان وحزبـه الله يلعنـه
ولا كـلاب الدنمـارك اللـي يدقـون الطبـول=شلـة ورى شلـة بخيبتهـم طـوال الألسنـة
نفداك ياسيد البشـر بأرواحنـا قـول وفعـول=لابو الحياة إن كان سيد الخلـق ماذدنـا عنـه
بقيادة اللي دون عـز الديـن مايقبـل حلـول=يعيش أبو متعب زعيم وعزتـه مـن معدنـه
مليكنا حامي حمـاة الديـن شيـال الحمـول=وولي عهده كل علم يصيـر صوبـه يضمنـه
والحمـد لله كـل قادتنـا حكيميـن العـقـول=ضد اليهود اللـي عداوتهـم للأمـة مزمنـه
وأهل الخيانة شلة الإرهاب لو صـاروا فلـول=أما انتهوا بالطيب ننهـي وضعهـم بالملعنـه
الكل منهم خادم أهل الشـر والفكـر مغسـول=لو يدعّي بالدين يخسى اللـي يخـرب موطنـه
وأكثر شعوب الشرق الأوسط في مواقفهم ميول=وأميركا تفرض على جـل الشعـوب الهيمنـه
وإعدام صدام العراقي يوم عيـد النحـر هـول=هذا انتهاك لحرمة الأديـان فعـلاً مـا افتنـه
والمحكمة تمويـه ومجـرد ذريعـة للعجـول=توقيتهـم فتنـة عـدو وفعلـهـم يامجبـنـه
والدولة العبرية اكبر شـر وتصـول وتجـول=مايحترك بوش الأمريكي ليـن سيـره تدهنـه
ينظر لها بشموخ ويطالع لنـا بعيـون حـول=لكن حتى بوش خاسـي والحصـون محصنـه
وتصارع الشعب الفلسطينـي مثيـراً للذهـول=عدوهم يمـرح وفيهـم كـل حاجـة ممكنـه
المشكلة رغم التصـارع لا شـداد ولا ذلـول=المعتدي يطعن بجنبـك وانـت جنبـك تطعنـه
والوضع في لبنان والله فيـه للأمـه خجـول=شتات صف بوقـت محتاجيـن فيـه الوحدنـه
وأهل العراق الله يصلح شأنهم شعب معـزول=التفرقه رغم المشاكـل والحـروب الطاحنـه
ومرور من دارفور بالصومال تصفية الإصـول=ناهيك عن كابل وقبله كـان حـرب البوسنـه
ماقلتها والله شماته ميّـر مـن هـمً يصـول=الدين والدم السعـودي رغـم بعـد الأمكنـه
حنا ترى شعب وقيـادة فـي مواقفنـا نطـول=واللي يسـب الديـن نلعـن خيّـره ونجننـه
واللي حفر حفرة لغيره مـن عـدا ولا جهـول=في الحفره اللي كان حافرهـا لغيـره ندفنـه
من ماضي الايام كـم منـا رياجيـلً زحـول=وافعالهم تاريخ مـن ذيـك السنيـن مدونـه
واليوم وقفتنا مع الإسلام تشهدهـا الفصـول=والوقت متقلب علـى وجهيـن محـداً يأمنّـه
منا الدعـاء ياحـي ياقيـوم ومنـك القبـول =الله يكفينـا المصايـب والأمـور المحـزنـه