الى غازي بن غالب

[الاد الكريزي]

بسم الله الرحم الرحيم


السلام عليكم ورحمة الله وبركاته

قصيدة موجهه الى اخوي وبناخي وابن عمي /
غازي بن غالب الدعجاني
اتمنى ان تنال اعجابكم

سلام مني عد ما غرد الطير=وعداد ما هبت هبوب الشمالي
سلامن احلى من حليب المباكير=واصفى من العد القراح الزلالي
للصاحب اللي مثل ابانات والنير=له ماقف ما غيرته الليالي
الصاحب اللي في ليال المعاسير=يرسي كما ترسي رواسي الجبالي
غازي ولد غالب زبون المخاسير=معرب ما بين عم وخالي
من روس قوم ينطحون الطوابير=الاد مفلح محتمين التوالي
لا ثور البارود مثل المعاصير=وجا للرمك وسط القتام اجتوالي
يثنون فوق معسكرات المسامير=والهم على طرح المجوخ مدالي
يا صاحبي وين انت يالله عسى خير=من العام ما جاني ولو اتصالي
ادق وارسل لك رسايل بتقرير=وبذيت خلق الله عليك بسؤالي
مرات ادور لك عذر وأي تبرير=وأقول فال الله ولاهوب فالي
واليوم لا ما هيب لحية معاذير=ماهيب عادة يا ظريف العيالي
ان كان ما سيرت جينا مسايير=ويلحقك مشروهي على كل حالي
يلحقك يوم ان لك معزة وتقدير=ويوم انك الاول ولا انته بتالي
أشره على الطيب واجنب عن الغير=لا هوب لا مكسب ولا راس مالي

[عبدالرحمن الهيلوم]

صح السااااااااااااانك ويستاهل ابو عتب

[طايل]

صح لسانك
قصيدة جزله
في رجال يستاهل

[>>الامبراطور<<]

صـــح لــســـانك
صـــح لــســـانك
صـــح لــســـانك


قصيدة جزله

في رجال يستاهل

[جراح البرقاوي]

صح لسانك
قصيدة جزله
في رجال يستاهل

[سعد السعود]

صح لسانك والممدوح يستاهل

[مرزوق حمدان العتيبي]

...
.
الاد الكريزي صح لسانك .. قصيده شامخه كشموخك
وشموخ من اسندتها عليه ...
والله ومليون نعم بكم ياثنين .. .. ... وننتظر ردها من غازي..
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[أبو نجر النفيعي]

..

الله الله يالاد الكريزي ..

صح لسااانك واعتلا شانك .. قصيدة جزله من راس جزل بلا شك ..

وكفو وكفو من اسنتدها اله ..



أخوك

التوقيع

.....

[الاد الكريزي]

الهيلوم
صح بدنك
لاهنت على المرور

[الاد الكريزي]

طايل
صح بدنك
مشكوووور