مشاركتي في حفل مزاين عتيبه

[ليتك معي]

بسم الكريم المعتلي باالسماء فوق =الي يجازي كل نفسن بعملها
اختار من جزل الطواريق طاروق =ومن المعاني جزلها عن هزلها
حشمه وشيمه جعلها ترضي الذوق =بمزاين الهيلا وقفت ارتجلها
اعتيبه الي صيتها عزمـــرموق =كل الخصال الطيبه تشتملها
خيالهم ماهو علي الفعل مسبوق =فعيله با الكون محدن فعلها
يسوق عمره دونها للخطر سوق =ون طب سوق المايلات ايعدلها
باالفهم والمفهوم والعرف ماثوق =خصايلن ماكل رجل يحملها
يوم القبايل بينها فرق وفروق =وإلي عليها مثل ما قيل ولها
بحماتكم تراعى الخطر شمخ النوق =لاسيقت العطفه ودرهم جملها
واليوم بمن الي عسى مالهم عوق =حكامنا الي ما ندور بدلها
بمن وامن وكل مطرود ملحوق =من فضل ابو متعب محقق املها
مبروك يا برقاء ومبروك يا روق =وان الثقيله مالها غير اهلها
عبرت ما كنيت من دافع الشوق = من شاعرن عذب المناهل نهلها
قلته وانا ماني عن الطيب مفهوق =ولاخاب رجلن جهوده بذلها
ولي وعليه مثل ماليه احقوق =وقبيلتي تعرف ولحدن جهلها
حربي وليه قمة الطيب معشوق =وربعي حمول الخيل تشفي عللها
تشفي غليل الي من الغبن محروق =في ضف ابو جلال مخلي احللها
وعلي النبي الهاشمي خير مخلوق =ازكى صلاة الي حياتي كفلها

دباس بن ردن العلوي الحربي

[السميــــــري]

دباااس الحربي ...

اعتيبه الـي صيتهـا عزمرمـوق
كـل الخصـال الطيبـه تشتملهـا
خيالهم ماهو علي الفعل مسبـوق
فعيله با الكـون محـدن فعلهـا
يسوق عمره دونها للخطر سـوق
ون طب سوق المايـلات ايعدلهـا


صح لسانك يامبدع ..
والوفاا ليس غريب من قبيلة حرب ..

لاهنت ..

[ليتك معي]

هلابك الالخ الفاضل السميــــــري

وصح بدنك وتستاهل عتيبه المدح فهم اهلين له

وكفو با الهيلا ويعطيك العافيه علي تعطير مشاركتي بحضورك العذب



وتقبل مني فائق التقدير
دباس الحربي

[>>الامبراطور<<]

هلا بك ...
يا ابو حرب بين ربعكــ العتبان

[ليتك معي]

هلابك الاخ الفاضل >>الامبراطور<<


ومنور مشاركتي وانا من عتيبه وعتيبه مني

ويشرفني التواجد بينهم



وتقبل مني صادق الود
دباااااس الحربي