الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > المنتديات الأدبية > قصة وقصيدة

« آخـــر الـــمـــشـــاركــــات »
         :: يا مرحبا يالسدارى يا خوال الملوك (آخر رد :طيرالرياض)       :: هذه القصيدة من كلمات الشاعر : عبدالله زبار المربوب العتيبي في ابن عمه بدر بن مذكر ال (آخر رد :طيرالرياض)       :: خاب قايلها ولاهي خيبتني (آخر رد :الرمح 511)       :: يهيض هجوس الشاعر المبدع الحساس (آخر رد :الرمح 511)       :: غربة الفرح (آخر رد :الخضارمي)       :: من قصايد الشاعر متعب الوحيدب 1 (آخر رد :متعب الوحيدب)       :: 19 قصيدة لشاعر متعب الوحيدب (آخر رد :متعب الوحيدب)       :: 19 قصيدة لشاعر متعب الوحيدب (آخر رد :متعب الوحيدب)       :: ياشين بعض الناس لو انه قريب (آخر رد :الرمح 511)       :: مواقع بكل اللغات يسرد سيره الرسول صلى الله عليه وسلم يوضح الاسلام أرجو ألتثبيت (آخر رد :ابوعلى ابوعلى)      

إضافة رد
 
أدوات الموضوع انواع عرض الموضوع
قديم 26-Mar-2012, 09:42 PM رقم المشاركة : 1
معلومات العضو
الغضنفر
عضو ماسي

الصورة الرمزية الغضنفر

إحصائية العضو






التوقيت


الغضنفر غير متواجد حالياً

Post قصيدة المعلمه شافت حبيبها جاي يسجل ابنته بنفس المدرسه

مما راق لي





قصيدة المعلمه سارة يوم شافت حبيبها جاي يسجل بنته :

يانوره بالله اسمعي لاتصدين
يابنت حرن مركزه بالصداره

شي جرالي قسم القلب قسمين
وابلا ملامه افهمي للعبارة

باول دوام المدرسه يوم الأثنين
معلمه في وجه باب الأداره

وقفت باللجنه على سادس اثنين
مثل المجند ينتظر للأشاره

هاذي تنادي وهاذي ابله انا وين
زحمه وتو اليوم بأول نهاره

اصوت لثنتين وبيدي ثنتين
نوره مضاوي عايشه مي ياره

وسمعت صوتن رجع القلب لسنين
صوت الذي اسمه بنقش السواره

اختي عن اذنش ناقل البنت هالحين
تفضلي الأوراق والأستماره

عجزت لا اجاوب ولا ارمش العين
طول سكوتي وهو طال انتظاره

حسيت ان الدم مثل البراكين
شريان قلبي وصل حد انفجاره

ورفعت راسي وصارت العين بالعين
ولمحت في عينه سواة الشراره

هو هو والا واهمه ياالرزينين
زوله ورفعة حاجبه مع سماره

لا ماتغير فيه ياكود شيين
حف الشنب والشيب زاد بوقاره

اتلا علاقتنا ثلاثه وتسعين
باول حلاة العمر قبل انكساره

الشاهد الله ماحصل بيننا شين
ولا يخدش احساس بنت وعذاره

نعم الحبيب اللين الطيب الزين
ونعم الرفيق اللي حفظ حق جاره

ياوجه ابوي الوجه مرحب وسهلين
لا يابعد روح ومعاليق ساره

ودي المه وودي اصيح بس وين
مثل الكسير اللي نشب وسط غاره

مايستطيع المشي من دون رجلين
وحوله جنودن تشتهر بالشطاره

ياللأسف هالحين صرنا غريبين
حكم القدر واصدر علينا قراره

الهم والغربال والفقد والبين
وانا اسيره تنتظر للزياره

ويلي على لاماك ويلاه ياحسين
يامن يجمعنا واسوق البشاره

ساره وسكت له لحظه كنها سنين
واقفا واشوفه يوم شب الزقاره

رد حسين على قصيده معشوقته القديمه ساره
يامرحبا ياغايتي ياهلاوين
يابنت عودن فيه طيب ونعاره

لا يابعد كل البنات المزايين
يافرحت المظلوم يوم انتصاره

من يوم ماغبتي وانا ماني بزين
ضايق واحس القلب طال انتظاره

دايم على بالي وانتي تمرين
واقول يفدوها جميع العذاره

لو الليالي ترجع لعشرة اسنين
ماكان شفتي الشيب زاد بوقاره

لا مانسيتك من ثلاثة وتسعين
وشلون ابنسى حب واضح مساره

تدرين شاللي هزني يوم الأثنين
واللي ذبح قلبي بأول نهاره

زولك لمحته يوم كنتي تمشين
بين الصفوف اقبال باب الأداره

وفز الخفوق وقلت ياربي تعين
هي هي ولاهي شبيهه لساره

جيتك وقلت ابنقل البنت هالحين
تفضلي الأوراق والأستماره

طول سكاتك والبلا العين بالعين
ضقت واحس بضغط مدري حراره

وخانتني الدمعه وطاحت من العين
كني طفل يبكي مضيع دياره

بحط بنتي عندك بسادس اثنين
عشان اكثر جيتي بالزياره

واليا دخلت الصف لازم تخشين
اسمي لانه مسجلن بالسواره

وامانتك انك عليها تخافين
لحدن يضايقها بأيت عباره

بصارحك في شي يمكن تحسين
ان الزمن اقفى علينا قطاره

انا سمعت ان اكبر عيالك حسين
وانتي اكيد انك سمعتي بساره















آخر تعديل الغضنفر يوم 26-Mar-2012 في 09:49 PM.
رد مع اقتباس
قديم 27-Mar-2012, 04:22 AM رقم المشاركة : 2
معلومات العضو
محمد الذيابـــي

مشرف منتدى قصائد الاعضاء


الصورة الرمزية محمد الذيابـــي

إحصائية العضو






التوقيت


محمد الذيابـــي غير متواجد حالياً

افتراضي

..



صح لسااانه


قصة حزينه واظن ان حسين هو ابو سعود


هههههههههههههههههههه















التوقيع
التوقيع

محمد الذيابـــي
رد مع اقتباس
قديم 27-Mar-2012, 11:01 AM رقم المشاركة : 3
معلومات العضو
عزارم

رابطة محبي الهيلا


الصورة الرمزية عزارم

إحصائية العضو






التوقيت


عزارم غير متواجد حالياً

افتراضي

القصيدة والقصه أحس أنها من نسج خيال
من شاعر واحد

س/ كيف يزور بنته في المدرسه ؟ مايدخل ممنوع






أما ان كانها قصيدتها عز الله ما قصرت يالغضنفر وشكر لك ياطيب















رد مع اقتباس
قديم 27-Mar-2012, 02:01 PM رقم المشاركة : 4
معلومات العضو
الغضنفر
عضو ماسي

الصورة الرمزية الغضنفر

إحصائية العضو






التوقيت


الغضنفر غير متواجد حالياً

افتراضي

مرورك شرف لي يامشرفنا المبدع وحلوه منك يامحمد ههههههههههههه















رد مع اقتباس
قديم 27-Mar-2012, 02:07 PM رقم المشاركة : 5
معلومات العضو
الغضنفر
عضو ماسي

الصورة الرمزية الغضنفر

إحصائية العضو






التوقيت


الغضنفر غير متواجد حالياً

افتراضي

اخوى عزارم جننتني جننتني انت ماتكب التحاليل عنك من طرف واحد انت ماتمشى شى ابك هاذى سالفه
حصلت باالفل علي المعلمه ساره ولاخ حسين.......... عقتني يامسلم هههههههههههههههههههههههه















رد مع اقتباس
قديم 27-Mar-2012, 02:40 PM رقم المشاركة : 6
معلومات العضو
محمد الذيابـــي

مشرف منتدى قصائد الاعضاء


الصورة الرمزية محمد الذيابـــي

إحصائية العضو






التوقيت


محمد الذيابـــي غير متواجد حالياً

افتراضي

ياعزارم لا تدقق على شايبنا


هههههههههههههههههههه















رد مع اقتباس
قديم 27-Mar-2012, 02:52 PM رقم المشاركة : 7
معلومات العضو
ابو ضيف الله
مشرف عـام

الصورة الرمزية ابو ضيف الله

إحصائية العضو





التوقيت


ابو ضيف الله غير متواجد حالياً

افتراضي

اقتباس:
المشاركة الأصلية كتبت بواسطة عزارم مشاهدة المشاركة
القصيدة والقصه أحس أنها من نسج خيال
من شاعر واحد

س/ كيف يزور بنته في المدرسه ؟ مايدخل ممنوع



أما ان كانها قصيدتها عز الله ما قصرت يالغضنفر وشكر لك ياطيب

لا تدقق يا عزارم

اشك انها قصة خيالية ويمكن تكون في الكويت

او المدرسة حسب الضوابط الشرعية 2012

]















التوقيع
قال الشافعي رحمه الله: أركان الرجولة أربع: الديانة والأمانة والصيانة والرزانة.

قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة.


اضغط على الصورة لرؤيتها بالحجم الطبيعي

اللهم أنصر من نصر الدين وأخذل من خذل الدين
رد مع اقتباس
قديم 27-Mar-2012, 03:03 PM رقم المشاركة : 8
معلومات العضو
محمد الذيابـــي

مشرف منتدى قصائد الاعضاء


الصورة الرمزية محمد الذيابـــي

إحصائية العضو






التوقيت


محمد الذيابـــي غير متواجد حالياً

افتراضي

اقتباس:
المشاركة الأصلية كتبت بواسطة ابو ضيف الله مشاهدة المشاركة
لا تدقق يا عزارم

اشك انها قصة خيالية ويمكن تكون في الكويت

او المدرسة حسب الضوابط الشرعية 2012

]



هذا التحليل والا بلاش















رد مع اقتباس
قديم 27-Mar-2012, 03:25 PM رقم المشاركة : 9
معلومات العضو
عزارم

رابطة محبي الهيلا


الصورة الرمزية عزارم

إحصائية العضو






التوقيت


عزارم غير متواجد حالياً

افتراضي

اقتباس:
المشاركة الأصلية كتبت بواسطة الغضنفر مشاهدة المشاركة
اخوى عزارم جننتني جننتني انت ماتكب التحاليل عنك من طرف واحد انت ماتمشى شى ابك هاذى سالفه
حصلت باالفل علي المعلمه ساره ولاخ حسين.......... عقتني يامسلم هههههههههههههههههههههههه

ههههههه لازال ابو ضيف الله موافقني يالغضنفر وتحليله خطير وانا هه ماعاد اني قايل شي
لك مني أسكت


اقتباس:
المشاركة الأصلية كتبت بواسطة محمد الذيابـــي مشاهدة المشاركة
ياعزارم لا تدقق على شايبنا


هههههههههههههههههههه


ماعاد ورى تدقيقك يامحمد ماشاء الله عليك صبت الهدف

وشايبنا الله يطول في عمره غضنفر كلنا نهابه


اقتباس:
المشاركة الأصلية كتبت بواسطة ابو ضيف الله مشاهدة المشاركة
لا تدقق يا عزارم

اشك انها قصة خيالية ويمكن تكون في الكويت

او المدرسة حسب الضوابط الشرعية 2012

]



ههههههه لا تدقق وزودت التدقيق الله يعطيك العافيه















رد مع اقتباس
قديم 27-Mar-2012, 09:37 PM رقم المشاركة : 10
معلومات العضو
الغضنفر
عضو ماسي

الصورة الرمزية الغضنفر

إحصائية العضو






التوقيت


الغضنفر غير متواجد حالياً

افتراضي

بسم الله الرحمن الرحيم ولا حول ولا قوة الاباالله حلحين افردن عزارم يطلعلي ابو ضيف الله ذولي ويش يرضيهم يانس هههههههههههههههههههه وبعدين الكويت وسعوديه ماهي كلها دول خلبجيه ههههههههههههههههههههههههه


مع الشكر ل محمد الذيابي ولخ الي معقدنى عزارم النشمي والمشرف الغالي ابو ضيف الله















آخر تعديل الغضنفر يوم 27-Mar-2012 في 09:39 PM.
رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »09:27 PM.


 Arabization iraq chooses life
Powered by vBulletin® Version 3.8.2
.Copyright ©2000 - 2018, Jelsoft Enterprises Ltd
اتصل بنا تسجيل خروج   تصميم: حمد المقاطي