الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > منتديات قبيلة عتيبة - الهيلا > شعراء قبيلة عتيبة

« آخـــر الـــمـــشـــاركــــات »
         :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)       :: الشيخ عبدالله ابن جزعاء العازمي جمع غير الفروسيه الحكمه والفكر السياسي وبعد النظر (آخر رد :متعب الوحيدب)      

إضافة رد
أدوات الموضوع انواع عرض الموضوع
غير مقروء 21-Apr-2011, 10:28 AM رقم المشاركة : 1
معلومات العضو
أبن حشيان
شــــاعــر

الصورة الرمزية أبن حشيان

إحصائية العضو






التوقيت


أبن حشيان غير متواجد حالياً

افتراضي مجـــاراهـ بيـــن عيـــد المرشدي وحجابــ بن مرزوق المرشدي

قـم يا نديبـــي وانتهــض نهضــه الطيــر ... طيـــرن من الماكــر يبــى عالــي الجـو

و احمـل جوابــن فيــه للقــاف تسطيـــر ... و شلــع على اللـي لا مشى يقطـع الدو

جيبــــــن من اليــــابــان ورّد بتصــديــر ... يـــم الخليــج و يوم ناســن لهـــا أغلو

عزمـــه ليـــا شلـــع تقـــول انه يطيــــر ... ولونــــه ليا عـــرض كما مظلــم النــو

و ليــا كشـــح نـوره مثــل بارق الخيــر ... و اصطــب خلفيـــه كمـــا جمـره الضو

يطـرب له اللي وسط راســه سعاطيـــر ... و يفـــرح به اللــي عنــه ربعــه تنــحّو

من ساحــل الشرقيـــه يـــروح عصيــر ... وعقــب العشـــاء عفيــف خــلاه تنـحو

ملفــاك قرمــن ما يحــسب المخاسيـــر ... اللـــي خصومـــه من ملاقــــاه هابــــو

حجـــاب ابن مرزوق ريف المناعيـــــر ... اللـــــي ليــــــا من المناعيــــر عـــــدو

اسمــــه مع اولهـــم يجي فيه تشهيـــر ... حــــرن ولـــد حـــرن ولا هـــو ولـد دو

قلــه يقـــول القـــوس وش التباصيـــر ... في وقتـــي اللي حـط في كبــدي السو

ليـــا بــــدا لـــي مطلبــن سهل و يسير ... قـــــام يتعكـــــس و يتلـــــوى تليـــــو

مافيــــه مطلــــب جـــا بليـــا تعاسيـــر ... و لا فيه دربـــــن ياصـل لمقصـدي تو

حتـــى وليـــف الـروح زيـــن التباشير ... عنـــي تنحــا و بـــدل الوصــل بجفــو

من عقب قلبــي صار في حبــه اسيــر ... قطــــــع علاقاتـــــه وخلانــــي بســـو

او ان كنـــــي من عظامـــــه مكاسيـــر ... و اخفــف الحســـرات ياليـــت و لــو

و مالي جدا الا اكتب جوابــن بتقديـــر ... واوضـــح معاناتــــن عن الحـال تنبو

و اشكي لحـــرن من عــزاز المواكيــر ... و ابيـــه يوصـــل واكد الحــل لـي تو



للشــــاعر ,, عيـــد القــــوس المرشدي

........

رد حجاب بن مرزوق الكســـــر المرشدي ,,, يقوول



يا مرحبا و عــداد مزنـــن مزابيــــر ... وعـــداد خلقــن في أخــر الليـل صـلو

باللــي لفانــي من بعيـــد المشاويــر ... مرســول منهـــو يفعــل الطيــب وكفو

و ساعه لفا قدمـــه دلالـــن مباهيـر ... من بـــن خولانـــن يصلــح على الضو

مع حايلن تشـــرا بغالــي الدنانيـــر ... و الطيــب الازرق عقبهـــا لا تقـــهوو

و لستاذن المنــدوب يبـــا المحادير ... و سلـــم كتابـــن فيــه منظـــوم لـولــو

قلنـــا فمـــان الله دروبــك مسافيـر ... و للبشــت الأشقر معـــه يا حمود شيلو

ثم هات خـط القوس راعي المغاتير ... و اقــــرا البيــوت بعجلتـــن لا تهجـــو

ثم قــــرب الفكســـار مافيـه تاخيـر ... و ســره ليـــــا من المخاليـــــق نامـــو

خلــــه يقـــوم ينوز صنــع البياطير ... شرابــت البيــــره عســـا مـــا تقـــوو

و في شايه الوالــي حسيـن التدابير ... ووقت الفجـــر يوم المخاليـــق قامـــو

وسط الجبيل و عند ريف المسايـير ... اللــــي ضيوفـــه لا تغـــــدو تعشـــــو

القوس عيد مسخر القـــاف تسخير ... و عـــوق العــدا يــوم اللقـاء لا تناخو

عطه جوابــن فيه نفــح النواويـــر ... من صاحبــن ما يختـلف صافيــن هـو

يالقوس وقتن قدمنــا هول الزيـــر ... و أهل الوفـاء من لوعـه الوقت شابـو

يصارعون الوقت روس المشاهير ... وبالعزم والطاعــــه ولا يـــوم عافـــو

و ماحصلوها الا عيـــال المعاثيــر ... جات لهــم الدنيــا علــى مـــا تمنــــو

تجيـك دنياهـــم بعـــد و فواتيـــــر ... و من حبهـــم للقــرش ما قـد تغـــدو

و الا سواتك شامخن كنـــه النيــر ... ما يخلفـــه صفــق الهبايـــب مع النو

و ان كان تذكر حب سيـد الغنادير ... اللــي خـــذا قلبـــــك و قفـــا وشــدو

شدو به اللي جعلهــم في زمهرير ... يبــــون نبت الصيـــف قفـــو وراحـو

نبا نجيبـــه لـــو بغــــز القناطيــر ... و لابد جــــرح القلـب يرتــاح ببـرو















رد مع اقتباس
غير مقروء 21-Apr-2011, 02:37 PM رقم المشاركة : 2
معلومات العضو
(مہودع دنہيأهہ)

رابطة محبي الهيلا

إحصائية العضو





التوقيت


(مہودع دنہيأهہ) غير متواجد حالياً

افتراضي

صح ألسنت الشعااار وبيض الله وجهك على النقل ولاهنت















رد مع اقتباس
غير مقروء 21-Apr-2011, 04:42 PM رقم المشاركة : 3
معلومات العضو
محمد العتيبي

مشرف منتدى شعراء قبيلة عتيبه


الصورة الرمزية محمد العتيبي

إحصائية العضو






التوقيت


محمد العتيبي غير متواجد حالياً

إرسال رسالة عبر مراسل MSN إلى محمد العتيبي
افتراضي

الله الله


صح لسااان شعراء المراشده ..


ولاهنت على النقل يالغالي
..















التوقيع
اضغط على الصورة لرؤيتها بالحجم الطبيعي









للتواصل عبر twitter تويتر


al_bargawy@
رد مع اقتباس
غير مقروء 23-Apr-2011, 12:00 PM رقم المشاركة : 4
معلومات العضو
سيف نت
عضو ماسي
إحصائية العضو





التوقيت


سيف نت غير متواجد حالياً

افتراضي

صحت السنتهم















رد مع اقتباس
غير مقروء 25-Apr-2011, 01:59 AM رقم المشاركة : 5
معلومات العضو
أبن حشيان
شــــاعــر

الصورة الرمزية أبن حشيان

إحصائية العضو






التوقيت


أبن حشيان غير متواجد حالياً

افتراضي

اقتباس:
المشاركة الأصلية كتبت بواسطة سعدي هوازني مشاهدة المشاركة
صح ألسنت الشعااار وبيض الله وجهك على النقل ولاهنت
اخي سعدي هوازني صح بدنك يالغالي الله لايهينك اشكرررررك على المروووور















رد مع اقتباس
غير مقروء 25-Apr-2011, 02:02 AM رقم المشاركة : 6
معلومات العضو
أبن حشيان
شــــاعــر

الصورة الرمزية أبن حشيان

إحصائية العضو






التوقيت


أبن حشيان غير متواجد حالياً

افتراضي

اقتباس:
المشاركة الأصلية كتبت بواسطة محمد العتيبي مشاهدة المشاركة
الله الله


صح لسااان شعراء المراشده ..


ولاهنت على النقل يالغالي
..
محمد العتيبي اشكرك اخي ابو مرزوق الله لايهينك يالغالي وصح الله بدنك















رد مع اقتباس
غير مقروء 25-Apr-2011, 02:04 AM رقم المشاركة : 7
معلومات العضو
أبن حشيان
شــــاعــر

الصورة الرمزية أبن حشيان

إحصائية العضو






التوقيت


أبن حشيان غير متواجد حالياً

افتراضي

اقتباس:
المشاركة الأصلية كتبت بواسطة سيف نت مشاهدة المشاركة
صحت السنتهم
صح بدنك اخي سيف نت الله لايهينك يالغالي















رد مع اقتباس
إضافة رد

العلامات المرجعية

الكلمات الدلالية (Tags)
حجاب المرشدي


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »06:19 PM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي