السلام عليكم ورحمة الله وبركاته ..
مصافحه عقب الغياب الطويل ,, وعسى ان تنال لو القليل على إعجابكم ..
واعذروني على القصور يالهيلا ..}~
//
ياسعود حافتني جيوشٍ من الهم = وضاقت بي الدنيا ولو هي وسيعه ..!!
لا خال نافعني ولا اخو ولا عم = واخلاقي اندمرت ومبطي رفيعه ..!!
يوم السبب منهو خذا خفّة الدم =غنج ودلع هو كان .. مدري طبيعه ..!!
امن اول أن صوّت لي آجاوبه (سم) = كنه وديعٍ لي وكنّي وديعه ..!!
واليوم عني راح مبعد وملزم = بسباب عذالٍ يبون القطيعه ..!!
وقلبي غدا ياخوك منهَم ومنغم = مذكر خطاء منّي على شان اطيعه ..!!
وياسعود راسي عوّد اليوم منخم = وعشقت سجّات الخطوط السريعه ..!!
وجرحي عقب فرقاه يا سعود ما ألتم = لاكن دوك العلم تكفى وذيعه ..!!
كانه على فرقاي هاوي ومغرم= (من باعنا في سلم جدي نبيعه) ..!!
وسلامتكم
ابو نجر النفيعي
آخر تعديل أبو نجر النفيعي يوم 01-May-2009 في 01:52 AM.