الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > المنتديات الأدبية > قصائد الأعضاء > منتدى دواووين شعراء المنتدى

« آخـــر الـــمـــشـــاركــــات »
         :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)       :: الشيخ عبدالله ابن جزعاء العازمي جمع غير الفروسيه الحكمه والفكر السياسي وبعد النظر (آخر رد :متعب الوحيدب)      

إضافة رد
أدوات الموضوع انواع عرض الموضوع
غير مقروء 09-Nov-2009, 04:35 PM رقم المشاركة : 1
معلومات العضو
أبو مرحبا
مشرف عــام

الصورة الرمزية أبو مرحبا

إحصائية العضو





التوقيت


أبو مرحبا غير متواجد حالياً

افتراضي ديوان الشاعر ضاوي العصيمي (شاعر القنص)




السلام عليكم ورحمة الله وبركاته


أخواني الاعزاء أعضاء منتدى عتيبه الهيلا

هذا ديوان لعضو منتدى الهيلا الشاعر المعروف ضاوي عايض العصيمي ( شاعر القنص)



اضغط على الصورة لرؤيتها بالحجم الطبيعي

أتمنى ان تنال على أعجابكم




قصيدة عتيبه الهيلا

اقتباس:
المشاركة الأصلية كتبت بواسطة ضاوي العصيمي مشاهدة المشاركة
[size=5]
أنا هواء بالي وشفي وريفي=صفر(ن) على جال المناره صفيفــــــــي
من وارد الرسلان ماهي مقلده=لو جيت اوصف مالهنه وصيفــــــي
لون الذهب للنار فيهن مواري=من كثر ماتصلى باحامي الصريفـــــي
يعبى لهن بنن يماني مناجبه=ويعبى لهن الزعفران النظيفـــــــــي
ويعبى لهن هيل الحبش والعويدي=ويعبى لهن بيزن مطرز وليفـــي
وبيض (ن)سواه نهود عذرا عفيفه=تو ابرزن في صدر ماقط شيفــــي
ليا صب فيها الكيف زادت غلاوته=تزيد قيمة غالي الكيف كيفـــي
أطرب لريح الشاذليه وأحبها=أحبها حب الوليف للوليفــــــــــي
أكوي بها هم(ن) تربع بظامري=قضى به المرباع ثم المصيفـــــي
يسوقني سوق الهوى للسحايب=ويتلني تلت حبال العسيفـــــي
ويحدني عن غايتي ويحداني=عن مابغيت أحتدني للرصيفــــــــي
عمر بجاشي عمرت النار بالحطب=والصلب لحقه عقب مكل الصخيفــي
وأحتل قلبي والضماير رعى بها=صلط عليها حد سيف (ن) رهيفــــــي
وأقفى علي وساقني عن جماعتي=وأقفيت مرغم مثل مقفى الشريفـــــــي
أقفيت وعيوني تهل العباير=وغادن لزفرات الظماير رجيفـــــــي
من عقب منزالي بوسط الجماعه=اليوم مابين الحساء والقطيفــــي
في ديرت(ن) عيا فؤادي يحبها=لو كثروا في مدحهم والحليفـــــــي
ناكرت عيشتها وماها وجوها=مافيها أناسه بين صبخا وسيفــــــــي
قلبي مولع ومتولع بديرتي=اللي من الطائف يمين العطيفـــــــي
دار الرجال أهل الوفاء والجمايل=حماية التالي ظلال الضعيفــــي
قومن لهم في قمة المجد منزله=فازوا بها يوم الزمان المخيفــــــــــي
ولهم سيوفن تودع الخصم ينثني=من عقب هقواته يعود معيفــــــي
هم ثوبي الساتر وعوني على الدهر=وذراعي الايمن ودرعي وسيفــــي
وشلون ما أبكيهم ولا أبكي فراقهم=من لامني جعله يقود كفيفــــــــي
أبكي هل الطالات كسابة الثناء=ظلع(ن) رفيع الجال عالن منيفـــــــي
ياسعد عيني حين تظفر بشوفهم=وركايبن قفت تعود نكيفــــــــي
وأفخر بقطمان المحازم وأماري=حماية التالي ذراء المستخيفــــــي
من عزوتن تغسل عن الكبد مرها=نون تزبر جاء لبرقه رفيفـــــي
عتيبه الهيلا تنومس فعولهم=بالسيف الاملح والقناء والعطيفــــــي
الهم فعول مورخاتن قديمه=ذباحة الحايل كعام الحفيفـــــــي
كم جاوروا قومن على الطيب والكرم=وكم ذوقوا قومن ذحاح (ن) زعيفــي
وأغلاء السلوم اسلومهم والمذاهب=يوفون ليا شح الزمان القصيفـــــــي
ياعزوتن نبراس بين القبايل=مثل البدر بين النجوم الكشيفـــــي
بنوا منازلهم بنجد العذيه=لعلها للوسم عقب الخريفــــــــي
وفي كل ديره حقها من رجالها=ولا أشنا القبايل يوم أفاخر بقيفـــــي
حدتني الاقدار والوقت دونهم=اليت صيور الليالي بكيفــــــي
تكفى يابو سالم ترا الباس مسني=أنخاك يومنك فهيمن ذريفـــــي
النصح من مثلك كما النور فالدجاء=ورايك يداويني ويوقف نزيفـــــــي
هذا ولك مني سلام وتحيه=عداد ماطلع الزماليق شيفــــــــي
ويالله يامعبود ياعالم الخفاء=الطف بحالي يالرحوم اللطيفــــــــي
سامع دبيب الذرالاسود على الصفاء=في ليله عمياء وذرن خفيفــــــي
ويالله بلغ كل نفس(ن) مرادها=وهون علينا ياكريم الكليفــــــي





قصيدة بشروا بالوسم

اقتباس:
المشاركة الأصلية كتبت بواسطة ضاوي العصيمي مشاهدة المشاركة

اضغط على الصورة لرؤيتها بالحجم الطبيعي


بشـّرُوا بالوسم قنـّاية الناقه =والديار المبطيه في تحرِّيها
جابه اللي يكرم الخلق بارزاقه =ويحيي الديره بعَد موت افاعيها
أرسله رحمه لبدوٍ على فاقه =بالدعا ترفع يدَيها لواليها
جاهزٍ سَرَّا بتدبير خلاقه= ليلته من عصر للفجر محييها
بالبروق اللي على ساق لهّاقه =في مقاديم المزون ومثانيها
تنتهب نوم المولع من احداقه =والقلوب تتلـّها من عروايها
صبح غدرانه تطارخ وصَفـّاقه =والطيور مغرّده في شواطيها
يصبحون البدو للطرش سوّاقه =والمزارع ما لهم لدّةٍ فيها
في مجاكر والمغاتير سَبّاقه =كنـّها تطوي البسيطه بأياديها
للبيد وشيلة الصوت لحاقه =ما تغث بسَوقها كبد راعيها
قدمها السندا الشناح امّ خنـّاقه =فوق ورك الركبي ارخت لواحيها
أشهد ان الوضح بالدلّ فرّاقه =وفوق زين طبوعها الرب حاليها
ومن تمكن حُبّها داخل اعماقه =يرخص الغالي على شان يرضيها
من غلاها لو يطق التعَب ساقه =ما وقف في نحورها عن مناويها
من طلوع النور لين ادرق اشفاقه =مَرّ يسبقها ومَرٍ يباريها
لين نبت الوسم تقطف من اوراقه =فى الرياض اللي تداحم مراعيها
والتعَب ينساه ويضيّع ارهاقه =حين ترخي رُوسها في معاشيها
ويلتفت للبيت ويشيّد اشناقه =في رفاع الارض ماهوب واطيها
ولا استوى مبناه ثم دوكر ارواقه =وربعته رتب صبيّه مراكيها
شبّ ناره والحطب عجّل احراقه =والمعاميل النظيفه مدنـِّيها
وزيّن الدلـّه وفنجالها ذاقه =دلةٍ عَلى مزاجه مسوِّيها
لا اختلط حاذق طعَمها بترياقه =سجّ عن حاضر همومه وماضيها
واشترى اللي ما لها فى الشحَم طاقه =قطعةٍ من عند شاوىٍ مربِّيها
حطـّها في الشبك ثم رزّ معلاقه =في حَرا رَبع ٍ تعزه ويغليها
أو طروشٍ للمعازيب توّاقه =الطراقي يبشرون بنقاويها
عند من لا جَوه ما تقفل اخلاقه =يبتهل واهل الريَا ما يراييها
يذبح ويمنح ولا قلـّت اوفاقه =وحِلـّته ما دبّر الضيف شانيها
متبع منهاج حَمّاية الساقه =الرجَال اللي بعيده مغازيها
مثلهم رجم النقا بالقدَم واقه =ومن مكاسب كفه الروح مرهيها
والعمر فاني والاقدار تفـّاقه =والحياة الله عليم بتواليها




قصيدة عبادة المال

اقتباس:
المشاركة الأصلية كتبت بواسطة ضاوي العصيمي مشاهدة المشاركة
الله من عبرةٍ بالصدر حابسها=ومجندٍ دونها قفلٍ وحراسي
احكمت ابو تاج ثم وصيت حارسها=يكون في معاملتها مرن وسياسي
لاتفجر الروح وتشّلح ملابسها=ويبين خافى الضمير لكل بلاسي
تدري بها عالمٍ تلفت دسايسها=ولابد للنار منفاخٍ ومحساسي
اهل الدنافيس ماتترك دنافسها=نقالة الحكي بين الناس والناسي
رجالهم قدمك علومه يملسها=ولاقفيت صارت تشادي حد الامواسي
ابعد مجالي واجنب عن كنايسها=اللي تلم الردي من كل الاجناسي
وادله الروح بالحسنا واسايسها=وابعد بها في مكانٍ مابه اوناسي
ابعد بها فى الخلا من شان اونسها=وانا طبيبٍ لها عذال ومواسي
وابذل جهودي واضاعفها واكرسها=من شان جلب السرور وطرد هوجاسي
واحاول انسى جميع اللي يعومسها=لوكان غالي مابا اللي يجرح احساسي
من وقتي اللي ولى روحي وعكوسها=كوى الفؤاد وحناني حني الاقواسي
الجاش يرعى بها والكبد حامسها=سوات بريةٍ في جوف محماسي
حماسها دالهٍ بالضوء لامسها=ومن بعد جمر الغضى تهرس بمهراسي
في هجرةٍ ظالمه يرعب تضرسها=تضرس اللي بذودٍ جله اسداسي
اعمارنا اكلت خضرها ثم يابسها=دنيا تلهب لها نيبان واضراسي
ابوك دنيا تشالتنا نوامسها=ذعذع لها من براد الغرب نسناسي
تنهش وتعلن على الطيّب تنافسها=واليا قضى خلته في شعب الافلاسي
جربتها واعرف الدنيا ودارسها=سمٍ ذحاحٍ وقسمي حروة الكاسي
لوطاف كانونها ماطاف مارسها=فيها الهوايل بليا عد وقياسي
شقرا تعّرض وكلٍ قال فارسها=لوكان مافاد في ماضيه نوماسي
شبط بها لو فعوله ماتـنـومسها=لكن ضحك له زمانه قال جساسي
يملك عقارات واموالٍ يكدسها=ماهمه الا يعبي شهب الاكياسي
واليا تربع وعباده تريسها=من هيبته حل فيهم كتم الانفاسي
أتقدر الناس تقدير لنفايسها=تنسى الشكاله وصار المال مقياسي
واللي ترفع بنفسه عن دنايسها=وحط الوفاء والظفر والجود نبراسي
قالوا حياته بلا تخطيط متعسها=اطيب له يكدس امواله تكداسي
عبادة المال صار المال هاجسها=لاخيلوا بارقه وصلوه عساسي
احدٍ بعد الطمع نفسه مغطسها=واحدٍ على جرته واحدٍ بالارماسي
ياعابد المال واربابه مقدسها=كم هو رصيدك ليا دقن الاجراسي
كربتك يوم المحاسب من ينفسها=وراك ماتنتبه يالداله الناسي
وش معك الا منها شبت مقابسها=اسرع من الكهربه لاناشت الماسي
لو الخزاين من الاموال تارسها=ماتـنـفعك في نهارٍ فيه محتاسي
من عقب غالي جواهرها وسندسها=تبي تضلي تطق اخماس بخماسي
لاتنخدع والطمع عينك يطلمسها=دنياك قصرٍ مزخرف هيّن الساسي
احترت في وصفها وان جيت اقيّسها=لقيت فيها الذهب مغشوش بنحاسي
وغنيت يوم الصبا هبت نسانسها=ماهو بحب وطرب من وقتي القاسي
اشجع الروح بالمعنى واحمسها=واخذ بها عن مجال الهم مرواسي
عسى المثايل تنسيها وساوسها=مثايلين مثل لون الدر والماسي
وابي هل العرف لاصتكت مجالسها=يقرون قولٍ كتبته فوق قرطاسي
ويدرون حال العصيمي وش محرمسها=ومنها يعرفون ليش الشيب في راسي
سبة همومٍ تداوسني واداوسها=في هجرةٍ تجعل الارياق يباسي
صقورها عودت صيد لفرايسها=الخرب فيها تعشى له بقرناسي




قصيدة نايف بحر

اقتباس:
المشاركة الأصلية كتبت بواسطة ضاوي العصيمي مشاهدة المشاركة

الشيخ
نايف بن فيحان بن ربيعان
وهي رد ثناء لما اكرمني به
ومهما قلت لن اوفيه حقه

لعل برقٍ يشاعفني توهاجه=سمار في مزنتٍ بالخير مسوده
يبهج صدور الضوامي في تبلاجه=واليا تبسم تبسم بارقٍ سده
لاراج بامر العزيز وصب ثجاجه=تجرح سيوله شديد القاع وتكده
نوٍ هنيٍ هديٍ في تدرّاجه=مايسبر اقصاه والاطراف ممتده
اليا أعتلى ديرةٍ للغيث محتاجه=هجّر عليها ولا أجها غير مستده
صوت الرعد لاترزم عقب لعاجه=سبحت للي يمد الخير ويرده
وذكرت يمنا عطاها يذبح الحاجه=ترفع مقام العطا ماترخص المده
ياعنك ماهيب عن الجزله بمنعاجه=مداتها غاليه فى اللين والشده
اقلها اللي ورد من دولة انتاجه=واهل النظر صفقوا له في ميناء جده
جيبٍ يهيم المولع في تغناجه=تغنج اللي بلبس العيد معتده
اهداه شيخٍ فعوله علت ابراجه=المال ماقدسه واطن على خده
شيخٍ تموت السرج مايطفي سراجه=وتتعب عزومه قوي العزم لو وده
دايم وهو مسفهل ويضحك حجاجه=واليا زعل لو يقابل له جبل هده
واليا وقف وقفته للضيق فراجه=يفتك ربعه ليا وصل الدرك حده
ومن زاد حمله وضيع باب مخراجه=قداه نايف وعن متنه نقل شده
هذاك من تاق للمجد ولبس تاجه=وشرب دلاله وعانق مبخرة نده
سليل شيخٍ يذري شامخ سياجه=فيحان ضلعٍ ليا هب الهواء صده
عنا ونسلم من التيار وازعاجه=يسدنا فيه ابو نايف ويحتده
ديّن وصيّن ولارجله بمواجه=عن درب تركي وتركي عاد من قده
لوكان سطر به بن سرور ديباجه=ذكر من الشي شي وشي ماعده
صارع زمانه وواجه فيه ماواجه=والنعم اخذها من الاجناب والبده
اليا تحدث عن المرحوم هراجه=في نايف اشوف ماعدوه في جده
ورث صفاته وسار بنفس منهاجه=ماتاع لو قامت ظروف الزمن ضده
نايف بحر والبحر ماتردع امواجه=النفع موجود في جزره وفي مده
يمناه بالطيب كسابه وهداجه=وعن مانهى الرب ممنوعه ومرتده
ياسايق اللي بريح الهيل فواجه=بده بفنجالها قبل الملا بده
مع تحياتي الخاصة ل بو عبدالعزيز=ضاوي العصيمي




قصيدة مشكاي لك

اقتباس:
المشاركة الأصلية كتبت بواسطة ضاوي العصيمي مشاهدة المشاركة
يالله يامعبود يارب الارباب=ياعون من دنياه جابت حفيله
مشكاي لك ياملتجى كل منصاب=يارب ضاعت حيلتي والوسيله
واخوي درع الجنب رجّال الاجناب=اقفى ضحيّ ورجعته مستحيله
جاني خبر موته وفزيت مرتاب=فزت صغير شب نار بشليله
واقلبي اللي كن يصلاه مشهاب=واكبدي اللي كنها في مليله
واعيني اللي غرقت بيض الاسلاب=ليت البكا يرجع خليل لخليله
مفرق الخلان جود بي الناب=دوبي عرفت انه بخيصٍ دليله
غزا ولانكف غير مشتالٍ الباب=باب منيعٍ مايذيّر دخيله
ملاذنا لامن وجه الدهر شاب=عقيدنا لاقبل عميل لعميله
واصبري اللي عقب حكم القدر ذاب=وانهارت اركونه وحول هليله
عليك ياحربة نحر كل حراب=ياللي يمينك بالجمايل طويله
ليت المنيه دورت عنك مجناب=ولقتلها دونك عميلٍ تشيله
واخذت بدالك جرم رجلٍ ليا غاب=مايفقده غير الولد والحليله
بين الرجال فروق من غير الانساب=احد جبل واحدٍ حجر في مسيله
رجلٍ ليا من مات تبكيه الاقراب=ورجلٍ ليا من مات تبكي قبيله
مفقود عند ادنى القرايب والاجناب=من طيب صيته والفعول الجميله
عساه للجنه مع جموع الاطياب=اهل التقى وأهل النقاء والفضيله
ولله ماياخذ ولله ماجاب=غير الرضا مافي يد العبد حيله




قصيدة الحلا في الشام

اقتباس:
المشاركة الأصلية كتبت بواسطة ضاوي العصيمي مشاهدة المشاركة

اه من عينٍ عن الشبح عيت لاتتوب=ودي اردعها وهي بالجمال مولعه
كل ماقصر في رسنها تحاشي للذنوب=خيلت برقٍ مقفي وقامت تتبعه
روحت ترثع بقلبي على درب النصوب=ولاورى تبع المقفي حصيل ومنفعه
كيف ارد العين عن كل رعبوبٍ طروب=ولو قدرت العين قلب العنا من يقنعه
لاعرض زين الحلايا تضيق بي الدروب=واندهش واشوش وانسى جميع اللي معه
واتجه له مندفع لاشرود ولاهيوب=مانتبه وافوق لين النظر منه اشبعه
اتركوني يالعواذل ولوكان مغلوب=الهواوي فيه شيٍ لشفه يدفعه
وادري ان اللي يصرح به الرجل محسوب=رغم هذا اقول رايي وكلٍ يسمعه
الحلى في الشام من غير قاصر فى الجنوب=شامنا ماهوب شام الطرب والقرقعه
يالعل الحفر للسيل من دهم السحوب=حشمة اللي ضوح خده تجاوز برقعه
نايفٍ ريان عوده تميل به الهبوب=كل ماهب الهواء ميله ثم رجعه
نابي الارداف والوسط ضامر ومعصوب=والنهد زامي ولن ناشه الثوب اجزعه
وكن عنقه بالتواصيف يوم يلد نوب=عنق ريمٍ من حساس القنوص مروعه
واقت براس العدامه تعاين كل صوب=اوحت السراح والراس قامت ترفعه
وفيه من عين خلوي على الربدا وثوب=في مخاليبه فؤاد الطريحه يطلعه
واشقرٍ مياح يومي على الورك معضوب=لو يقضه عنه نور الكهارب يمنعه
والله انه لو يفله عليه بدون ثوب=مايشوفون المشفح منه كبر اصبعه
كود لامن مر وانظارهم حوله تجوب=يمكن يشوفون من نادر الشكل اربعه
مترف الاقدام يوم يتخطى دوب دوب=والعيون اللي تدله طريقه وسنعه
وين انا ومعانق المترف العبث اللعوب=الصغير اللي جمال الطبيعه يجمعه
يتدلع والدلع شين ماهوب محبوب=مير بعض الناس مقبول يازين ادلعه
تلني تلة حبال السواني للغروب=وفك قلبي وحرثه بالموده وزرعه
واندفعت بلا وعي والهوا سحر القلوب=لين وثق بي قيادي ولاحتلت اقطعه
اشهد ان العشق جبار والاقدار عوب=وقفتني موقف الضيق من عقب السعه
مير يالله طالبك وانت فراج الكروب=فرج الكربه وكلٍ بشفه متعه





قصيدة الحضرمية

اقتباس:
المشاركة الأصلية كتبت بواسطة ضاوي العصيمي مشاهدة المشاركة
مساكم الله بالخير



يازماني كل ماسنيت حد الحضرميه = اعترضها عمد مسمار(ن) من الصلب وثلمها
ان هرجت قليلين المعرفه زعلوا عليّه =وان سكت اهل النوايا السود قالوا مافهمها
يامعقدة الشوش من ماش سويتوا قضيه = لمها واحد والاخر قرّب الحبل وحزمها
تصلخون وتطبخون ومنكم الذمه بريه =لامتى والغافلين انيابكم تنهش لحمها
وش خطاي الاهواء شقراً جفولٍ نرجسيه = خازرتني بالعيون اللي تمثناني سهمها
واطلبت ودي طلب بالكلمتين العاطفيه =وطرحت صف الهدب للقاع واغرتني شيمها
وانحنت لي طايعه مابين هاذيه وذيه =ورفعت شال الخجل عن وجهها وادت قسمها
ماتخون ولاتهون والاتبدلها بنيه =لو وسمها من مخاليب الليالي ماوسمها
قلت سمي ثم تبادلنا التحيه بالتحيه = وحكمت بي كل عرق ورضيت العقل وحكمها
ولالقيت ابها عيوب الا انها فعلاً وفيه = اغرقتني بالمواصل لين غطاني كرمها
كل ماهلت تلقفها الحروف الابجديه =من غلاها مابقا حرفٍ عنيد الا خدمها
وان تجلّت للنواظر مثل برج الفيصليه =معجزه في معجزه من راسها لاسفل قدمها
مايصورها الخيال والا جنون العبقريه =ابلغ التوصيف عنها صورتٍ محدن رسمها
لو عرفها قيس ماسمه غرام العامريه =ولو لمحها عنتره شقراه عن عبله شكمها
ولو يطير بشالها النسناس في سوق الحويه = صار زواره لها جمهور والباعه حشمها
الله اللي خصها بالزين والتفس الرضيه = والله اللي خصني فيها وحسادي حرمها
الحياه بدونها ياعاذلي جرم وخطيه =والسعاده في لقاها اذوقها واطعم طعمها
قربها يطرد دجا سود الليال الخرمسيه = والدفا في صدرها واليا ضميت العد فمها
طاهر(ن) يطفي ضمايه منه صبة شاذليه =رشفته تنسيني ايام العوز ويطيب المها
ذكرتني في حديث البدو عن رحلة طميه =يوم شدت وانزلت في جال ضلعٍ ماعزمها
يالعواذل مالكم عندي كثير والا شويه =ريحوني دوب حانت فرصتي وابا اغتنمها
ان زعلتوا ماعليّه وان رضيتوا ماعليّه =وش يصير اليا تغامزتوا وقلتوا مافهمها ؟





قصيدة صتم الشوازن

اقتباس:
المشاركة الأصلية كتبت بواسطة ضاوي العصيمي مشاهدة المشاركة
لو كل ماخيّلت لي برق اعسه=يمديه ضاعت صيدتي في عجاجي
مغير اشد خطام شفي وامسه=واكبح جماح النفس وانهض حجاجي
واحوز عن شعب الوخامه ورسه=لو مت ضامي ماوردت الهماجي
وان شفت بالاسواق طلعه وهسه=اكف يمنايه وادّور خراجي
ماكل مايعرض على العين اجسه=انقا وعقلي فى الغداري سراجي
اخاف من شيءٍ ضميري يحسه=وانا غني عن مايعكر مزاجي
والهم عن نقالة الحكي ادسه=زينت له بين المحاني ملاجي
وان زاد بالسجات اغيب مرسه=تفرج الكربه وساع الفجاجي
واليا طرا اللي ينعش الروح حسه=اللي غرامه بين الاضلاع لاجي
سريت مع ليلٍ نسيمه ينسه=اصيح له باسمه لحالي واناجي
كن الحشا صتم( الشوازن) يبسه=والكبد لاغفها شضية زجاجي
اهرف هريف الذيب بارضٍ مرسه=واهيف مثل اللي طناها الخلاجي
وقلبٍ مراسيل المحبه ترسه=والله ليبطي مالقاله علاجي





قصيدة الطيب

اقتباس:
المشاركة الأصلية كتبت بواسطة ضاوي العصيمي مشاهدة المشاركة
من لاينال الطيب باول شبابه=ماظن يظفر به بعد عارضه شاب
ومن لايميز غلطته من صوابه=لوصاب مره عشر مرات ماصاب
ومن لاعلى جسمه يفصل ثيابه=والله ليعلج فوق ضرس وتحت ناب
ومن لايعرف القيظ يتبع سرابه=ويصبر على لفح السمايم والاتعاب
ومن طق بيبان العرب طق بابه=ولاضاع حق وقافي الحق طلاب
والسيف قوة سلته من نصابه=ولاخير في سيفٍ يجرب في الاقراب
ياللي تبي قدرٍ رفيع ومهابه=ابعد عن الشباك وادخل مع الباب
وحاذور من جحر الخباره ودابه=ترى الوقايه خير من كل الاطباب
ولاتعترض لك عيةٍ تبتلابه=دامك معافى لاتعرض للانشاب
ولاتارد الا اللي عذيٍ شرابه=عد الوبا مايشربه كود من خاب
والجار لو عن داره ابطا غيابه=خلك وصيه لاتخونه اليا غاب
والضيف رحب به وكرم جنابه=وقدم له الميسور من كل ماطاب
وتبشر بقول ونعم في كل جابه=ويزداد قدرك بين ربعك والاجناب




قصيدة مراسيل المحبه

اقتباس:
المشاركة الأصلية كتبت بواسطة ضاوي العصيمي مشاهدة المشاركة

لو كل ماخيّلت لي برق اعسه=يمديه ضاعت صيدتي في عجاجي
لكن اشد خطام شفي وامسه=واكبح جماح النفس وانهض حجاجي
واحوز عن شعب الوخامه ورسه=لو مت ضامي ماوردت الهماجي
وان شفت بالاسواق طلعه وهسه=اكف يمنايه وادّور خراجي
ماكل مايعرض على العين اجسه=انقا وعقلي فى الغداري سراجي
اخاف من شيءٍ ضميري يحسه=وانا غني عن مايعكر مزاجي
والهم عن نقالة الحكي ادسه=زينت له بين المحاني ملاجي
وان زاد بالسجات اغيب مرسه=تفرج الكربه وساع الفجاجي
واليا طرا اللي ينعش الروح حسه=اللي غرامه بين الاضلاع لاجي
سريت مع ليلٍ نسيمه ينسه=اصيح له باسمه لحالي واناجي
كن الحشا صتم( الشوازن) يبسه=والكبد لاغفها شضية زجاجي
اهرف هريف الذيب بارضٍ مرسه=واهيف مثل اللي طناها الخلاجي
وقلبٍ مراسيل المحبه ترسه=والله ليبطي مالقاله علاجي





قصيدة المرجع !! المرجع !!


اقتباس:
المشاركة الأصلية كتبت بواسطة ضاوي العصيمي مشاهدة المشاركة
[poet font="Simplified Arabic,4,white,normal,normal" bkcolor="seagreen" bkimage="" border="double,7,red" type=0 line=200% align=center use=ex length=0 char="" num="0,black" filter=""]
يالله سألتك ياكريم الوجه عفوك والنجاه=في ساعةٍ تذهل بها المرضع عن اللي ترضـعه
سبحان معبودٍ من الداعي قريب اليا دعاه=والنمل الاسود بالدجى الحالك دبيبه يسـمعه
ربٍ روؤفٍ مايخيب اللي تذرى في ذراه=وبالعروة الوثقى اليا عبده تمسـك يرفعه
يهديه درب الرشد ويعينه ويبلغ مبتغاه=ويصلح له احواله وعنه الضـر كله يدفعه
والخايب اللي غرته دنياه وابحر به هواه=في بحرها الكذاب والشيطان اله طق أصـبعه
ظل الطريق وعن دروب التيه عقله مانهاه=واصبح ذلول أبليس واقفى به يسوقه واقلعه
يضحك يحسب أنه سعيد وهو غرقٍ في شقاه=هايم ومتوهم وهافي في بحور المـعـمـعـه
راح الشباب وشاب ماميز صوابه من خطاه=مشـغـول بـ حلامه ولاهي لين واجه مصـرعه
وحطوه في قبرٍ غويطٍ موحشٍ ضيق مداه=لحظة تنحوا يسمع انعلهم وهو في مضـجـعه
مايملك الا خامٍ ابيض بعد جاهه والغناه=وش عاد يسوى ماله اللي ضاع عمره يجمعه
ثم بعدها يجزى بما قدم ومامدت يداه=في ساعةٍ فيها التمني والندم ماينفعه
مهما يطول العمر يابن أدم مردك للوفاه=الدائم المعبود والا العبد هذا مرجعه
أغنم زمانك لايفوتك والهرم يدفن صباه=واحسـب حسـاب لساعةٍ كلٍ يقدم مـامعه
اللي كتابه في يمينه يرفع الله مستواه=واللي ورى ظهره تمنى ان البسيطه تبلعه
يامن قضى عمره مهاجر من قناه اليا قناه=مقابل التلفاز عمره ضّـيعه في مضـيعـه
يحرص على الافلام والاوهام ويكب الصلاه=هو مادرى ان العمر يمضي والليلي مسرعه
والا أنت يالغرقان كلك في ملذات الحياه=أعلم ترى زادك من اللي بالمزارع تزرعه
مافيه شيء يضيع من يعمل يبي يلقى جزاه=والرابح اللي عفو ربه من جهنم يمنعه
ومن طق باب الناس طقوا بابه وداسوا حماه=طبق على نفسـك ومايوجعك غيرك يوجـعـه
يانصرة الاسلام واحفاد الصحابه والرواه=تكاتفوا واللي يظل الدرب لازم نردعه
ندعوه بالحسنى عسى رب الملا يكتب هداه=وحبل التواصل والتناصح بيننا لانقطعه
وصلوا على خير البشر عداد مايمطر سماه=وأدعوا لمن والى النبي والراشدين الاربعه [/poet]





قصيدة ياهيه ياللي قمت تنهش

اقتباس:
المشاركة الأصلية كتبت بواسطة ضاوي العصيمي مشاهدة المشاركة
هبت ذعاذيع القصايد من شمال ومن يمين=وجتني فرايدها تعرض لي وانا شفق لها
وقام يتزاحم في ضميري كل ممدوحٍ ثمين=واندار فكري عقب ماضلى ماهو صافنلها
مشغلته هموم الحياة ومرهقه جور السنين=اللي ترصد له وبالعزم الشديد يذلها
عاداتنا نرقى سنود ولانحوّل حادرين=واللي نبي ناصلها مهما حصل ناصلها
ندحم ظروف ايامنا بالصبر والجنب المتين=وعزومنا مثل السيوف الحدب يوم نسلها
لو ان هم قلوبنا اكبر من طويق بمرتين=اليا دعتنا النادره بالعرف نشفي غلها
وبنت الهواجيس اعتزتبي واعتزيت بعزوتين=لاروى الضوامي من قراح الجم ثم اعلها
وانصح بها اللي مايميز فى الهزيل من السمين=يلم من زود الغشامه دقها مع جلها
تاع وتلحقني خطيه مايطالبني بدين=ولاني زبون لعثرة السانه بعد مازلها
ياهيه ياللي قمت تنهش في لحوم الغافلين=شخّص مرض نفسك وعطران الشوارب خلها
الذم ماعمره ينقّص من فعول الطيبين=والمدح مايرفع رخوم الناس لو طبلها
شيءٍ تطوله باللسان ولاتطوله باليدين=تقصر يمينك عنه لو نفس الخنا سولها
لاتنجرف وتزل ويطبل لك بليس اللعين=طعني توثق في رسن نفسك ولاتمهل لها
ترى العرب تصبر ولن لدو لك الخافي يبين=وتشد في ظهرك حمولٍ مانته بكفولها
هذا وانا ماني بخصمٍ للضعيف وللدوين=والساقطه ينزل لها غيري وانا مانزل لها
ما خاصم الا صيرمينٍ قرم راسه مايلين=يفتل وانا انقض مافتل واليا فتلت يحلها
واليا ضربته ضربتٍ وحده يرد بضربتين=وارد له باربع ويدبلها وازيد ادبلها
وبعض العرب لو زعلوني ياعساهم سالمين=اعز نفسي عن منازلهم ولاحولها
واقول ياربي على الدنيا ومافيها تعين=وتحفظ رجالٍ عاشت انصاف الرجال بظلها



تقبلوووو أحترامي وتقديري للجميع

أخوكم أبو مرحبا















التوقيع
اضغط على الصورة لرؤيتها بالحجم الطبيعي

اضغط على الصورة لرؤيتها بالحجم الطبيعي

اضغط على الصورة لرؤيتها بالحجم الطبيعي

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

اضغط على الصورة لرؤيتها بالحجم الطبيعي
رد مع اقتباس
غير مقروء 09-Nov-2009, 04:46 PM رقم المشاركة : 2
معلومات العضو
عبدالرحمن الهيلوم
عضو
إحصائية العضو






التوقيت


عبدالرحمن الهيلوم غير متواجد حالياً

افتراضي

ابدااااااااااااااااع
صح السانك والسانه
دوم انت مبدع















رد مع اقتباس
غير مقروء 20-Nov-2009, 09:37 AM رقم المشاركة : 3
معلومات العضو
النمر المقنع
عضو فعال

الصورة الرمزية النمر المقنع

إحصائية العضو






التوقيت


النمر المقنع غير متواجد حالياً

إرسال رسالة عبر مراسل AIM إلى النمر المقنع إرسال رسالة عبر مراسل MSN إلى النمر المقنع إرسال رسالة عبر مراسل Yahoo إلى النمر المقنع
افتراضي

صح لسان القايل

وبيض الله وجه الناقل.















رد مع اقتباس
غير مقروء 20-Nov-2009, 01:52 PM رقم المشاركة : 4
معلومات العضو
سلطان ابن حامد
شـــاعــر
إحصائية العضو





التوقيت


سلطان ابن حامد غير متواجد حالياً

افتراضي

مرحبا بك يا ابو مرحبا

والله لا يهينك ويبيّض وجهك

وابو زياد غني عن التعريف وشاعر علم

بالتوفيق للجميع

تقديري لك ،،















التوقيع
رد مع اقتباس
غير مقروء 05-Dec-2009, 05:24 PM رقم المشاركة : 5
معلومات العضو
خالد بن مورق

رابطة محبي الهيلا


الصورة الرمزية خالد بن مورق

إحصائية العضو





التوقيت


خالد بن مورق غير متواجد حالياً

إرسال رسالة عبر مراسل ICQ إلى خالد بن مورق
افتراضي

قصايد جزله ونعم والله في العصيمي















رد مع اقتباس
غير مقروء 06-Dec-2009, 07:35 PM رقم المشاركة : 6
معلومات العضو
ناصر حامد الثبيتي
عضو ماسي
إحصائية العضو






التوقيت


ناصر حامد الثبيتي غير متواجد حالياً

افتراضي

مبدع الشاعر ضاوي العصيمي والشهادة فيه مجروحه . صح لسانه وصح كله . وشكرا لك يابو مرحبا .















رد مع اقتباس
غير مقروء 14-Dec-2009, 11:03 PM رقم المشاركة : 7
معلومات العضو
رامى المغيّر
عضو
إحصائية العضو





التوقيت


رامى المغيّر غير متواجد حالياً

افتراضي

صح لسانك ومشكورين















رد مع اقتباس
غير مقروء 03-Aug-2010, 08:08 PM رقم المشاركة : 8
معلومات العضو
أبو مرحبا
مشرف عــام

الصورة الرمزية أبو مرحبا

إحصائية العضو





التوقيت


أبو مرحبا غير متواجد حالياً

افتراضي




قصيدة لعيون الفائزين

على وضح النقا يوم اللقا في ساحة الميدان= تفوقنا وطلنا الطايله بطوال الايماني
خطفنا المركز الاول نهار مصادم البدوان=وصار الانتصار الكاسح اللي هال الاذهاني
وحصل تحطيم للرقم القياسي وانعش الوجدان=ورميت بغترتي من فرحتي واسرجت قيفاني
يحق اللي التباهي والفخر لافازوا العتبان=بجايزة الملك عبدالعزيز القايد الباني
ثلاثين وعليها جائزه والشكر للمنان=مكاسب للبكار الفايزه في كل الالواني
حصدناها نهار أن التحدي والمجاكر حان=وعوايدنا نفيد الفيد واللي صار برهاني
اخذنا نخبة النخبه شمام وكل قاسي لان=اخذناها على كل الملا والحق سلطاني
لك البيضا على ماطال يافنجال بن سلطان=ابو خالد منومسنا بوضحٍ مالها اثماني
ولامنا ذكرنا الزين نذكر شعل بن قشعان=صحيح ان النوادر مالها غير ابو مشعاني
وشعل الشيخ بن حجنه تفوق الوصف ياسبحان=مصورها ومكرمها بابو نايف كحيلاني
ثلاثٍ نومستنا واخذت الطاله على الذيدان=وحنا اهل الرقوم الاوله من غير نقصاني
بباق الناس واللي يهضم حقوق العرب غلطان=ونعمٍ بالقبايل كلهم وافين من داني
وغير النخبه اخذنا جوايز والتفوق بان=وحنا اهل التفوق والتقدم طول الازماني
ابن عاصم حمود اقبل ورجح كفة الميزان=وعجاب السعد ماغاب يومٍ الوعد حاني
وغازي في نهار العرض نومس عزوة العضيان=ونعمٍ يازبون الكايده يابن دهيراني
وزيد الغربي اللي مافهق عن ربعه الظفران=وبن غتار نايف فوز شوله معلن اعلاني
وفاز ابو هليبه والثنا لك يابن فنيسان=وبن ذايب حنيف مقدر الجيران والعاني
وجا عبدالله الغدراء يدرج ترثة الجدان=وابا الخيل اعتزى فرز الوغى بالنادر الثاني
حنس ينخا جهز وثنينهم وقت اللقا فرسان=وابو عايض همل قال المفاخر ورث جداني
وتحيه للحبردي والثنا يسند لبن صمدان=وجمّلنا وجب يوم اعتزى والعلم نيشاني
وشرار العرم مالانت عزومه والحصان حصان=وطلق وقت المزاحم والزعم مالان زوماني
ولبس مدلج وابن ناشي من خيار الفخر تيجان=ولاننسى عريب الجد بن هجرس شحيماني
ومسلط فاز باللي يوم مرت فرت الاذهان=وفاز ا لنادر بن معيض طير العز حوراني
ولافي رايته بيضا ولاننساك ياهملان=وابن بداي جا من حومة الميدان ربحاني
مكاسبنا كبيره والثنا لك ياعظيم الشان=ثم لحكامنا ال سعود درع وظل الاوطاني
وتنافسنا شريف وكلنا في هالبلاد اخوان=من حدود الشمال اليا ورى فيفا ونجراني




وهذه قصيدة عتيبه الهيلا

أنا هواء بالي وشفي وريفي=صفر(ن) على جال المناره صفيفــــــــي
من وارد الرسلان ماهي مقلده=لو جيت اوصف مالهنه وصيفــــــي
لون الذهب للنار فيهن مواري=من كثر ماتصلى باحامي الصريفـــــي
يعبى لهن بنن يماني مناجبه=ويعبى لهن الزعفران النظيفـــــــــي
ويعبى لهن هيل الحبش والعويدي=ويعبى لهن بيزن مطرز وليفـــي
وبيض (ن)سواه نهود عذرا عفيفه=تو ابرزن في صدر ماقط شيفــــي
ليا صب فيها الكيف زادت غلاوته=تزيد قيمة غالي الكيف كيفـــي
أطرب لريح الشاذليه وأحبها=أحبها حب الوليف للوليفــــــــــي
أكوي بها هم(ن) تربع بظامري=قضى به المرباع ثم المصيفـــــي
يسوقني سوق الهوى للسحايب=ويتلني تلت حبال العسيفـــــي
ويحدني عن غايتي ويحداني=عن مابغيت أحتدني للرصيفــــــــي
عمر بجاشي عمرت النار بالحطب=والصلب لحقه عقب مكل الصخيفــي
وأحتل قلبي والضماير رعى بها=صلط عليها حد سيف (ن) رهيفــــــي
وأقفى علي وساقني عن جماعتي=وأقفيت مرغم مثل مقفى الشريفـــــــي
أقفيت وعيوني تهل العباير=وغادن لزفرات الظماير رجيفـــــــي
من عقب منزالي بوسط الجماعه=اليوم مابين الحساء والقطيفــــي
في ديرت(ن) عيا فؤادي يحبها=لو كثروا في مدحهم والحليفـــــــي
ناكرت عيشتها وماها وجوها=مافيها أناسه بين صبخا وسيفــــــــي
قلبي مولع ومتولع بديرتي=اللي من الطائف يمين العطيفـــــــي
دار الرجال أهل الوفاء والجمايل=حماية التالي ظلال الضعيفــــي
قومن لهم في قمة المجد منزله=فازوا بها يوم الزمان المخيفــــــــــي
ولهم سيوفن تودع الخصم ينثني=من عقب هقواته يعود معيفــــــي
هم ثوبي الساتر وعوني على الدهر=وذراعي الايمن ودرعي وسيفــــي
وشلون ما أبكيهم ولا أبكي فراقهم=من لامني جعله يقود كفيفــــــــي
أبكي هل الطالات كسابة الثناء=ظلع(ن) رفيع الجال عالن منيفـــــــي
ياسعد عيني حين تظفر بشوفهم=وركايبن قفت تعود نكيفــــــــي
وأفخر بقطمان المحازم وأماري=حماية التالي ذراء المستخيفــــــي
من عزوتن تغسل عن الكبد مرها=نون تزبر جاء لبرقه رفيفـــــي
عتيبه الهيلا تنومس فعولهم=بالسيف الاملح والقناء والعطيفــــــي
الهم فعول مورخاتن قديمه=ذباحة الحايل كعام الحفيفـــــــي
كم جاوروا قومن على الطيب والكرم=وكم ذوقوا قومن ذحاح (ن) زعيفــي
وأغلاء السلوم اسلومهم والمذاهب=يوفون ليا شح الزمان القصيفـــــــي
ياعزوتن نبراس بين القبايل=مثل البدر بين النجوم الكشيفـــــي
بنوا منازلهم بنجد العذيه=لعلها للوسم عقب الخريفــــــــي
وفي كل ديره حقها من رجالها=ولا أشنا القبايل يوم أفاخر بقيفـــــي
حدتني الاقدار والوقت دونهم=اليت صيور الليالي بكيفــــــي
تكفى يابو سالم ترا الباس مسني=أنخاك يومنك فهيمن ذريفـــــي
النصح من مثلك كما النور فالدجاء=ورايك يداويني ويوقف نزيفـــــــي
هذا ولك مني سلام وتحيه=عداد ماطلع الزماليق شيفــــــــي
ويالله يامعبود ياعالم الخفاء=الطف بحالي يالرحوم اللطيفــــــــي
سامع دبيب الذرالاسود على الصفاء=في ليله عمياء وذرن خفيفــــــي
ويالله بلغ كل نفس(ن) مرادها=وهون علينا ياكريم الكليفــــــي
شعراخوكم=ضاوي بن عايض العصيمي

ابو سالم هو اخوي الكبير /شديد بن عايض حفظه الله



قصيدة #الجديد#
بديّت ذكر الله واطاعت كل عوباً ماتطيع=جت لي على حسب الطلب رغبه بعد عصيانها
وقمت اتخير في نوادرها واقدم للجميع=مالاق من غالي جواهرها ومن مرجانها
اهدي واسلم واتكلم واستمع واشري وابيع=يالله في التوفيق والطاله وكسب رهانها
وامشي على وضح النقا وادخل مع الباب الوسيع=لهل الجمايل والجماله جيتي من شانها
من شانها للبكر احد الفكر وازل الرجيع=واهل الضعون الراحله مانزل على مرحانها
شاعر واللي نظره ولا ارضى غير بالقول البتيع=انقد بيوتي قبل لاتنقد واعرف اثمانها
من خوف ازل بكلمةٍ بكره يذيع ابها المذيع=واشتال شرهات الرجال اللي طوال ايمانها
واللي يمد الناقصه يشوفها في كل ريع=وان صد عنها بالنظر نبّوه قالوا عانها
يالله عسى بيني وبين الهينه سدٍ منيع=واجعل خصيم النفس عقلي لارقص شيطانها
الشعر ياشعار هزله هزل واخياره نفيع=اما سما بالنفس للامداح والا هانها
واليا اجتمع زين القصيد ورافقه زين الصنيع=بنابه الشاعر حصونٍ ماتهز اركانها
تفنى عظام المبدع وندّر حروفه ماتضيع=طول الزمن تفخر بها الصفحات في ديوانها
لكن في هذا الزمان اشوف لي عضبٍ ضليع=صالت وجالت والعوارف قفلت بيبانها
كلٍ مجود صوغته ويقول بالصوت الرفيع=اخاف لاتخلف شوايب هالزمان الوانها
شاف الضعيفه شوف فى النادي تلز مع الطليع=وقليلين العرف قاموا يمهلون ارسانها
اللي غزا بالصوت واللي جاك بسلوبٍ خليع=واللي نهب منا ومنا والامانه خانها
احد يقول انا وكيل العرف والشعر البديع=وانا الفرايد لاشتهيت اقنص واجيب سمانها
واحدٍ يصيح ويعتزي ويحدّر بطون التليع=غدتبه اوهام الظهور وراح في كرعانها
يده مثل ذيل عشراً مشوال والمنطق وضيع=يمرض كبود الناس ويعكر مزاج اذهانها
وشعرٍ بلا مضمون كومة ثلج لو تكبر تميع=تنقال واسرع من قرايتها يجي نسيانها
الشعر نصح ومدح واوصاف الطبيعه والربيع=وبوح المولع وافضل بيوت الشعر واعيانها
ماقيل في شكر الاله الواحد الفرد السميع=ومدح الرسول اللي هدى الامه وازل اوثانها
لارتبه شاعر حكيم وروض تفكيره شبيع=تطرب له العراف ويحرك ركود اشجانها
اما القصيد اللي هدف راعيه ميصالٍ سريع=عنه اقفل سموعي واله ناس تفك اذانها
وختامها يارب وفقني لما يرضى الجميع=واجعل خصيم النفس عقلي لارقص شيطانها
مع تحياتي اخوكم=ضاوي عايض العصيمي















رد مع اقتباس
غير مقروء 03-Aug-2010, 08:40 PM رقم المشاركة : 9
معلومات العضو
فهد الزهراني
عضو مميــز
التميز 
إحصائية العضو





التوقيت


فهد الزهراني غير متواجد حالياً

افتراضي

ضاوي شاعر مبدع تشرفت بمتابعة نتاجه من خلال شريط القنص قبل كم سنه ومن اول سماع للشريط اعجبت جدا بقصائده وبفكره الله يطول في عمره على طاعته ويكثر من امثاله

قصائده فيها حكم ونصائح والصبغة الدينيه حاضرة بقوة جعلها الله في موازين حسناته

تسلم يالغالي على هذا الديوان ..















رد مع اقتباس
غير مقروء 20-Oct-2010, 11:43 PM رقم المشاركة : 10
معلومات العضو
راعي الشوشلية

فراس الخمري


الصورة الرمزية راعي الشوشلية

إحصائية العضو






التوقيت


راعي الشوشلية غير متواجد حالياً

إرسال رسالة عبر مراسل MSN إلى راعي الشوشلية
افتراضي

رائع كما عودتنا بجديدك


تقبل مروري















رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »02:47 AM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي