محاوره سفرالدغيلبي وسلطان الهاجري في مهرجان الغاط

[شاعر القلطه]

شكرا يابطران على النقل الرائع

[بطـران العتيبي]

العفو أخوي شاعر القلطه وأسعدني مرورك تحيتي

[ماني بهايب]

سلام الله على روس السدارى محتمين الدار= واعم الكل واقدم سلامن معه عيديه
قبل لانسمع النشره بنسمع موجز الاخبار = ونرسل للفضاء عبر القنوات الفضائيه
سلطان
الا يامرحبابك بالنيابه واقدح الاشعار = نبا نلعب معك في لعبة ماهيب عاديه
انا مالي شغل تبغا تروح ايمين ولا يسار = مادام المعرفه بين النشاما نارها حيه
سفر
انا راع الحصن وانته حصانن داخل المضمار = حصانن جولك الفرسان من ناد الفروسيه
يابن وسام تضحك لي وصدرك يخفي الاسرار= معك غلن قديمن نسبته تسعين فالميه
سلطان
انا اعرفك حصان ولا على وجه الصحيح غبار = لكن القوم تال الوقت خياله ورجليه
انا احبك و احب الطيبين ولا اقبل الاعذار = لكن المرجله حبلين مربوعه ومثنيه
سفر
مادام انظام ساهر فالسريع احسن من الردار= عساه يخالفك يامسرعن سرعه جنونيه
سفر ماهو مكلف بين اكاديمي وفل استار = سعودي ومتقيد بالقوانين السعوديه
سلطان
انا السايق وانا الساهر وانا الكبتن وانا الطيار = وانا اللي لاكويت المفسدين انجح الكيه
ليا شفت البعير يحن فالظلما حنين حوار = اسوقه بالعصا وانحره درب خلاويه
سفر
كفو يابو محمد مار خصمك فالحلوق ازرار = على بعض العرب مرسول بعقوبه سماويه
هذا الشاعر يحسب الناس فالدكان قطع غيار = نفض راسه وحطم كل الارقام القاياسيه
سلطان
انا عارفك عرفن زين ماراقول ياستار = من عيون الحسد ولا من ايدين الحراميه
انا شبري طويل وغيري ارجالن طوال اشبار = ولااقول الخطا ولا اقول القدا ليه
سفر
ليا مات الاسد حافظ بعد بعد حافظ يجي بشار= سياسين محنك فالقيادات السياسيه
انا والله ماحب المجلس اللي فيه لعب اقمار = لكن انته تروده كل صبح وكل عصريه
سلطان
من اللاله تشيل المطرقه واللوح والمسمار = لكن الناس يابن الناس ماموره ومنهيه

انتهت ولي عوده بالتعليق وبعض التفاصيل
والحقيقه محاوره من العيار الثقيل وفيها احاءات على شخص موجود فالحفل
وحاول بكل ما اوتي لمنع سفر من المشاركه ولكن كما قال
الطود
سفر ماهو مكلف بين اكاديمي وفل استار = سعودي ومتقيد بالقوانين السعوديه
وقال
على بعض العرب مرسول بعقوبه سماويه

كفو كفو .

آخر تعديل ماني بهايب يوم 19-Oct-2010 في 03:11 PM.

[تركي ابن مكه]

خلف مساك الله بلخير
صدق من قال
مايستشك كود الرديين .........ولا ترى الطيب وسيع بطانة
انا ماتكلم غير بمصدر ووثائق
وتركي معروف شعرة
لا اعلم شاعر بعد الراعي النميري نكبة على قومة مثل تركي
ونعرف وتعرف انت ويعرفون الناس نكبة تركي
واذا قلت تركي شاعر كبير
اقول
ياقربها لهل العقول الذهينه ..............مفتك نفسه يفتك جماهيره
وارجو ان تكون من اهل العقول الذهينة ياخلف

[بطـران العتيبي]

مانيب هاااايــب : أشكرك على المرور واسعدني تواجدك ..

[راعي الشوشلية]

رائع كما عودتنا بجديدك


تقبل مروري