مــقــعــد الــدهــيــنـــة للشاعر/ سعد المسعودي

[فيصل المسعودي]

هذه القصيدة للشاعر/

سعد بن نايف المسعودي (الحر الأشقر)

في الشيخ والفارس المعروف/



مقعد بن سعود الدهينة ( رحمه الله تعالى)

شيخ قبيلة المساعيد من النفعة

يالله يامجري هبوب النســـــانيس = وجــــــلاي نوره لاتخايط عتيمه
عــلام ماتخفي الصدور المقـاويس = محيي الغصون اليابسـات الهشيمه
الشـــعرمغزى والفكروالهـواجيس = تأرد وتروى للعقــــــــــول الفهيمه
وأنا دليـلي مبعـــــــدين المراميس = في عصرنا ولاّ العــــصور القديمه
أشعلت من فكري لشعري فوانيس = القــدح قــدحي والنـــــــــوايا مقيمه
سباح وأسبح في بحـــور ٍ بلاقيس = وأســـمع لشور أهل العقول الحكيمه
أفك باب المغـــــــلقات المحابيس = بالعـــــــدل ترضى ماتـجي بالظليمه
تطيع داعيها وجتني كـــــراديس = بالغـصب ماأغصبها ولاأقبل هزيمه
اللي بناء بيته على سـاس ماسيس = ماله على التاريخ ماضي وســــــيمه
من لايمجد له فعـــــول ونواميس = أمه عســـــــــــــاها في زمنها عقيمه
ومن لايعرب منســـــبه للقرانيس = أجـــــــمال ورده من ظماها محيمه
أسم الدهينه هيبة ٍ تســــبق الكيس = لاجــــــــــاء نهار ملاويات الشكيمه
في ساعة الأرياق تنشف ويبيس = وعنها يتحــــــادى من يذب الخريمه
يبديلها مقعد زبون المعابيس = لاطوحن له لابسات اللثيمه
يضحك حجاجه ماأنكفت به مفاليس = يارد حياض الموت للروح شيمه
وكم شيخ قوم ٍ لحقه رووس فريس = يسبق نذير السيف سطوة جحيمه
من هيبته فرق جموع ٍ مراويس = مخلي ظهور الخيل وشداد ريمه
دوس الخطر دربه وللرجل ماديس = وناب الدهر وحنوك بقعاء وليمه
لاكبرت القاله يفك المغاليس = وكن الفعايل من فعوله يتيمه
عون الضرير اللي عليه المضاريس = دارت وظامه فالليالي غريمه
رأس ٍ تعلاّ الرووس فالوقت ماريس= سيل ٍ قفاه من أحمر الدم ديمه
يشيب من فعله غرير ٍ على الديس = كل الخلايق من وصوفه عديمه
شبه الجزيره ماوفت بالقواميس = وعن فعله التاريخ يصبح نديمه
لو الشجاعه منهج ٍ وله تدريس = كل المناهج مالها أيات قيمه
عن حكمته لو كدس العرف تكديس = همش عقول ٍ في زمنها حليمه
حلم الليالي صحوته للكوابيس = اللي دوافعها تعوّد وخيمه
ومن يستعن بالله ويعوذ أبليس = يرجع لوقته وش مصادر زعيمه ؟
يالله بنو ٍ لاتركز مكاديس = قام يتهادى فالنصوب برزيمه
كن القنابل فالمثاني مقابيس =والنور كفه من دماسه ظليمه
وقام يتداحم مدلهم المداميس = وأرخاء سبوله للمسامع حتيمه
يسكب هميله من عيون النواعيس =و ينحب رعدها ويتكفّى هشيمه
على قبر مقعد تلاحق متاريس = وتنثر مقاديمه ويركد نسيمه
يأخذ تراديده ويأخذ مراويس = وإن بكرالوسمي يعله وسيمه
يقر ماه وروضة القبر مانيس = والغصن ماساق اليباس لصريمه
ماأحصيت فعله بركن دونه العيس = يبعد مداه ولالحقنا عظيمه
قول الحقيقه مرضي(ن) للمجاليس = بلسان عرفي والعوارف حشيمه
والحق واضح مايجي فيه تهجيس = وشيطانها أخرس من سكت له غنيمه

منقوووول

[ܓܨ عبدالله البرقاويܓܨ]

رحمة الله عليه امير وفارس
وصح الله لسان الحر الاشقر سعد المسعودي
ابدع في القصيده
والف شكر لك اخوي فيصل طرح قيم وراائع

[خلف الروقي]

نعم الفارس والشيخ الله يرحمه ويسكنه جناته

وصح لسان سعد قصيدة جزله من راس جزل


اشكرك وتقبل ودي قبل ردي يافيصل

[فيصل المسعودي]

المشاركة الأصلية كتبت بواسطة ܓܨ عبدالله البرقاويܓܨ

رحمة الله عليه امير وفارس
وصح الله لسان الحر الاشقر سعد المسعودي
ابدع في القصيده
والف شكر لك اخوي فيصل طرح قيم وراائع

هلا عبدالله

الشكر لك ياغالي

على مرورك الطيب وتواجدك الرائع

تحياتي

[فيصل المسعودي]

المشاركة الأصلية كتبت بواسطة خلف الروقي

نعم الفارس والشيخ الله يرحمه ويسكنه جناته

وصح لسان سعد قصيدة جزله من راس جزل


اشكرك وتقبل ودي قبل ردي يافيصل

حياك الله ياغالي

بارك الله فيك

شكراً لمرورك الطيب

تقبل ودي وتقديري

[ضيف على عتيبة]

والله والف نعم بالدهينة _الله يرحمه ويغفر له _

وصح لسان الشاعر

ويعطيك العافية اخوي على النقل

[ابوريان المقاطي]

رحمة الله عليه امير وفارس


وصح الله لسان الشاعر/سعد المسعودي



والف شكر لك اخوي فيصل على النقل

[محمد بن روق الاسعدي]

مشكور اخوي وبيض الله وجهك

[فيصل المسعودي]

المشاركة الأصلية كتبت بواسطة ضيف على عتيبة

والله والف نعم بالدهينة _الله يرحمه ويغفر له _

وصح لسان الشاعر

ويعطيك العافية اخوي على النقل

ماعليك زود

الله يعافيك ومشكور على مرورك الطيب

تحياتي

[فيصل المسعودي]

المشاركة الأصلية كتبت بواسطة ابوريان المقاطي

رحمة الله عليه امير وفارس


وصح الله لسان الشاعر/سعد المسعودي



والف شكر لك اخوي فيصل على النقل

اللهم أمين

العفو اخوي

مشكور على مرورك الطيب

تحياتي